मल्टीपल इंटेलिजन्स आणि करीयरचा पर्याय

मी मायबोली वर मल्टीपल इंटेलिजन्स वर मागे लिहले आहे. http://www.maayboli.com/node/39215 मल्टीपल इंटेलिजन्स चा वापर आजवर फक्त लर्निंग स्टाईल च्या शोधासाठी होत होता. याच छोटस उदाहरण द्यायच झाल तर समजा आपल्या मुलाचा निसर्ग विषयक बुध्यांक जास्त आहे. अश्यावेळी तो निसर्गात जास्त रमतो असे समजले. आपल्याला त्याला गणीत शिकवायचे आहे तर ३ फुलपाखरे अधिक २ फुलपाखरे बरोबर पाच फुलपाखरे असे चित्रमय शिक्षण केले तर अश्या मुलाला शिकणे सोपे होते.

आज कृतीतुन शिक्षण देणार्‍या शाळांची ( Activity based learning ) संख्या नगण्य आहे. मल्टीपल इंटेलिजन्स च्या अभ्यासातुन मला आणखी एक नविन गोष्ट समजली ती अशी की पुर्वीच्या शाळामधुन शिक्षण देण्यासाठी शिक्षक जास्त वापर शब्दांचा करायचे जो ( Audio ) पध्दतीने मुलांना समजुन घ्यावा लागायचा. आज अनेक शाळातुन ( Video ) माध्यम टी व्ही स्क्रीन च्या द्वारे उपलब्ध होता आहे. ज्यात खास त्या विषयासाठी बनविलेल्या फिल्मस दाखवल्या जातात. पण शिक्षणाचे तिसरे माध्यम कृती याचा वापर अद्याप कमीच आहे. काही मुलांना फक्त ( Audio ) माध्यमातुन शिकणे अशक्य असते. म्हणुन या तिनही माध्यमांचा वापर शाळातुन योग्य तसा होत नसेल तर पालकांनी त्याचा कसा वापर करायचा यावर विचार करायला हवा.

एका संशोधन संस्थेच्या माध्यमातुन लहान मुलांची लर्निंग स्टाईल कोणती आहे हे शोधण्यासाठी त्याचा आठ पैकी कोणता इंटेलिजन्स जास्त आहे याची टेस्ट उपलब्ध झाली आहे. ही टेस्ट घेऊन आपण आपल्या पाल्याला त्या माध्यमाचा जास्तीत जास्त उपयोग करुन देऊ शकता. यातुन माझ्या मुलाला किंवा मुलीला शाळेत जास्त मार्कस का मिळत नाहीत यावर बराच उपयोग होऊ शकतो.

या लेखाचा महत्वाचा उद्देश करीयर मार्गदर्शनाचा आहे. आज दहावी झाल्यावर मुलाला किंवा मुलीला सायन्स्/कॉमर्स /आर्ट्स किंवा डिप्लोमा /आयटी आय किंवा अन्य काही यानिर्णय कसे घेतले जातात ?

१. दहावीचे मार्क्स जे मुळातच बुध्दीमत्तेचे निदर्शक नसतात.
२. पालकांचा आग्रह
३. पाल्याचे सगळे मित्र सायन्स ला चालले आहेत म्हणुन
४. या शिक्षणाने पुढे नोकरी व्यवसायाच्या उत्तम सधी उपलब्ध असतात म्हणुन
५. हे शिक्षण सहज उपलब्ध आहे म्हणुन

यात पाल्याची बुध्दीमत्ता, कौशल्ये, कल किंवा आवड, क्षमता याची चाचणी न घेता खास करुन इंजिनीयरींग प्रवेशाचा आग्रह लक्षात घेऊन त्याला सायन्सला पाठवले जाते. ११ वी १२ वीचे मार्क्स त्याला सायन्स मधे गती नाही असे दर्शवत असताना क्लासेस चा भडीमार करुन त्याची त्या विषयाची तयारी करुन घेतली जाते. परिणामी इंजिनीयरींगचा अभ्यास झेपत नाही. मुलांची वर्षे वाया जातात. सगळ करुन पास झाला तर तितक्या जागा उपलब्ध नसल्यामुळे उत्तम नोकरी मिळत नाही. आणि पास झाला नाही तर हे घडते

http://www.maayboli.com/node/58439

त्याही पुढे गेलो तर मुलाला इंजिनीयरींगची आवड नसताना इंजिनीयरींग व्यवसायात गती निर्माण होत नाही . ज्याला सॉफ्टवेअर इंजिनीयर बनायचे असते तो सॉफ्ट वेअर टेस्टींगला जातो. ज्याला आपण मेकेनिकल डिझाईन इंजिनीयर व्हावे असे वाटते त्याच्या वाट्याला शॉप फ्लोअरवरचा हडेलहप्पी प्रॉडक्शन इंजिनीयरचा जॉब येतो. आपले मित्र आपल्या पुढे जात आहेत. मी मात्र अजुन नको असलेला जॉब घेऊन रखडतो आहे ज्यात ना पैसा ना व्यावसायीक समाधान अश्या चक्रातुन तरुण मुले जात आहेत.

संशोधन अस सांगतय की ३०,००० व्यावसायीक क्षेत्रे आहेत यातुन योग्य वेळी योग्य निवड करता आली तर खालील समस्या निर्माण होणार नाहीत.

१. शिक्षणात अपयश आले तर वर्ष वाया जाते व अपयशातुन मुल खचतात.
२. यश अपेक्षीत न आल्यास चांगली नोकरी/ व्यावसायीक समाधान मिळत नाही.
३. पालकांनी केलेला खर्च वाया जातो
४. इंजिनीयरींगला चांगले मार्क्स नाहीत म्हणुन पुढे अजुन शिकावे असे ठरवले जाते.
५. यातुन पाल्य वेळेवर सेटल होत नाही म्हणुन अजुन काही समस्या निर्माण होतात.

या समस्यातुन मार्ग काढण्यासाठी सायकोमेट्रीक व अन्य पध्दतींचे एकत्रीकरण करुन निरीक्षण पध्दती बनवली गेली आहे किंवा, १० वी किंवा अगदी ११ वी १२ ला पाल्य असताना पाल्याबाबत कोणती शिक्षणाची दिशा योग्य असु शकेल याचा सल्ला दिला जातो. हा सल्ला एका शास्त्रीय पध्दतीने असल्याने तो मार्ग बरोबर असण्याची शक्यता जास्त असते. किंबहुना वर सांगीतलेल्या पध्दतीने करीयर पर्याय निवडण्याच्या पध्दतीपेक्षा हा पर्याय व्यवसाय मार्गदशनासाठी चांगला ठरु शकतो.

याबाबत अजुन माहिती साठी संपर्क करायला हरकत नाही. आपण gmconsultancy18@gmail.com या इमेलवर संपर्क साधल्यास याबाबतची माहिती पाठवली जाईल.