नाही बोलता येत आमच्या पोरांना मराठी, बरं मग?

जसे करून राहिला हे नागपुरी मराठी भाषेत शुद्धच आहे तसेच ती गेली ऐवजी "तें गेलं" हे बेळगावी मराठीत शुद्धच.
अनुच्चारित अनुस्वार नसले तर व्याकरणातील चूक धरत. आता ते व्याकरणच बदलले.
अनेक वर्षांमधे भाषेत फारशी, पोर्तुगीज तसेच इंग्रजी शब्द रूढ झाले. त्याला अशुद्ध म्हणायचे नाही.
इथेच बरेचदा लोक मराठी सुद्धा देवनागरीत लिहीतात, काही काही कारणे सांगून. खरी असतील.
असे करता करता आता मराठीच बोलले नाही तरी चालेल असे वाटू लागले आहे बर्‍याच जणांना.

मग काय, जे पाली,संस्कृतचे झाले, जे मोडी लिपीचे झाले, तेच मराठीचे, देवनागरीचे होईल.

काळाचा महिमा!!

मग कधी कधी छापून येते की कुठल्याश्या गावात सगळे लोक संस्कृत बोलतात, किंवा परदेशाट कुणितरी अभारतीय मुलांनी संस्कृतमधे श्लोक म्हंटले, तसे छापून/स्क्रीनवर येईल की काल अमेरिकेतल्या एका खेड्यात मराठी नाटक झाले.

नानकळा,

सर्व प्रतिसाद पटले आणि आवडले.

नाही बोलता येत आमच्या पोरांना बोलीभाषा मराठी, बरं मग?
>>>
नाही आले तर नाही. पण भाकरी. करता. आलीच. पाहिजे.

पण भाकरी. करता. आलीच. पाहिजे. >>

पण भाकरी. करता. आलीच. पाहिजे. >>>>> नाही करता येत आम्हाला भाकरी, बरं मग?

भाकरी करता येत नसेल तर पिझ्झा - गार्लिक ब्रेड बनवा की.
(सोळाव्या लुईच्या पत्नीच्या आवेशात वाचावे).

कशाला ? चपात्या येतात की.
(हे लाटणं हातात घेउन उभ्या असलेल्या ग्रुहिणीच्या आवेशात वाचावे. )

हा हा.. मी तर अशीच गंमत करत होतो हो... छानच असतात की चपात्या.. लाटणं ठेवाल का खाली.

'शुद्ध मराठी' वगैरे अंधश्रद्धा आहे, तथाकथित शुद्ध मराठी ही शुद्ध वगैरे काही नाही तर इंग्रजांनी 'व्याकरण प्रमाणीकरण' केलेली प्रशासकीय सोयीची भाषा आहे, भाषा टिकवायची असेल तर बोली जोपासण्याशिवाय पर्याय नाही. इत्यलम.

भाषा टिकवायची असेल तर बोली जोपासण्याशिवाय पर्याय नाही.
You mean, जसे आम्ही conversation मधे इंग्लिश, पंजाबी, हिंदी इन सबका मिक्स्चर बनाके communicate करतो ते मराठी ओन्लि असेच ना?

आज एका गोष्टीवरून ह्या धाग्याची आठवण झाली.एकीकडे आरती चालली होतीसर्वांचा मोथा आवाज होता' विठोबाचे राज्य आम्हा दसरा दिपवाळी'. मूळ आरतीत नित्य दिपवाळी आहे.पण अर्थ लागतो ना,भाव बघायचा की शब्द?नामदेवांनी कशावरून तेच शब्द लिहिले असतील.
असो.

अजिबात नाही, माझ्या म्हणण्याचा तो अर्थ नाही, तरी तुमची चर्चा करायची तयारी असेल तर एकदा
१. लोन वर्ड
२. डायलेक्ट

ह्या दोन परिभाषा आपण दोघांनीही वाचून घेऊयात,

भाषेत सामावलेले परभाषिक शब्द वेगळे (लोन वर्ड) त्या अर्थाने आजही तथाकथित शुद्ध मराठीत प्रचंड प्रमाणात शब्द पर्शियन वगैरे भाषेतले आहेत, त्याला तुम्ही 'मिक्सचर' समजता का?

दुसरी गोष्ट, तुम्ही ज्या प्रकारे 'कॉस्मोपोलिटियन' हिमलिश मध्ये वरती विचारले आहे, त्याला माझा विरोधच असेल, पण बोली म्हणजे फक्त 'मिक्सचर' असा तुमचा अदमास असल्यास तो चूक असल्याचे मला सखेद तुमच्या निदर्शनास आणून द्यावे लागते आहे.

माझी बोली 'वऱ्हाडी' आहे, आमच्या बोली मराठीवर हिंदीचा प्रभाव बऱ्यापैकी आहे, पण हिंदीतून जसेच्या तसे आलेले शब्द प्रमाणात खूप कमी आहेत, जे काही शब्द हिंदी 'प्रभावाने' आलेत, त्याचे उच्चार एखाद्या हिंदी भाषिक मनुष्याला कळायची सुतराम शक्यता नाही अन कळतही नाहीत, ते 'वऱ्हाडी ह्या मराठीच्या बोलीभाषेचे' भाषावैशिष्ट्य परिभाषित करणारे भाषासौष्ठव सांगणारे शब्द आहेत, मूळ मराठी जपायची तर तिला समकालीन विकसित झालेले हे सगळे शब्द जोपासणारी बोली मग ती वऱ्हाडी असो कोकणी असो अहिराणी असो डांगी असो जपण्यामुळे जोपासली जाऊ शकते, असे माझे वैयक्तिक मत आहे, तरीही जर तुम्ही ह्याला असहमत असाल तर मात्र मी 'ऍग्री टू डिसॅग्री' असे इंग्रजीत म्हणून पुढे सरकावे म्हणतो

धन्यवाद.

भाषा टिकवायची असेल तर बोली जोपासण्याशिवाय पर्याय नाही >>> सोन्याबापू, सहमत आहे. किमान अशुद्ध आहे वगैरे ने हिणवू नये.

देवकी - नामदेव नव्हे. विष्णुदास नामा

सभ्य लोक सभ्यपणे जी भाषा बोलतात तीच शिष्टसंमत भाषा असते,
शिव्या देणे, घालून-पाडुन बोलणे, अपमान करणे, घृणा करणे हे कोणत्याही स्वच्छ भाषेत असले तरी ते शिष्टसंमत नसते.

>> अगदी हजारवेळा सहमत. 'पदपथ आपल्या तीर्थरुपांचा आहे काय?' आणि 'रस्ता/ फुटपाथ तुझ्या बापाचा आहे का बे?' यात मला फार फरक वाटत नाही. दोन्हीकडे अपमानच होतो व्यक्तीचा. 'पदपथ', 'आपल्या' आणि 'तीर्थरूप' हे शब्द वापरल्याने समोरच्याला काही गुदगुल्या होत नाहीत. पुण्यात मात्र असं वाक्य म्हणून आपण काहीतरी शालजोडीतले(?) दिल्याचा दिव्य आनंद होतो पुणेकरांना.

सोन्याबापू : पुर्ण सहमत...

मी हेच मुद्दे या अगोदर काही धाग्या मध्ये मांडले आहेत...

मराठी लिहिता, वाचता बोलता आलीच पाहिजे.

प्रश्नावर उत्तर - मग? हा प्रश्न प्रश्नकर्तीला पडला पाहिजे.

४ पुस्तके घ्या. ४ शिक्षकांचे मार्गदर्शन घ्या.

शिका. शिकवा.

नामदेव नव्हे. विष्णुदास नामा>>>> अरे देवा,मी नानदेवांची आरती समजत होते.विष्णुचा दास असा मी नामा' असे वाटलं होतं.धन्यवाद फा.

अरे देवा, मी नानदेवांची आरती समजत होते >>>>

>>>>>>>>

विषयांतर होतय खर, पण रहावल नाही म्हणुन लिहतो ...
मला तो "अरे देवा" वाचुन त्या देवदास मधील सीन आठवला व मी एकटाच हसलो थोडसा... तो नाही का सीन ज्यात देवदासला आरोळी देत कुणितरी..

देवा !! .. अsssरेsss देवा ... अरे ओssss देवा....

वऱ्हाडी असो कोकणी असो अहिराणी असो डांगी असो
ते सगळे मान्य हो. म्हणूनच आजकाल शहरात मराठी लोक तसे बोलतात म्हणून ती पण मराठी बोलीच की! म्हणून तसे बोलणे हे मराठीच समजावे का असे मला म्हणायचे आहे. मा़झे उत्तर हो.
म्हणजे हिंदी सिनेमातल्या गाण्यात एखाद्या ओळीत काही स्वर एखाद्या रागात असतील तर ते गाणे त्या रागात आहे म्हणतात तसे वाक्यात एक दोन मराठी शब्द बाकी दहा बारा इतर भाषेतले असले तरी ते मराठीच आहे असे म्हणावे असे मला वाटते. जसे वर्‍हाडी, अहिराणी तसेच मुंबई पुण्याची बोली - मराठीच. म्हणून