ज्योतिषसल्ला हवाय - ब्रेनट्यूमरची पेशंट

वर्ष होत आले. सद्यस्थिती अशी की;
आता ट्यूमर साईज ४.५ सेमी आहे. डॉक्टरांनी ३ पर्याय दिले आहेत.
१) परत एकदा सर्जरी
२) कोणत्या तरी नविन ड्रगचा वापर करुन बघायचा, ज्याचा पुर्वी वापर केलेला नाहीये.
३) इश्वरावर हवाला ठेवुन बसायचे, जेव्हा की डॉक्टरांनी जास्तीत जास्त ३ महिन्यांची मुदत दिली आहे

जातकाच्या नातेवाईकांचा प्रश्न असा की वरील तिन पर्यायांमधे कोणता तरी एक पर्याय निवडुन तसे येत्या बुधवारपर्यंत डॉक्टरना सांगणे आवश्यक झाले आहे.
नातेवाईकांची अडचण अशी की या पर्यायांपैकी कोणता पर्याय उपयोगी पडेल, त्या पर्यायातुन काय नि:ष्पन्न होईल, अन हा निर्णय, जातक स्वतः निर्णय घेण्याच्या अवस्थेत नसल्याने जातकाकरता नातेवाईकांनी घ्यायचा आहे.

वरील पर्यायांबाबत निर्णय घेताना कुंडलीद्वारे काही मार्गदर्शन होईल का ही विचारणा आहे.

सदरहू जातकाचे नातेवाईकांस दिलेला सल्ला अभ्यासकांचे माहितीसाठी पुढे देत आहे:
***********************************
मी कुंडलीचा परत परत अभ्यास केला. प्राप्त परिस्थितीचे प्रतिबिंब कुंडलीमधे जाणवत नाही हे पूर्वीपासुनच म्हणतो आहे. तरीही.... तू दिलेल्या ३ पर्यायांपैकी, तिसरा पर्याय निवडणे मानसिकदृष्ट्या अशक्य होते, व तो निवडू नये अशा मताचा मी आहे. आजवर तुम्ही इतके प्रयत्न केलेत, तर थोडे अजुन प्रयत्न करु. केवळ अन् केवळ आर्थिक कारणांमुळेच ३ रा पर्याय निवडणे भाग असल्यास मात्र पर्याय नाही, अन्यथा नंतर मन प्रचंड खंतावते जे सहन करणे अवघड होते. सबब, शक्यतो ३ रा पर्याय नको.

२ रा पर्याय, न वापरलेल्या औषधयोजनेचा आहे, जो देखिल मी येत्या "गोचर ग्रहस्थितीकडे" बघता सध्या, या वर्षी तरी नको असेच म्हणेन. कारण जातकाच्या षष्ठ स्थानातुनच शनिचे (जो अष्टमेश आहे) भ्रमण जानेवारी २०१७ पर्यंत आहे. तेथेच येत्या २१ फेब् पासुन् मंगळ (षष्ठेश) प्रवेशतो आहे. व हे दोनही ग्रह एप्रिल ते जुन या मोठ्या काळात याच स्थानी वक्री आहेत, व त्यांची युति २३ ऑगस्ट १६ ला होते. षष्ठ स्थान रोग स्थान, तिथेच अष्टमेशाचे भ्रमण, व षष्ठेश मंगळही तिथेच हा योग जरा अवघड आहे. मात्र माझे मनात खूपच आशादाई चित्र उभे रहाते आहे. परत ऑपरेशनचा पर्याय निवडावा लागेल असे दिसते आहे, व तो निवडावा ( अर्थात आर्थिक बाजु तपासुन्) असे सांगणे राहील. मात्र जर एप्रिलचे आधी ऑपरेशन झाले तर माझे मते फारसा धोका राहू नये.

आता मी संपुर्णपणे वेगळाच विचार करुन, तिचे स्वास्थ्याचे करता, व ती परत ठीकठाक व्हावी याकरता, माझेकडूनच, १) महामृत्युंजय मंत्राचे हवन (अरिष्ट टाळण्यासाठी) आणि २) अनिष्ट बाधा निवारणेसाठी विशिष्ट मंत्रांचा जप (बाधा कुठलीही असू शकते, जसे की वास्तू , वा कुठे आडजागी लागिर, वा पितरदोष, वा कुणाचे कूकर्म इत्यादी) करुन त्याचा अंगारा पाठवुन देईन. पूर्वी २०१३ मधे एकदा महामृत्युंजय मंत्राचे हजार आहुतींचे हवन केले होते. पण आता अधिक निष्ठेने, गांभिर्याने हे करीन.

जर जन्मवेळ/दिवस वगैरे चुकलेली नसेल्, तर मी आजही हेच म्हणू इच्छितो की जे घडातय, ते कुंडलीत कुठल्याच बाजुने प्रतिबिंबित होतच नाहीये. ग्रहस्थिती म्हणा, गोचर भ्रमणे म्हणा वा विशोत्तरी महादशा म्हणा, गेली चार वर्षे जे घडत आलय, ते मला कुंडलीमधे दिसतच नाहीये, असे कसे होईल? अन म्हणूनच मी आणि लिंबी, दोघेही जण आमच्या परीने हे अरीष्ट नाहिसे व्हावे याकरता आम्हांस ज्ञात असलेले आधिदैविक उपाय करुच करु.
***********************************

>>>> खरच मला तरी हे पटत नाही.. नुसते फक्त ज्योतिष बघून उपचार न करता राहायचे.. <<<<
माफ करा हेमंतजी, पण इथे कुणीही, "नुस्ते ज्योतिष बघुन हातावर हात धरुन बसुन रहा" असे सांगितलेले नाहीये. धागा पूर्ण वाचा, या धाग्याचा तो विषयच नाहीये.
इथे सर्व वैद्यकीय उपचार चालू आहेत. अंतिम स्थितीमधे आता काय करावे याचे पर्याय, व त्याला मी दिलेले उत्तर सु:स्पष्ट आहे, ज्यात ऑपरेशन करावे असेच सांगितलेले आहे.
वर ठळक केलेल्याप्रमाणे एका वाक्यातील केवळ काही मोजक्या अस्थानी शब्दांनी आख्ख्या धाग्याबद्दल गैरसमज पसरतील अशी विधाने कृपया इथे नकोत.

वाय२जे, तुम्ही म्हणताय ते शक्य नाही, कारण, हर्षल देखिल अस्ती आहे, व हे ग्रह चतुर्थात, बुधाच्याच राशीत आहेत. मला मातुल बाजुस्/स्वगृहाचे बाबतीत तृटी आढळायला हव्या होत्या, तशाही नाहीयेत, कारण, हर्षलच अस्ती.
सप्तमेश, दशमेश गुरुही तिथेच, व त्याचेकडुन मात्र जॉब/नवरा याबाबतीत अतिशय सुंदर फळे मिळालेली आहेत. जर हर्षल प्ल्युटो तिथे परिणामकारक ठरत असते तर चतुर्थ स्थानाच्या संदर्भाने व अन्य स्थानी नजरेतही त्यांचे दु:ष्परिणाम दिसायला हवे होते, ते दिसत नाहीत.
सगळ्यात शेवटी, दुखणे उपटलय ते डोकेदुखीतुन, मेंदुचा विकार हे निदान, ब्रेनट्यूमरची चार मेजर ऑपरेशन्स गेल्या चार वर्षात, या सगळ्याचा संबंध बुधाशी, बुधाच्या चतुर्थात असण्याशी कसा काय लावणार? माझ्या माहितीतल्या तिन चार ब्रेन ट्युमरच्याच केसेस मधे रुग्ण निदान झाल्यापासुन सहा महिने ते वर्षभरातच गचकल्याची उदाहरणे आहेत, भले एखाददुसरे ऑपरेशन करायचाही प्रयत्न झालाय. मग इथे चार ऑपरेशन्स, चार वर्षे सलग रुग्णावस्था व ती देखिल ब्रेनशी संबंधीत राहू कशी शकते? जर रहात असेल, तर त्यादृष्टीने कोणता योग तारक ठरतोय? मग तोच तारक योग, मूळात ही दुखणे उपटण्याविरुद्धच कार्यरत कसा काय नाही?
अजुन एक डेव्हलपमेंट म्हणजे ५ सेमि चा युरिन स्टोन झालाय, त्याचेही ऑपरेशन, काल किंवा आज करित असतील.
युरिन स्टोन वा तत्सम दुखण्यांचा निर्देश कुम्डलीत कुठे होतोय?

अन हर्षल/प्ल्युतो व बुधाचे अर्थच लावायचे, तर एक अर्थ "निदानात फसगत" असाही निघतो आहे त्याचे काय?

लग्नबिंदु व राहू अंशात्मक नवपंचम करतात, तेव्हा आता त्या दृष्टीने मी प्रयत्न करतोय.
आशा आहे की डॉक्टरांच्या प्रयत्नांना यश येऊदे, व ती पहिल्यासारखी हसती खेळती फिरती बोलती होऊदे.

वाय२जे, तुमचे मुद्दे लक्षात घेतलेत. खास करुन अकराव्या शनिची दृष्टी.
आशा करु की अंतिमतः चांगले नि:ष्पन्न होईल.