[माबोवर(जुन्या) पांढर्या ढोकळ्याची एकच पा.कृ सापडली. ती बरीच वेगळी आहे म्हणुन ही टाकली.]
तांदुळ - २ वाट्या,
उडदाची डाळ - १/२ ते १ वाटी (आवडी प्रमाणे),
पोहे - १ वाटी (जाड,मध्यम,पातळ कोणतेही)
हरबरा डाळ - ४ चमचे,
मेथी दाणे - १ चमचा,
आल+लसुण+हि.मिरची वाटणं - २ चमचे भरुन,
साखर्+मिठ - चवीप्रमाणे,
ताटलीला लावायला थोडे तेल.
तांदुळ, डाळी, पोहे आणि मेथी दाणे सगळे एकत्रच पाण्यात भिजत घालावे. साधारण ८-१० तास भिजवावे. मग गंधगाळ वाटुन घ्यावे. घट्ट झाकुन चांगले फसफसे पर्यंत ठेवावे. जास्तितजास्त बारा तासात फसफसते असा अनुभव आहे.
लसुण-आलं-मिरचीच वाटणं, साखर, मीठ घालुन पिठ चांगले हलवुन घ्यावे. ताटलीला तेल लावुन त्यात पिठ ओतावे. ताटली हलवुनच सारखे करावे आणि वाफवायला ठेवावे (मी ढोकळा स्टँड वापरते). साधारण १५ मिनीटात ढोकळा तयार होतो. कधी लवकरही होतो. वाफेचा रंग आणि वासावरुन अंदाज करता येउ शकतो.
बाहेर काढल्यावर ५ मिनीटांनी सुरीने रेघा पाडुन वरुन मोहरी आणी हिंगाची फोडणी घालावी. हवी असल्यास बारीक चिरुन कोथिंबीर घालावी.
या कृतीने ढोकळा अगदी पांढरा स्वच्छ आणि हलका होतो.
१.फोडणीत तिळ, जिरे पण चांगले लागतात.
२. पिठात साखर न घालता फोडणीत '२ चमचे साखरेचे' पाणी मिसळुन पण चांगली चव येते. पाण्यामुळे फोडणी ढोकळ्यात नीट शोशलीपण जाते.
३.जिने पा.कृ सांगीतली ती मैत्रिण वाटुन झाल्यावर २ चमचे दही घालुन ठेवते. पण मला ती चव जरा जास्तच आंबट वाटली म्हणुन मी आता घालत नाही.
फक्त तांदुळाचा माबोवरच्याच
फक्त तांदुळाचा माबोवरच्याच कृतीने करून पाहिला होता (सुलेखा यांची पाकृ होती बहुतेक). हाही करून पहावासा वाटतोय. मस्त कृती आणि फोटोही..
थोडं आंबट ताक घालायचं. अति
थोडं आंबट ताक घालायचं. अति आंबट नाहीच चांगला लागणार ढोकळा.
भारी फोटो!!
भारी फोटो!!
ढोकळा केला. चवीला अप्रतिम
ढोकळा केला. चवीला अप्रतिम झाला आहे. ब्राउन बास्मती तांदूळ वापरल्यामुळे पांढराशुभ्र झाला नाही. तसंच पहिल्या घाण्याला बाहेर काढल्यावर लागलीच कापायला घेतल्यामुळे ढोकळ्यांच्या कडा दबल्या. त्यामुळे ढोकळे स्पाँजी दिसत नाहीत. पण झाले आहेत.
थँक्यू आरती!
(ब्राउन राइस खपवायला आणखी एक पदार्थ मिळाला.)
हा ढोकळा चोथाणीची आई करायची
हा ढोकळा चोथाणीची आई करायची तसा लागतो का?
आरती मी करुन बघितला ग ढोकळा
आरती मी करुन बघितला ग ढोकळा खुप छान झाला
टाकली आहे का इथे पाकृ? २-३
टाकली आहे का इथे पाकृ? २-३ दिवसांत करुन पाहते.
मृण्मयी, छान दिसतो आहे
मृण्मयी, छान दिसतो आहे ढोकळा.
दिसत नाहीत. पण झाले आहेत.>>
फोटो झुम करुन बघितल्यावर दिसते आहे जाळी
अश्विनी, फोटो कुठे आहे ?
धन्यवाद अश्विनी, मृण्मयी.
सिंडरेला,
हो तसाच लागतो. पण अर्चनाच्या आईची पद्धत थोडी वेगळी होती.
डाळ, तांदुळ भिजवुन, मग भाजुन त्याची वेगवेगळी पिठं दळुन आणायची आणि मग रात्रभर ताकात भिजवुन सकाळी चिमुट्भर सोडा, थोडे तेल घालुन ढोकळा करायचा.
शैलजा, कसा झाला कळव
मस्त..
मस्त..
मस्त..
मस्त..
मृण्मयी मस्त दिसतोय. असंच
मृण्मयी मस्त दिसतोय. असंच पेरतो आम्ही लाल तिखट आणि मिरपूड.
आरती .... मस्त रेसीपी मस्तच
आरती .... मस्त
रेसीपी मस्तच आहेत
आत काय काय करु असा प्रश्न पडला आहे.
काल हौसेने ढोकळ्याची तयारी
काल हौसेने ढोकळ्याची तयारी केली तर नवरोबा म्हणाले मला दोसा खायचा आहे, मग आहे त्याच पिठाचे दोसे घातले इतके सुंदर झाले की साहेबांनी रात्री मित्रांना बोलावले दोसे खायला.
ढोकळ्याचा मुहुर्त लागलाच नै
या पिठाचे दोसे अप्रतिम होतात अगदि लोणी स्पाँज दोश्यासारखे लुसलुशीत.
सारीका, माझे पण असे बरेचदा
सारीका,
माझे पण असे बरेचदा होते. पिठ ढोकळ्याचे आणि केले जातात दोसे.
मस्त रेसिपी !
मस्त रेसिपी !
रविवारी केलेला. ढोकळापात्र
रविवारी केलेला. ढोकळापात्र नसल्याने इडलीपात्रातच केला. चवीला मस्त झालेला. धन्यवाद आरती
येयऽऽऽऽऽ मस्त झाला खाटा
येयऽऽऽऽऽ मस्त झाला खाटा ढोकळा!
मी पीठात मीठ साखरेशिवाय काहीही घातलं नव्हतं, तरीही इडलीसारखी चव अजिबात लागली नाही. छान खाटा ढोकळ्यासारखीच चव लागली.
हा मसाला ढोकळा वाफवायच्या आधीचा फोटो:
हा साधा ढोकळा फोडणी घालायच्या आधीचा फोटो:
मंजू, तुझे ढोकळा पात्र छान
मंजू, तुझे ढोकळा पात्र छान दिसतय नेहमीपेक्षा वेगळं. जरा डिटेल्स दे ना प्लीज.
ढोकळा पण मस्त जाळीदार हलका दिसतोय.
शुभांगी, अगं तो इडली/ ढोकळा/
शुभांगी, अगं तो इडली/ ढोकळा/ मोदक स्टीमर आहे, हा असा.
त्याबरोबर दोन इडलीचे स्टँड, एक ढोकळ्यासाठी थाळीटाईप डिश आणि एक मोदक/ अळूवडीचे उंडे इत्यादीसाठी जाळीची डिश मिळाली आहे. गरजेप्रमाणे हवी ती डिश आत ठेवता येते. त्या डिशला ठेवण्याउचलण्यासाठी कड्या आहेत.
जाळीदार डिश छोटी आहे, मोदकांना पुरत नाही. ७-८ इडल्या करायच्या असतील तरच मी इडलीच्या डिश वापरते, जास्त प्रमाणात करायच्या असतील तर माझा इडली स्टँड १६चा आहे तोच उपयोगाला येतो.
हो मला कड्या बघुनच छान वाटला
हो मला कड्या बघुनच छान वाटला तो. बघते आता. माझ्याकडचा चार थाळ्यांचा आहे स्टँड पण त्यात पाणी शिरत बर्याचदा.
काल या पाकृने बनविलेला. मस्त
काल या पाकृने बनविलेला. मस्त स्पाँजी व चविलाही छान झालेला. घरात सगळ्यांना आवडला. धन्यवाद आरती.
सुन्दर ....... नक्कि करुन
सुन्दर .......
नक्कि करुन बघेन ,,,,,
आज करुन बघितला. मस्त झालेला
आज करुन बघितला. मस्त झालेला एकदम
मस्त रेसिपी बद्दल धन्यवाद.
आज करून पाहीला, मस्त झाला
आज करून पाहीला, मस्त झाला होता. पिवळा करायला हळद घातली, अजून काही वेगळं करतात का ?
पिवळ्या, म्हणजे नेहेमीच्या
पिवळ्या, म्हणजे नेहेमीच्या ढोकळ्यात डाळीचं पीठही असतं, इन फॅक्ट ते जास्त असतं आणि तांदळाची पिठी कमी अस्ते. म्हणून तो 'पिवळा' दिसतो, नॅचरली.
हा पूर्ण तांदळाचा आहे. म्हणून 'पांढरा' आहे. त्याला हळद घालून पिवळा का केला?
अगं मुलीला पिवळा आवडतो
अगं मुलीला पिवळा आवडतो म्हणून, नवरा म्हणाला घाल हळद ;).
पांढरा केला ना त्यात मीठ कमी झालं, पिवळ्यात बरोबर झालं त्यामुळे पिवळा पटकनं संपला
त्याला हळद घालून पिवळा का
त्याला हळद घालून पिवळा का केला?>>>
मला 'आकाबाईचा कोंबडा' गाणं आठवलं
अरे वा, बर्याच जणींनी केलेला
अरे वा, बर्याच जणींनी केलेला दिसतोय
सोनाली, मंजूडी, निल्सन
मस्त आले आहेत फोटो, ढोकळा छान दिसतो आहे.
मंजूडी,
चला शेवटी मला 'खाटा' ढोकळ्याच प्रमाणपत्र मिळाल
पिवळ्या, म्हणजे नेहेमीच्या ढोकळ्यात डाळीचं पीठही असतं, >>
पूनम, प्रजक्ता
डाळ-तांदळाचा ढोकळा असेल तर उडदाच्या डाळीच्या समप्रमाणात हरबर्याची डाळ घ्यायची म्हणजे पिवळट रंगाचा ढोकळा होतो. आणि त्यात हळाद-हिंग असतो त्यामुळे तो छान पिवळा होतो. इन्स्टंट मधे मात्र डाळीच पिठच.
सगळ्या नविन प्रतिसादांना धन्यवाद.
आज केला होता मस्त झाला.
आज केला होता मस्त झाला. सगळ्यांना खूप आवडला.
Pages