विश्वास संपादन करून विणलेली फसवणुकीची जाळी (कॉन स्किम्स)

एका मूवर्स आणि पॅकर्स कंपनीचा मला फार वाईट अनुभव आलाय. अग्रवाल मूवर्स आणि पॅकर्स ही एक प्रसिद्ध कंपनी आहे आणि त्या नावाशी साधर्म्य दाखवणार्या अनेक कंपन्या आहेत. त्यातल्या बर्याच फ्रॉड आहेत. साधारणपणे आपण सध्याच्या काळात फक्त वेबसाईट पाहुन वगैरे पुढचे निर्णय घेतो. माझयही बाबतीत असेच झाले. एकाच प्रसिध्द नावाशी साधर्म्य दाखवणार्या अनेक वेबसाईट असु शकतात हे न समजल्याने जी वेबसाईट योग्य वाटली त्यावर कॉल केला. कॉल ही व्य्वस्थित रिसिव वगैरे केला गेला व बोलणे वगैरे व्यावसायिक वाटल्याने काही शंका आली नाही म्हणुन पुढचा व्यवहार ठरवला. व त्यांच्या व्यक्तीने घरी येऊन व्य्वस्थित सामान नेले. खरा खेळ इथुन पुढे चालु झाला. दुसर्या दिवशी फोन आला कि सामान जास्त आहे अमुक अमुक रुपये जास्त द्यावे लागतील. किंमत ठरवल्यापेक्षा ५-६ हजार रूपये जास्त होती पण आम्हीही ते शहर सोडुन (बंगळुर) नवीन शहरात आल्याने काही जास्त करु शकत नव्हतो व एव्हाना जाणीव झाली होती कि ट्रॅपमध्ये फसलोय. अगदी विनवणी वगैरे करुन त्या व्यक्तीचा अहंकार साभाळून पैसे वगैरे पाठवले. त्यानंतर ही आठवडाभर काहीच हलचाल नाही. बिल पाहिले त्यावरचा जी.एस.टी नंबर फेक होता. (माझ्या सी.ए मित्राने कन्फर्म करुन सांगितले.) दुसरे फोन दिले होते त्यातला एक कुणा दुसर्याचाच होता व तो ही त्रस्त झालेला दिसला. (बरेच फोन आले असावेत.) अजुन एक फोन होता तो डिलिवरी सर्विस कंपनीचा होता व त्याने सांगितले तुमचे सामान अजुन गोडाऊन मध्ये पडले आहे मला पेमेंट मिळाली नही. तुम्ही पैसे भरा मी लगोलग पाठवतोय. हे म्हणजे डबल्क्रॉस करण्याचा प्रकार होता. पुढे काही जास्त पै से भरले नाहीत व सरळ पोलिसात तक्रार केली. जवळपास महिन्याभराने सामान आले. फोन वर ज्या व्यक्तीशी बोल्णे व्हायचे त्याचे लोकेशन हरियाणामधले दिसत होते. दुसर्या दिवसापासुन त्या इसमाची भाषा मग्रुरीची होती.

१. Google वरून कोणते तरी कर्ज देणारे ॲप डाऊनलोड केले त्या द्वारे झटपट कर्ज घेतले.
=>
२. प्रश्न हा आहे की ह्या frud करणाऱ्या कडे सर्वांचे मोबाईल नंबर कसे गेले?
३. त्यांनी मोबाईल कसा हॅक केला असेल.
Submitted by Hemant 33 on 23 January, 2022 - 09:26
>>

व्हिक्टिम = सावज ?
मस्त आहे धागा. लहानपणी खूप ऐकलेला प्रकार, प्रौढ स्त्रियांना टार्गैट करायचे, इथे जवळ एक बाईफुकट साड्या वाटत आहे, पण तुमच्या सोन्याच्या बांगड्या काढून ठेवा. नाहीतर फुकट साडी मिळणार नाही (!)असं सांगून बांगड्या पळवणे!!
असं वाटतं की कसं खरं वाटत असेल कुणाला!!

Submitted by maitreyee on 19 March, 2018 - 18:36>>>>>>>>>

माझी मावशी याला बळी पडली होत। गळ्यातील मोहनमाळ लंपास केली आणि भूल दिल्यामुळे ती इकडे तिकडे भटकत राहिली जेव्हा भूल उतरली तेव्हा ती आमच्याकडे आली होती (भांडुप हुन जोगेश्वरीला )

https://threadreaderapp.com/thread/1612763859168923648.html
JANHIT MEIN JAARI - HOW I ALMOST GOT SCAMMED

I got a call from 964675397 'FedEx' customer care saying a package attached to my Aadhar ID had been flagged because it contained illegal items. >>
किती वाईट वाटतंय की मला असे कॉल कधीच येत नाहीत. चांगला विरंगुळा होईल माझा.

Indus health बद्दल कोणाला अनुभव आहेत का?

आज रात्री तुमची विज खंडीत होइल, ताबडतोब अमुक नंबरवर फोन करा किंवा आज तुमचे बँक अकाऊंट ब्लॉक होइल, फोन करा असे मेसेज मधुन मधुन येत राह्तत. मी ते नंबर ब्लॉक करते, पाठवणारे नव्या नंबरावरुन पाठवत राहतात. मी मेसेज उघडतही नाही, प्रिव्यु दिसतो ते बघुन ब्लॉक करते.

सगळे फोन नंबर विक्रिला इपलब्ध आहेत. हल्ली कुठेही गेले की तिथल्या बुकात नंबर लिहावा लागतो. मी मनाला येइल तो दहा आकडी नंबर माझा फोन म्हनुन लिहुन देते..

हल्लीच पाहिलेला एक नवा स्कॅम

भारती आक्सा चा एक एलिट वगैरे नाव असलेला प्रसिद्ध प्लॅन तुम्ही अमुक वर्षापुर्वी घेतला, एक वर्ष भरुन विसरलात. आता ते सगळे एकरकमी भरा, पुधच्या वर्षी मच्युरिटी आहे, अमुक तमुक मिळतील. ०पोलिसि नंबर देतात. हा नंबर कंपनीत फोन करुन्तुम्ही चेक करु शकता पण तशी बुद्धी झाली नाही व तुम्ही विश्वास ठेवलात की फसला. आणि एकच माणुस फोन करत नाही तर वेगवेगळे लोक करतात. त्यामुळे कंपनीतुनच फोन आलाय असे वाटते. तुम्ही पैसे भरता त्याची नवी पोलिसी तुम्हाला मिळते आणि त्याना कमिशन. तुमचे म्हटले तर नुकसान नाही, पोलिसी खरीच असते, पण नको असताना तुमच्या गळ्यात पडते. तुमच्याकडुन अजुन पैसे मिळतील असे वाटले तर नानाविध कारणे सांगुन अजुन पैसे घेतात व अजुन पॉलिसिज गळ्यात मारतात. पॉलिसी घेताना कंपनीचा फोन येतो तर आधीच पढवुन ठेवतात असे बोला म्हणुन.

हा स्कॅम बहुतेक कंपनीचेच लोक कंपनीचा सेटप वापरुन करतात. कंपनीची पॉलिसी विकली जाते आणि याना कमिशन मिळते.

काल दुपारी एक फोन आला. मी हळक्ष बँकेतून बोलतोय. तुमच्या (पाच आकडे - जे बरोबर होते) अकाउंटचं के वाय सी ओव्हरड्यु आहे. पॅन दिला नाहीए. तुम्हांला ईमेल्स केल्यात. अकाउंट ब्लॉक करावा लागेल.
मी - मी हल्लीच दिलाय पॅन आणि इतर पेपर. तेही कितव्यांदातरी.
तो - नाही झालाय. तुम्ही तुमची जन्मतारीख सांगा. मी व्हेरिफाय करतो.
मी - मी हे ब्रँचमध्ये जाऊनच करेन.
तो - मी ब्रँचमधूनच बोलतोय.
मी - ठीक आहे. मी येतो ब्रँचमध्ये.
तो - पण आता तुमचा अकाउंट के वाय सी नाही म्हणुन ब्लॉक होईल. अनब्लॉक व्हायला चार्जेस लागतील.
मी - हरकत नाही. मी ब्रँचमध्ये येऊ़नच भेटेन.
फोन कट.

<< हल्ली इकडे 'एअर डक्ट क्लीनिंग' सर्विसच्या कोल्ड कॉल्सनी वात आणला आहे.
'बेट अँड स्विच' प्रकारे उल्लू बनवतात. >>
भलत्याच पत्त्यावर बोलावून घ्या.

Cold calls is a resolved problem as far as I am concerned.
- Use Lenny
- Use Google voice
- फोन आला की मराठीत बोला
- मालक/मालकीण घरात नाही असे सांगा
- गप्पा मारा आणि शेवटी फोन कट करा
- दुसरा फोन आला म्हणून त्याला होल्डवर ठेवा आणि काहीच बोलू नका
- स्वतःच बोला "You have reached voicemail of xxx. Please leave a message after the beep" आणि मग स्वतःच बीप असे म्हणा आणि गंमत ऐका.

भरत तुम्ही योग्यच केलेत.
मला उत्सुकता आहे की जन्म तारीख घेऊन काय करतील..? बँक पासवर्ड आजकाल जन्म तारीख कोणी ठेवत असेल का शंका आहे.

त्रास हा फोनवर बोलण्याचा नसतो. हातातले काम टाकून फोन घ्यावा लागणे जास्त त्रासदायक आहे. पण मला फारच कमी स्पॅम कॉल येतात त्यामुळे असे कॉल आले की खूप मनोरंजन होते.

सगळ्यात त्रासदायक प्रकार म्हणजे कस्टमर सर्व्हिसला फोन केला की कंपन्या आटोकाट प्रयत्न करतात की तुम्ही प्रत्यक्ष माणसाशी बोलूच शकणार नाही, मुद्दाम automated मेनू मध्ये फिरवत बसतात किंवा बराच वेळ होल्डवर ठेवतात. तो प्रकार माझ्या डोक्यात जातो. मी शक्यतो अश्या कंपन्यांना माझा बिझनेस देत नाही.

मग स्वतःच बीप असे म्हणा>>> उबो
अनोळखी नंबरचा फोन न घेणे, घेतला आणि देसी अ‍ॅक्सेंटचा आवाज>>> जमतारा वाले विदेशि अक्सेंट पण लिलया काढतात हो. फोन न उचलणे बेस्ट.

उबो पण आजकाल स्पॅम कॉल्स ब्लँक येतात आणि आपण हॅलो पण नाही म्हटले तरी काही सेकंदात फोन हॅक्/मिरर का काय करतात.
ओटीपी न देणे हे आता बहुतांश लोकांस माहित आहे, दुसरे उपाय सुरू झालेत.

<< स्पॅम कॉल्स ब्लँक येतात आणि आपण हॅलो पण नाही म्हटले तरी काही सेकंदात फोन हॅक्/मिरर का काय करतात. >>
हे शक्य नाही. फोनवर एखादे सॉफ्टवेअर लागेल त्यासाठी आधी, त्यासाठी फोनचा प्रत्यक्ष access लागेल किंवा मालकाने चुकून एखादे malware सॉफ्टवेअर एखाद्या लिंकवरून उतरवले असेल तरच.

फोनवर एखादे सॉफ्टवेअर लागेल त्यासाठी आधी, त्यासाठी फोनचा प्रत्यक्ष access लागेल किंवा मालकाने चुकून एखादे malware सॉफ्टवेअर एखाद्या लिंकवरून उतरवले असेल तरच.>>> ओके तसे असावे.
लिंक नाहिये तशी पण कुठलासा व्हॉट्सॅप मेसेज होता. आता आठवत नाही.
पण ब्लँक कॉल्स येतात आणि माझ्या काही मैत्रिणींना ही आलेत. त्याचा उद्देश कळत नाही. कुठुनही येतात. रशिया, युके ..

a WhatsApp missed call (yes, you heard it right….a missed call) can make the Pegasus Spyware hack your device. Other than that, based on various standard reports, it has been observed that Pegasus is using a variety of endpoints to attack the devices such as it is using iMessage to attack iPhones.

The noticeable thing here is that it follows the zero-click method i.e, the device owner even isn’t required to click on the message, mail, link, etc. or to give any input to make the malware wor

धन्यवाद भरत!

a WhatsApp missed call (yes, you heard it right….a missed call) can make the Pegasus Spyware hack your device. >>> रिअली? मला वाटते हे एखादे हॅकिंग सॉफ्टवेअर/मॅलवेअर फोनवर ऑलरेडी इन्स्टॉल झाले असेल तर शक्य आहे.

नाहीतर फोनची ऑपरेटिंग सिस्टीम असते त्यात हे चेक्स असतात. मेसेजेस मधे वाचले जाणारे निव्वळ टेक्स्ट मेसेज, अगदी इतर अ‍ॅप मधे वाचले जाणारे टेक्स्ट मेसेज - केवळ यातून फोन मधल्या इतर "रिसोर्सेस" चा अ‍ॅक्सेस अशा अ‍ॅप्सना मिळत नाही. एखाद्याने आवर्जून अ‍ॅक्सेस दिला, किंवा मेसेज मधल्या लिन्क्स क्लिक केल्या तर गोष्ट वेगळी. उदा: इव्हन तुमच्या फोटोज चा अ‍ॅक्सेस तुम्ही आवर्जून दिल्याशिवाय अ‍ॅप्स ना नसतो.

हा फोन्सच्या बेसिक सिक्युरिटीचा भाग आहे. तोच जर रिलाएबल नसेल किंवा पेगासस सारख्यांनी ब्रेक केला असेल तर फोनवर फक्त विरंगुळा टाइप अ‍ॅप्स व व्हॉइस कॉल इतकेच ठेवावे लागेल.

I'm now imagining detectives using Pegasus installed on MaBo to find du IDs

फारेंड, हे खरे आहे. पेगॅसस भयंकर आहे. त्यांच्या विरुद्ध अ‍ॅपल नेही खटला भरल होता बहुतेक.

मला जॉब अप्लाय करते वेळी दोन चार वेळा स्कॅमचा अनुभव आला. रिक्रुटरने फोन नंबर दिलेला नसणे हा रेड फ्लॅग समजावा.

कालच झालेली घटना, इथे लिहावीशी वाटली.

आमच्या एका आम्ही कोणालाही नंबर देत नसलेल्या नवऱ्याच्या मोबाईल नंबरवर कॉल आला.फोन माझ्याकडे होता.ती बाई साधारणपणे लेडी इन्स्पेक्टर बोलतात त्या अथोरिटी ने बोलत होती.हा नंबर आम्ही कोणालाच(म्हणजे आई बाबा दीर जाऊ भाऊ बहीण) दिलेला नाही.तरी त्यावरून कॉल आला.बाईला म्हटलं मीच आशिष आहे मला सांग की तुला हा नंबर कुठून मिळाला.ती मला आशिषशीच बोलायचं आहे, तू कोण आहेस आधी मला सांग वगैरे वर आली.तिला तरीही मी बरंच विचारलं की हा नंबर तुला नक्की कुठून मिळाला, आम्ही दिलेला नाही, कॉल हिस्टरी नुसार तुझं या नंबर वरून काल कोणाशीही संभाषण झालेलं नाही.मग या नंबरवर फोन कसा केलास?मग म्हणाली आमच्या डाटाबेस मध्ये हाच नंबर आहे.(आता हे नंबर यांच्याकडे कसे आले याचं सरळ सोपं उत्तर: आपण सिम कार्ड घेताना डॉक्युमेंट जमा करतो त्यात आधार कार्ड कॉपी, नावांनी तपशील त्या नंबर सह.हा डाटा दुकानाकडून किंवा ज्या थर्ड पार्टी एजन्सी प्रोसेस करतात त्यांच्याकडून पुढे अनेक जणांना बेकायदेशीर विकला जातो.अगदी आपण 'अमुक अमुक वापरासाठी अमुक अमुक तारखेला व्हॅलीड' लिहून दिलं हार्ड कॉपी वर तर तेही कोणत्याही इमेज किंवा pdf एडिटर मध्ये सहज एडिट करता येतं.(कितना भी ढकने की कोशिश करो यहां सब नंx है)

तिला म्हटलं मला मॅटर सांग.तर म्हणाली नाही सांगणार,तू कोण आहेस हे आधी सांग(हिंदीत बोलत होती), त्यांचं इन्श्युरन्स बद्दल इन्व्हेस्टीगेशन चालू आहे.मी काल त्यांच्याशी याच नंबरवर बोलले मी म्हटलं शक्यच नाही.मला प्रूफ दे या नंबरवर बोलल्याची.मग म्हणाली मी बोललेय. तू त्यांना फोन दे.मग नवऱ्याला फोन लावला तो म्हणाला हा नंबर कोणालाही दिलेला नाही.तोवर तिने नवऱ्याच्या दुसऱ्या नंबरवर मेसेज केला आणि तिसर्या माणसाचा नंबर दिला.की हा आमचा लोकल ऑफिसर आहे.नवऱ्याने त्याला फोन केला.तर तो त्याला मला kyc डॉक्युमेंट पाठवा म्हणाला.त्याला तुझ्या आयडेंटिटी ची खात्री काय म्हटलं तर त्या एजंटने आयडी कार्ड चा फोटो पाठवला.त्यातही स्पेलिंगच्या चुका आहेत.डॉक्युमेंट अर्थातच पाठवली नाहीत किंवा डिटेल्सही.नवऱ्याला म्हटलं तू यांना हे स्कॅम आहे स्पष्ट दिसतंय तरी इतका भाव का देतोयस, तर म्हणाला पोलीस केस करण्यासाठी डाटा गोळा करतोय.मग या मुद्द्यावर माझा आणि त्याचा बराच प्रेमळ संवाद झाला.आपले आयडी सगळीकडे गेलेले असणं वेगळं आणि आपण हाताने पाठवणं वेगळं.विषाची परीक्षा कशाला.आपण काही cid किंवा सायबर सेल नाही.यांना अडकवण्याच्या नादात किती पावलं पुढे टाकू सांगता येत नाही.
ती बाई माझ्याशी बरंच उद्धट बोलत होती.जितकं अथोरिटी ने बोलणार तितकं समोरचा लवकर विश्वास ठेवणार.

यांची काम करण्याची पद्धत:
कोणी इंटेग्रेटेड ग्रीव्हन्स मॅनेजमेंट सिस्टम मधून बोलतोय सांगून फोन केला आणि:
1. तुमची अमकी पॉलिसी एक्सपायरी झालीय.पण पैसे मात्र अडकून आहेत, रक्कम मोठी आहे(50 किंवा 60 हजार रुपये.) आम्ही ग्रिव्हन्स सेल चे असल्याने याचा तपास करत आहोत.तुम्ही पॉलिसी चे पाहिले पान, kyc डॉक्युमेंट आणि चेक आमच्या लोकल माणसाकडे पाठवा.तो केस प्रोसेस करेल
2. ही पॉलिसी तुमची आधी होती ती फ्रॉड आहे.यावर खूप तक्रारी जमा झाल्यात.आम्ही ही पॉलिसी कॅन्सल करून तुम्हाला दुसऱ्या कंपनी ची पॉलिसी विकत घ्यावी लागेल त्याच रकमेची.यासाठी डॉक्युमेंट पाठवा.
3. तुम्हाला बोनस मिळतो आहे.पण तो मिळायला जो फॉर्म आहे त्याची प्रोसेसिंग फी अमुक आहे, ती भरा मग इंडेंट टाकतो

असे या स्कॅम चे व्हेरियंट आहेत.कॉल करणारे खूप वेळा पेशन्स ने फोन करतात.आणि प्रचंड कॉन्फिडन्स आणि अधिकार वाणीने बोलतात.लोकल अधिकाऱ्याचा नंबर देतात.यांना एकच उत्तर :' ऑफिस मध्ये मी येऊन मॅटर सोडवतो.ऑफिस चा पत्ता द्या.'

कोणीही 'पैसे अडकले आहेत तुमचे, आणि आम्ही स्वतःहून केस प्रोसेस करतो म्हटलं तर विश्वास ठेवू नका, घरातल्या ज्येष्ठ नागरिकांनाही सांगा.आवाजात प्रचंड उद्धटपणा, आत्मविश्वास आणि अर्जन्सी याने समोरच्याला गोंधवळणे हे पहिलं अस्त्र आहे.

मला नवऱ्या कडून हे प्रकरण थोडं माहीत होतं.त्याला आधी ज्यांनी फोन केला त्यांनी 'अमुक पैसे परत करायला तमुक टॅक्स भरावा लागेल, तो असा पैसे म्हणून घेणं आम्हाला अलाउड नाही, त्यामुळे तुम्हाला त्या रकमेची एक पॉलिसी विकत घ्यावी लागेल ही पॉलिसी त्याने विकत घेतली.त्याला खरी पॉलिसी आणि खरी कागदपत्रे मिळाली हे खरं असलं तरी हा अनएथिकल पॉलिसी सेल आहे.यातही अडकू नका. पैसे परत मिळवायचेत, स्वतः ऑफिसात खेटे घाला.ते जास्त सुरक्षित.

.

मी एडिट केलं, तू आधी लिहिलेलं वाचून पोस्ट टाकलेली.

नाही पाठवला गं आयडी अंजू, पण हे सगळं 'ते किती पुढे जातात हे मला बघून त्यांच्या मोडस ऑपरेनडी चा अभ्यास करून पोलीस केस करायचीय' या आग्रहाखातर चालू होतं.आता बंद केलं.(हे बंद कर सांगण्यातही बरीच शक्ती खर्च पडली )

बरं केलंस बंद कर सांगितलंस ते. कोणीतरी धडा शिकवायला हवा असं वाटत असले तरी फार वेळ जातो आपला यात.

कधी कधी काही नंबर रेड कलरमध्ये दाखवतात spam म्हणून येतात, असं आलं की सावध होता येतं.

अशाच प्रकारचा फोन मागच्या वर्षी मला आला होता. इन्शुरन्स संदर्भात कोणताही फोन आला की मी सरळ तुमच्या ब्रँचला भेट देऊन चौकशी करतो म्हणून सांगतो. त्यावरही हे महाभाग काहीतरी पाल्हाळ लावतात तेंव्हाच यांचे बिंग फुटलेले असते. काही नंबर सायबर क्राईमला रिपोर्ट सुद्धा केलेत परंतु त्याचा कितपत परिणाम होतोय शंकाच आहे.