हेल्थी भी, टेस्टी भी - पनीर- व्हेजिटेबल्स चिल्ला

Submitted by रायगड on 17 February, 2016 - 17:15
लागणारा वेळ: 
४५ मिनिटे
लागणारे जिन्नस: 

मूग डाळ - १ वाटी
आलं १/२ इंच
कोथिंबीर

कोबी - उभा कापून - १ वाटी
गाजर किसून - १/२ वाटी
सिमला मिरची - उभी कापून - १ वाटी - घरी नव्हती म्हणून नाही घातली.
पनीर - ३/४ वाटी किसून

चिंच - खजूर चटणी
आमचूर पावडर
हिरवी चटणी/ शेजवान चटणी - काहीही आवडीनुसार - मी काही घातले नाही यावेळेस.

मीठ

क्रमवार पाककृती: 

पूर्वी पनीर चिल्ला खायचे चाटच्या दुकानात - अनेकदा. तेव्हा सहज मिळत असल्याने मनात आलं की जाऊन हादडायचा एवढंच करायचे. आता अधून-मधून त्याची आठवण येते तर इथे कुठे मिळत नाही, म्ह्णून नेट वर शोधा-शोध केली. पनीर चिल्ला म्हणून अनेक रेसिपी आहेत पण त्यात चिल्ल्यात - म्हणजे बाहेरच्या डोसा- घावन प्रकारात फक्त पनीर घातलंय. मी खाल्लेल्ल्या प्रकारात आत कोबी,गाजर,पनीर etc stir fry करून आत stuff करून कहि चटण्या, आमचूर पावडर वगैरे घालून एक चमचमीत chat item बनवलेला असायचा. (हे मी मागे माबो वर लिहीलेलं).

म्हणून मग मी हा प्रकार करून बघितला. मस्त झाला. असाच असायचा का तो प्रकार हे आता खरं तर आठवत नाही. पण जे झालं प्रकरण तयार ते आवडलं. हेल्थी पण आहे. त्यामुळे आणखी आनंद!

तर चिल्ल्याकरीता :

१ वाटी मूगडाळ भिजत घालणे - ३-४ तास. (हा वेळ कृतीच्या वेळात धरलेला नाही.) मग मिक्सर मधून थोडे पाणी घालून वाटून घ्यावी. वाटताना थोडं आलंही घालावं. डोश्याला करतो तितकी कंसिस्टंन्सी! त्यात थोडी बारीक चिरलेली कोथिंबीर, मीठ घालून मिश्रण तयार करून घ्यावे.

आतल्या सारणाकरीता :

कोबी, सिमला मिरची पातळ - उभी चिरून आणि गाजर किसून अगदी थोड्या तेलावर मीठ घालून ५ मिनीटे स्टर-फ्राय करून घ्यावे.

पनीर किसून घ्यावे.

चटण्या हव्या त्या प्रमाणात एकत्र करून त्यात आमचूर पावडर मिसळून घ्या.

आता तवा तापवून घ्यावा.
थोडे तेल लावून मूगडाळीच्या पीठाचा पातळ डोसा करून घ्यावा. उलटून एखाद मिनीट ठेऊन परत परतावा.
आता आच थोडी कमी करून डोश्यावर मध्यभागी परतलेल्या भाज्या, त्यावर चटणी मिश्रण आणि वर किसलेला पनीर भुरभुरवा.

chilla1.jpg

डोश्याची गुंडाळी करून डिशमध्ये काढा.

chilla2.jpg

गरमा-गरम खा! यम्मी!

chilla3.jpg

वाढणी/प्रमाण: 
हेल्थी पदार्थ आहे, असं म्हणून हाणायचं!
अधिक टिपा: 

मूगडाळीच्या जागी सालासकट मूगडाळ, आख्खे मूग हे ही वापरता येऊ शकेल. नेक्स टाईम वो प्रयोग करके देखेगा.

माहितीचा स्रोत: 
इंटरनेट, स्वप्रयोग
पाककृती प्रकार: 
शब्दखुणा: 
Group content visibility: 
Public - accessible to all site users

अरे वा .. छान आहे रेसिपी .. Happy

नुसती मूगडाळ चिकटत नाही का? (फोटोत कास्ट आयर्न वापरल्यासारखं वाटतंय?)

मी चिल्ला हा प्रकार मायबोलीकर र्म्द कडून ऐकला पहिल्यांदा .. तीने त्यात रवा असल्याचं सांगितलेलं आठवतंय ..

तो सुजी का चिल्ला, सशल! Happy मला वाटतं चिल्ला हा शब्द उत्तर भारतीय वापरत असावेत - धिरडं या प्रकारासाठी.

ही पाकृ मस्त दिसतेय. करून पाहायला हवी.

मस्त दिसतोय चिल्ला. मला वाटलं तिखट लागलं म्हणून "चिल्लाने के वास्तेवाला" कुठला प्रकार असेल.

सध्या मूग माझा सांगाती असल्याने नक्की करून पाहिल लेस मिर्ची Wink

मुगाची धिरडी मस्त खुटखुटीत होतात की, सशल. चिकटत नाहीत अजिबात.
रेसिपी मस्त आहे! पनीर म्हटल्यावर माझी मुलं खातील नक्की:)

सशल, अजिबातच चिकटत नाहीत मुगाची धिरडी. मी हिरवी सालासकट मूगडाळ घेते. आमच्याकडे हे फार आवडत नाही. त्यात वरून त्यांना पनीर वगैरे घालून नटवायचं म्हणजे Uhoh पण ट्राय मारायला हवा एकदा.

तयार चिल्याचा फोटो भारी आलाय.

मुगाच्या धिरड्यांवर मेक्सिकन फोर चीज नावानं जे ग्रेटेड चीज मिळतं ते फार मस्त लागतं.

वा... चिल्ला पुर्वी आग्र्याला खाल्ला होता. तेंव्हाच हे प्रकरण आवडले होते.

हा फोटो एकदम यम्मी....... तोंपासु!!!!

करणार आणि खाणार.... इकडे सांगणार.........

आडो, हा प्रकार डोंबिवलीला फडके रोडवर एक चाटवाला होता त्याच्याकडे असायचा. डोंबिवलीकर सांगू शकतील अजून आहे का तो चाटवाला आणि तिथे मिळतो का हा प्रकार अजून ते!

मोकीमी, आग्र्याला मस्तच मिळत असणार.

अच्छा, फडके रोडवर खायचीस कां? एम.आय.डी.सी मध्ये पण एका ठिकाणी खूप मस्त मिळायचा. माझी मैत्रिण वेस्टहून यायची केवळ तो खायला एम.आय.डी.सी.त.

कसला भारी दिसतोय तो चिल्ला. डायरेक्ट फोटोतून उचलून मटकवावासा वाटतोय.

आमच्या घरातले इतर दोन नग गयेगुजरे आहेत. त्यांना हे पेसरट्टू, धिरडी वगैरे प्रकार आवडत नाहीत. असं स्टफ करुन दिलं तर आवडेल का बघायला हवे. सुचलेच नव्हते कधी सो ह्या आयडियाबद्दल धन्यवाद:)

चान आहे चिल्ला. गुजराथे लोक ही धिरड्याला चिल्ला म्हणतात. बेसन चिल्ला इ. मै. च्या डब्यात खाल्ल्य.
हा प्रकार वजा पनीर - चीज स्वता:साठी करून पहाते अन खाते. Happy

Pages