मैत्री - वार्षिक कार्यक्रम २०१८

मैत्रीने मेळघाटात काम करायला सुरुवात करून २१ वर्षे झाली. १९९७ च्या पावसाळ्यात, मेळघाटमधे कुपोषणानं होणारे बालमृत्यू रोखावेत म्हणून मैत्रीने काम सुरु केले. याही वर्षी धडक मोहिमेचे काम चालू झाले आहे. या दरम्यान मैत्रीचे काम चालू असलेल्या गावातले बालमृत्यूंचे प्रमाण तर खाली आलेच पण त्या व्यतिरिक्त ह्या गावांनी शिक्षण, शेती ह्या क्षेत्रांमधेही चांगली प्रगती केली आहे.

पहिली दहा वर्षे सोडता त्यानंतरच्या प्रत्येक वर्षी मैत्रीचा एक वार्षिक मेळावा आयोजित केला जातो. हा कार्यक्रम म्हणजे मैत्री चे स्वयंसेवक आणि हितचिंतक यांची स्नेहभेट असते. ह्या कार्यक्रमाच्या निमित्ताने सरलेल्या वर्षातल्या कामांचा आढावा घेणे, नवीन वर्षात करायच्या कामाविषयी स्वयंसेवकांना आणि हितचिंतकांना सुचित करणे अशी कामे केली जातात. नवीन लोकांपर्यंत मैत्रीचे काम पोहोचवणे, त्यांना मैत्रीच्या कामाशी जोडून घेणे हा पण एक उद्देश असतो.

दरवर्षी मैत्री प्रमाणे मैत्रीचा या वर्षीचा वार्षिक कार्यक्रम शनिवार दिनांक १४ जुलै रोजी सायंकाळी ६ ते ८ या वेळेत एस एम जोशी सभागृह, पुणे. येथे आयोजित करण्यात येणार आहे.

नेहेमीप्रमाणे यावेळी केवळ वर्षभरातल्या कामाचा आढावा घेणे आणि नवीन वर्षात करायच्या कामाविषयी सुचना देणे असे न करता मैत्रीचे एक संस्थापक स्वयंसेवक श्री. अनिल शिदोरे, एकंदरितच ह्या सगळ्या प्रवासाविषयी आणि इथून पुढे काय करायला पाहिजे ह्याविषयी त्यांचे म्हणणे मांडणार आहेत.

तरी सगळ्यांनी येण्याचे अगत्य करावे.

काय - मैत्रीचा वार्षिक कार्यक्रम
कधी - शनिवार दिनांक १४ जुलै २०१८
कुठे - एस एम जोशी सभागृह, निवारा वृद्धाश्रमाजवळ, नवी पेठ, पुणे.
केव्हा - संध्याकाळी ६ ते ८ दरम्यान.

मैत्री कार्यालय संपर्क
०२०-२५४५०८८२