Name: ओल्या लाल मिरचीच्या ठेच्यातले लिंबाचे लोणचे (फोटोसह)
Cook time: १.५ तास
Yield: आवडीप्रमाणे
Cuisine: दाक्षिणात्य
Ingredients: **जानेवारी ते मार्च २ महीने बाजारात कमी तिखट असणार्या ओल्या लाल मिरच्या मिळतात; त्यामुळे हे लोणचे याच दरम्यान केले जाते. **लोणच्यासाठी लागणारा वेळ हा १५ दिवसांचा आहे; वर मी फक्त फोडणी करुन ती थंड करुन लोणच्यात मिसळण्याचा वेळ दिला आहे. प्रत्यक्ष फोडणीचा वेळ हा ५ मिनीटाचा आहे. साहीत्यः एक किलो लिंबु अर्धा किलो मीठ एक किलो ओल्या लाल मिरच्या (तिखटपणा कमी असलेल्या) धणे आणि जिर्याची पूड प्रत्येकी अर्धी वाटी एक वाटी आलं + लसूण पेस्ट फोडणीचे साहीत्यः एक वाटी शेंगदाणा तेल २ चमचे मोहरी १ चमचा जिरे हिंग आवडीनुसार (फोडणी पुरता)

Submitted by सारीका on 19 March, 2015 - 08:25

प्रत्यक्षात लागणारा वेळ:

१.५ तास

लागणारे जिन्नस:

**जानेवारी ते मार्च २ महीने बाजारात कमी तिखट असणार्‍या ओल्या लाल मिरच्या मिळतात, त्यामुळे हे लोणचे याच दरम्यान केले जाते.

**लोणच्यासाठी लागणारा वेळ हा १५ दिवसांचा आहे, वर मी फक्त फोडणी करुन ती थंड करुन लोणच्यात मिसळण्याचा वेळ दिला आहे. प्रत्यक्ष फोडणीचा वेळ हा ५ मिनीटाचा आहे.

साहीत्यः

एक किलो लिंबु

अर्धा किलो मीठ

एक किलो ओल्या लाल मिरच्या (तिखटपणा कमी असलेल्या)

धणे आणि जिर्‍याची पूड प्रत्येकी अर्धी वाटी

एक वाटी आलं + लसूण पेस्ट

फोडणीचे साहीत्यः

एक वाटी शेंगदाणा तेल

२ चमचे मोहरी

१ चमचा जिरे

हिंग आवडीनुसार (फोडणी पुरता)

क्रमवार पाककृती:

एक किलो लिंबू धुवून चांगले कोरडे करुन त्याच्या प्रत्येकी चार फोडी कराव्यात.
या फोडी एका पातेल्यात घेऊन वर सांगितलेल्या मीठापैकी पाव किलो मीठ चोळावे.
हे मिश्रण रोज एकदा चमच्याने ढवळावे. असे १५ दिवस करावे.

१५ व्या दिवशी ओल्या लाल मिरच्या आणुन त्या चांगल्या धुवुन कोरड्या कराव्यात, त्याची देठं काढुन घ्यावीत, एखादी सडली पिचलेली मिरची असेल तर ती काढुन टाकावी.
उरलेल्या पाव किलो मीठाबरोबर मिक्सरमधे वाटुन ओल्या मिरचीचा ठेचा करावा. अगदी फाइन पेस्ट करायची आहे.
यात अजिबात पाणी वापरायचे नाही.
आता हा ओल्या मिरचीचा ठेचा, धने जिरे पुड आणि आले + लसूण पेस्ट फोडींमधे मिसळावे.
.सर्व जिन्नस नीट मिक्स करुन घ्यावेत.
एक वाटी तेलाची फोडणी करुन त्यात मोहरी जिरे हिंग घालावे, फोडणी पुर्ण थंड करुन लोणच्यात मिसळावी.
लोणचे कालवुन घ्यावे.

हे तयार लोणचे

हि लिंबाची फोड (यम्मी )

वाढणी/प्रमाण:

आवडीप्रमाणे

अधिक टिपा:

१) मुळ कृतीचा वेळ १५ दिवसांचा आहे.

२)मिरचीचा ठेचा फ्रीज मधे ठेऊन नंतर लोणच्यात मिक्स केल्यास लोणच्याची चव आणि पुर्ण लोणचे बिघडण्याची शक्यता असते, त्यामुळे मिरच्या ताज्या घ्याव्यात.
३) मिरचीची चव बघुन मिरच्या घ्याव्यात, मिरच्या जर खुप जास्त तिखट असतील तर प्रमाण कमी करावे. फाईन पेस्ट करताना पाणी अजिबात वापरायचे नाही.

४) सासुबाई म्हणाल्या, मिरच्या आणुन फ्रीज मधे ठेऊन नंतर नॉर्मल टेंप्रेचर ला आणुन ठेचा केला तरी चालेल थोडा चवीत फरक पडेल पण त्यानंतर लोणचं फ्रिजमधेच ठेवावे लागेल.

५) वरील पद्धतीने केल्यास लोणचे खराब होत नाही.

६) १५ दिवसांतच लिंबाच्या फोडी चांगल्या मुरतात, नरम होतात.
त्यामुळे लोणचे लगेच खाण्यालायक होते.

उपवासाला न चालणारे जिन्नस वगळता उपवासाचे लिंबाचे लोणचे देखिल बनवता येते.

माहितीचा स्रोत:

नवर्‍याची आत्या (तेलंगणा खासीयत)

आहार:

शाकाहारी

पाककृती प्रकार:

वाळवण-साठवण

प्रादेशिक:

दाक्षिणात्य

शब्दखुणा: