फुकटात विनासायास वेटलॉस

बाकी फार काही माहीत नाही पण दीक्षित डाएटमुळे बायकोचे वजन ४ महिन्यात ९ किलो कमी झाले आहे आणि बऱ्याच दिवसानी भेटणाऱ्या सर्व मैत्रिणींनी तिचे कौतुक केले, हे मात्र मी स्वतः बघितले आहे.

खरे सर. उपाय भारी आहे पण मार खायची भीती वाटते : हाहा:
भागवत सर - फिरकी घेतली ना गरीबाची

मी दुसर्‍या एका धाग्यावर समस्या विचारली होती. आता तो धागा कोणता हे लक्षात नाही.

मी अशक्त नाही. पण तब्येत किरकोळ असल्याने मला सतत टोमणे बसतात. कॉलेजच्या दिवसात किंवा नंतर ज्यांनी मला पाहिले आहे त्यांना मी आजारी आहे असे वाटते. मी कधीच शरीर कमावले नाही किंवा शरीर स्थूल नव्हते. पण सुदृढ नक्की म्हणता येईल.
नंतर धावपळ, काम यामुळे वजन कमी होत गेले. मला त्याचा त्रास होत नाही. उलट काही जण म्हणतात की असू दे, वय जाणवत नाही.
समजा जीम लावली तर मध्यंतरी शाहरुख खान जसा खूप आजारी किंवा वयस्क दिसत होता तसे तर नाही ना होणार?
बरं दिसायला हवंय पण दुष्परिणाम नकोत.
एव्हढ्या साठी वेगळा धागा नको म्हणून इथे विचारले.

थायरॉईड tsh चेक केलं का? नसेल तर करून घ्या.

थायरॉईड टीएसएच नाही चेक केलं.
थायरॉईडची साधारण लक्षणं नाहीत दिसत. वजन सातत्याने कमी होत नाही. मला त्याचा त्रास नाही. त्वचा रूक्ष आणि खडबडीत नाही. माझे केस गळत नाहीत. ते रूक्ष नाहीत. उलट अजूनही खूप वाढ आहे. यावरून तरी थायरॉईडची शक्यता वाटत नाही.

कॉलेजनंतर काही दिवस उतरलं वजन. पण नंतर नाही.

मला डायबिटीज बद्दल जास्त कही महित नहवत पर है आर्टिकल मला आज सापडला. दिक्सितांची डाइट हूँ वेगळी एप्रोच करून पण डायबिटीज कण्ट्रोल करू शक्ति हे वचन समाधान झाला. How I cured diabetes है आलेख वाचा अणि गाइड करा https://healthacharya.com/how-i-cured-diabetes/

वाचते, भागवत जी भाषांतराबद्दल अनेक आभार. खूप मदत होतेय.

https://www.youtube.com/watch?v=TSFS8bLD1V4
एक वेळ जेवण करून वय वीस वर्षांनी कमी झाले.

गुहा यांच्या लेखात उपवासा इतकेच low carb high fat diet ला महत्व दिले आहे.
मध्ये मी Gary Taubes यांचे why we become fat हे पुस्तक वाचले. खूप छान आहे. त्यातसुद्धा low carb diet चे महत्व विषद केले आहे.
पुस्तक जुने आहे. पण त्यात महत्वाचे दोन नियम १. भूक लागल्यावरच खा आणि २. कार्ब सोडून कितिही खा.
त्यात असे प्रतिपादन केले आहे की प्रकृती चांगली रहाण्यासाठी व्यायाम करा पण व्यायामाचा आणि वजन कमी करण्याचा काहिही संबंध नाही. तुम्ही काय खाता यावरच तुमचे वजन अवलंबून असते.

लो कार्ब डायट साठी काही सुचना, पर्याय, ताटात रीप्लेसमेंट म्हणुन काय घ्यायचे ते सांगणारा तक्ता हवा. बोथ्रा सांगतात ३०% सॅलड हवे, २०% प्रोटीन वगैरे. शिवाय फायब्रस पदार्थ.
ज्वारी, भाकरी, मिल्लेट्स ह्यांत कार्ब्स कमी असतात का?

अजिबात कार्ब्ज न घेता फक्त प्रोटीन डाएटने किडनीवर ताण येत नाही का?

ज्वारी, भाकरी, मिल्लेट्स ह्यांत कार्ब्स कमी असतात का? >> बाजरी, नाचणीत कमी असतात. ज्वारी आण गहू सेम जीआय. पण मिलेटस ग्लुटेन फ्री असतात. गव्हात ग्लुटेन जास्त. मैद्यात अजून जास्त. ग्लुटेन रक्तात लगेच शोषले जाते.

राज यांनी share केलेला व्हिडिओ पहिला त्यांनी संपत डावखर सर मेंशन केले आहे... त्यांचे पण youtube वर विडिओ पहिलेले आहेत त्यांनी OMAD बद्दल अगदी डिटेल माहिती दिली आहे veg nonveg दोन्ही पद्धत बरोबर supplements and fiber वर भर दिला आहे...

तावरेनी डाएट केलेले केटो डाएट वाटतेय..

असो.. वर्ष संपायला साडेतीन महिने राहिलेत.. फिटनेस weight loss वाल्यानी २०२६year challenge घेतला असेल तर कुठवर आलय अपडेट्स द्यावेत :p

<<<बाजरी, नाचणीत कमी असतात. ज्वारी आण गहू सेम जीआय. पण मिलेटस ग्लुटेन फ्री असतात. गव्हात ग्लुटेन जास्त. मैद्यात अजून जास्त. ग्लुटेन रक्तात लगेच शोषले जाते.>>>

जीआय म्हणजे ग्लायसेमिक इंडेक्स म्हणजे त्या अन्नातुन किती साखर रक्तात प्रवेश करेल ह्याचे एकक. तृणधान्याभोवती असणारे फायबर चे कोटिंग जितके जास्त म्हणजे टरफलातील फायबर ची टक्केवारी ( एकुण धान्याच्या दाण्याच्या प्रमाणात) जितकी जास्त तितका ग्लायसेमिक इंडेक्स कमी. ज्वारी आणि गहु ह्या दोघांमध्येही आतला दाणा मोठा असल्याने फायबर च्या तुलनेत स्टार्च चे प्रमाण जास्त त्यामुळे ग्लायसेमिक इंडेक्स जास्त. बाजरी आणि नाचणी दाण्यात अगदी विरुद्ध परिस्थिती. त्यामुळे जी आय कमी. पण गव्हामधे असलेले ग्लुटेन हे प्रोटीन आहे कार्बोहायड्रेट् नाही त्यामुळे त्याचा जीआय शी संबंध नाही. ज्वारी ग्लुटेन फ्री असुनही तिचा जीआय गव्हाच्या इतकाच आहे.

low carb high fat diet
हे जरा सावध राहुन तपासलेले बरे. गॅरी टॉब बद्दल उहापोह केला आहे तो जरुर बघा. इनफॅक्ट हे चॅनेल एकुणच न्युट्रिशन रिसर्च बद्दल खुप क्वालिटी कंटेंट पब्लिश करते. सध्या न्युट्रिशन मध्ये कार्बोहायड्रेट्स हे नविन व्हिलन आहेत. हाय प्रोटीन हाय फॅट लॉबी फार अग्रेसिव आहे.

पण मला काही बेसिक प्रश्न आहेत ज्यांची उत्तरं अजुन तरी ह्या लॉबी च्या क्लेम्स मध्ये मिळालेली नाहीत. हाय प्रोटीन पर्टिक्युलरलि ऍनिमल प्रोटीन आणि कॅन्सर रिस्क ह्यांच्या बद्दल पण रिसर्च मध्ये बरेच लिटरेचर उपलब्ध आहेत.

low carb high fat diet
हे जरा सावध राहुन तपासलेले बरे. गॅरी टॉब बद्दल उहापोह केला आहे तो जरुर बघा. इनफॅक्ट हे चॅनेल एकुणच न्युट्रिशन रिसर्च बद्दल खुप क्वालिटी कंटेंट पब्लिश करते. सध्या न्युट्रिशन मध्ये कार्बोहायड्रेट्स हे नविन व्हिलन आहेत. हाय प्रोटीन हाय फॅट लॉबी फार अग्रेसिव आहे. >>>
thank you for writing this here. तुझा यात अभ्यास आहे म्हणून तुझ्या मताला वजन आहे.

पर्णीका कोणते चॅनल म्हणताय तुम्ही ज्यात LCHF चा उहापोह केला आहे?.

Thank you so much अंजली.

@ विक्रमसिंह, लिंक इनसर्ट झाली नाही बहुतेक. त्या चॅनल चे नाव Viva Longevity! त्यावरील Low carb diets. ही प्लेलिस्ट बघा
Debunking Gary Taubs and the case for keto मध्ये गॅरी टॉब च्या एका पुस्तकाचा उहापोह आहे. हे गृहस्थ विगन आहेत, पर्यावरणवादी आहेत त्यामुळे त्यांच्या भुमिकेत बायस आहे पण तरीही न्युट्रिशनल सायन्स चे शास्त्रीय पद्धतीने विश्लेषण करतात. त्यांचे विवेचन बायस्ड नसते.

धन्यवाद. बघतो.

पण गव्हामधे असलेले ग्लुटेन हे प्रोटीन आहे कार्बोहायड्रेट् नाही त्यामुळे त्याचा जीआय शी संबंध नाही. ज्वारी ग्लुटेन फ्री असुनही तिचा जीआय गव्हाच्या इतकाच आहे. >> धन्यवाद. मग ज्वारी गव्हापेक्षा पचायला हलकी असे का म्हणतात?

LCHF आहार यामुळे वजन कमी होते याला अजून तरी ठोस शास्त्राधार माझ्या वाचनात आलेला नाही.

मुळात आपल्या गरजेपेक्षा कमी कॅलरी घेतल्या तरच यातून वजन कमी होते.

LCHF आहार घेतोय म्हणून जास्त खाल्ल्यास वजन कमी होणार नाही.

यावर कोणाकडे संदर्भ असल्यास वाचायला आवडेल

ग्लुटेन रक्तात लगेच शोषले जाते.

No, gluten is not easily absorbable because human digestive enzymes cannot break it down completely.
Why Gluten is Hard to Digest
High Proline Content: Gluten contains high amounts of the amino acids proline and glutamine, which resist human digestive proteases.
Large Peptides: Instead of breaking down into single, absorbable amino acids, digestion leaves behind large peptide fragments.
Natural Elimination: For most people, these undigested pieces move safely through the digestive tract and leave the body as waste without causing harm

एक वेळ जेवण करून वय वीस वर्षांनी कमी झाले.

हे बायोलॉजिकल वय म्हणजे एकंदर भंपक पणा आहे.

माझे बायोलॉजिकल वय कित्येक वर्षे १५ वर्षांनी कमी दिसतं.

तुम्ही मुळात सकसआहार मिताहार ८ तास झोप आणि नियमित व्यायाम केलात तर कुणालाही हे शक्य आहे.

यावर कोणाकडे संदर्भ असल्यास वाचायला आवडेल>> Gary Taubes च्या why we get fat या पुस्तकात तुम्ही विचारलेल्या प्रश्नान्ची उत्तरे २-३ प्रकरणात दिली आहेत. मला यातील शास्त्रीय ज्ञान नसल्याने त्यातील सत्यता कितपत आहे हे मी सांगू शकत नाही. पण मला कळलेला क्रुड सारांश असा की १. जोपर्यंत शरीरात इन्सुलिन असते तो पर्यंत फॅट बर्न होत नाही. आणि कार्ब असेपर्यंत शरिरात इन्सुलिन असते. म्हणून कार्ब नको. २. तुम्ही प्रोटीन आणि फॅट जास्त खाउच शकत नाही. जास्ती खाल्ल तरी वजन का वाढत नाही याचे त्यांनी दिलेले स्पष्टीकरण मला नीट समजले नाही. त्यांच्या मताप्रमाणे कॅलरीचे गणित मांडणे चुकिचे आहे.
अर्थत हे पुस्तक जुने आहे. या विषयावर गेल्या ४० वर्षात नविन संशोधन झाले असेलच.
अगदी Atireki (हे मला मराठीत लिहिता येत नाहिये. अ आणि त एकत्र आल्यास काहितरी प्रोब्लेम होतो. function at() { [native code] }अ ??) तर अगदी आतिरेकी किटो करण्यापेक्शा भात पोळी कमित कमी करावी या मतापर्यंत मी पोचलेलो आहे.

धन्यवाद खरे सर करेक्ट केल्याबद्दल.

आता विषय चालूच आहे तर माझे प्रश्न विचारते:
१.जेवताना २ पोळ्यांच्या ऐवजी ४ फुलके खा असं गणित मला तरी झेपत नाही. म्हणजे कदाचित कणकेची अमाऊंट तेवढीच जात असेल पोटात (पोळी आणि फुलक्याच्या आकारावर अवलंबून आहे) पण २ पोळ्या खाल्ल्यावर जर ४ तास भूक लागत नसेल तर ४ फुलके (समजा!) खाल्ले तरी २ तासात पुन्हा भूक लागते. (एक तर ३ किंवा ४ फुलके खातानाच नको होतात)
२. भाकरीचंही तसंच. २ पोळ्यांच्या ऐवजी १ भाकरी पुरते हे कदाचित पोट भरायला गणित बरोबर असेल, पण पुन्हा भूक लवकर लागते भाकरी खाल्ली की.
३. नुसता वरण-भात खाल्ला तर इतकी लगेच नाही भूक लागत, पण अर्थातच थोडी लवकर लागते. पण डाळ-तांदूळ खिचडी (डाळीच्या सहभागामुळे असणार नक्की) खाल्ली की बराच वेळ पोट शांत असतं.

हे माझे अनुभव आहेत, इतर कोणाला ते आले असतील असं मी म्हणत नाही. प्रत्येक व्यक्तीच्या जेवणाच्या सवयी, गरजा, आवडीनिवडी वगैरे वेगळंच असणार आहे. पण मला जो अनुभव येतो त्याच्यामागे नक्की काय विज्ञान असेल हे जाणून घ्यायची उत्सुकता आहे. पुन्हा पुन्हा भूक लागणं आणि मग अन्नचिंतन करत बसणं हे मला जमणारं काम नाही. शिवाय लहानपणापासून पोळीची सवय आहे, नुसतीच भाकरी किंवा नुसताच भात किंवा वन-डिश मील असं नाही.

मी या बाबतीत expert नाही. तरी वर विचारलेल्या प्रश्नावर थोडेसे.
मी पूर्णपणे चुकीचा असू शकतो.

मुळात भूक खरेच लागते आहे की ठराविक वेळेला, सवयीने किंवा अजून कोणत्या गोष्टी मुळे खायचे temptation होत आहे ते पहावे.

आपल्या शरिराला पुरेसे अन्न पाणी जर आपण घेत आहोत तर मग हे cravings, temptation कंट्रोल करायचे.

आहारात दोन तीन बाबी महत्त्वाच्या.
१. आपल्याला किती कॅलरी खायच्या आहेत हे माहित असणे.
२. तेवढ्याच कॅलरीज मधे आपल्या शरिराला गरजेचे असणारी macronutrients ची गरज पूर्ण करणे.
३. खाताना योग्य क्रम बाळगणे.

प्रत्येक खाण्यात जर फायबर, फॅट्स, प्रथिने योग्य प्रमाणात नसतील व कार्ब जास्त असतील तर लवकर भूक लागते. किंबहुना खायचे craving होत असावे कारण कार्ब जास्त खाल्ल्यावर जो insulin spike येतो तो reverse झाल्यावर शरीर परत खायला मागते.

प्रत्येक meal मधे फायबर, प्रथिने योग्य प्रमाणात हवीत.
खाताना प्रथम सॅलड, मग प्रथिने मग कार्ब पदार्थ. याने glucose spike स्लो होतो.

तरी अधेमधे भूक लागल्यास दही, दूध, प्लेन सत्तू+जिरे+मीठ, टोमॅटो, ताक, black coffee, black tea, green tea, nuts and seeds हे पर्याय बरे. आपल्या प्रकृती नुसार घ्यावे.

Debunking Gary Taubs and the case for keto >> वाचले, ऐकले. धन्यवाद पर्णीका. यावरुन Gary Taubs फ्रॉड आहे असे वाटतेय.

अ त रंगी, तुमचं बरोबर आहे क्रेविंग्स येतात हे...पण मला लहानपणापासूनच असा अनुभव आहे. त्या वेळी प्रोटीन, कार्ब्स, डाएट असं काही नव्हतं. आजही रात्री जर मी कधी नुसतीच भाकरी-भाजी आणि थोडासा भात इतकंच जेवले तर भूक भागत नाही आणि उशीरा कधीतरी पोटात खड्डा पडून पुन्हा काहीतरी खावंसं वाटतं. मग मोठा कपभर दूध घेतलं की झोप लागते. नुसते क्रेविंग्स असतील तर इतकी तीव्र इच्छा होत नाही.

मला नीट जेवायची सवय आहे. आता मुळात भूक नसेल तर कमी खाते, उगीच ढकलत नाही पोटात, पण मूळ पिंड कसा आहे तर नीट जेवण लागतं. उगीच अर्धीच पोळी नि घासभर भात खाऊन उठले ताटावरून असं नाही. आणि आजकाल डाएटमधे एका वेळी पोळी किंवा भात एकच मुख्य कार्ब्स स्र्तोत असावा असं म्हणतात, पण मी दुपारी डब्यात जरी पोळी-भाजी आणत असले तरी रात्रीसुद्धा पोळी-भाजी-आमटी-भात-कोशिंबीर वगैरे सगळं जेवते. पोर्शन नक्कीच कमी, पण जेवते. तशीच सवय आहे नाहीतर वर म्हटलं तसं होतं. अपवाद आहेत पण तेही "हलकं खाल्लं पोट भरलं" असे नाहीत.
असो. कुतुहल म्हणून विचारलं. मी स्वत:च खूप विचार करत बसत नाही खाताना. मला आनंद वाटला पाहिजे, खूप अनारोग्यकारक अन्न मी खात नाही ना इतकं मी बघते, आणि आता वयपरत्वे आणि जीवनशैलीतले बदल बघता काही गोष्टी आपसूकच टाळते हे एक. बाकी किती खाल्लं ते मोजत नाही मी. नशिबाने कंट्रोल करता येतात बर्‍याच गोष्टी.