लय सॉरी ! (Movie Review - Lai Bhari लय भारी)

Crying baby gets the milk च्या जवळ जाणारा >> अगदी अगदी. त्यात अश्लील काही वाटत नाही. 'भांडणाशिवाय आपल्याला करमत नाही', 'राड्याशिवाय मजा नाही', 'मारामारी केल्याशिवाय पदरात काही पडत नाही'- असं काहीसं. लार्जर दॅन लाईफ कडे जाणारे रस्ते आहेत सगळे. तुम्ही लोकांनीच अनेक दशकांपुर्वी बच्चनसाहेबांना सुरू करून दिलंत. आता भोगा.

मी कोल्हापुरची नसुन पण मला कळाला

तंटा म्हणजे भांडण. घंटा नाय हे वाक्य आजकाल काहीही नाही या अर्थाने वापरतात.
भांड्ण केलं नाही तर काही घंटा मिळत नाही म्हणजे काहीही मिळत नाही असा त्याचा अर्थ आहे

@ त्या डायलॉगच्या निरर्थकतेचा कीसच पाडायचा झाल्यास.........
मलाही नक्की तसेच वाटत होते पण शब्दबद्ध करता येत नव्हते ते तुम्ही केलेत.

एकतर नायक या उद्गाराच्या विरूद्ध आहे किंवा उगाचच पंच लाईन आहे.

त्याचप्रमाणे 'आपला हात भारी आपला लाथ भारी आपलं सगळंच भारी' असल काहीतरी आहे ते सुद्धा गंडलेलं आहे.

जावूद्या आजकाल बोलण्याच्या वाताहातीत आणखीन एक वीट.

हल्ली अशुध्द बोलणे, मराठी बोलता न येणे, कारण नसताना इंग्रजी शब्द वापरणे ...... यानेच माणसे मोठी होतात....

तंटा नाही तर घंटा नाही
म्हणजे भांडल्याशिवाय काहीही मिळत नाही .
>>>>>
एक्झाक्टली के.जा.,

आजच ऑफिसमध्ये एकाने ओवरटाईम वरून लाईन मॅनेजरशी वाद घातला आणि नंतर आम्हाला हा किस्सा सांगताना त्याने हाच डायलॉग याच अर्थाने अगदी अचूकपणे वापरला.

मलाही आवडलाय, व्यवहारात मी सुद्धा याचा वापर करण्याची शक्यता पूरेपूर आहे

'घंटा' - हे प्रतीक खरं तर शून्यत्वाचं आहे. उडवून लावायचं असेल, तर 'घंटा घे' वगैरे म्हटलं जातं. 'काही मिळालं नाही' = 'घंटा मिळाला.' किंवा 'तुला काय 'घंटा' कळतं का ?' = तुला काहीही कळत नाही.
थोडक्यात, 'घंटा' म्हणजे 'शून्य', असा एक लौकिकार्थ.

घंटा नाय = शून्य नाय = काही तरी का होईना, आहे.

>>>>>>>>>>>>>>>>>>

रसप तुम्ही अर्थ लावण्यात चुकला आहात,

घंटा नाय म्हणजे "घंटा उर्फ शून्य नाय" असे नसून "घंटा, काहीही मिळणार नाही" असे फुल्ल वर्जन घ्यायचे आहे.

आता बघा, जेव्हा आपण एखाद्याला "हो ना" असे म्हणतो तेव्हा त्याचा अर्थ "हो" असा सहमतीदर्शकच असतो. "हो नाही = नाही" असा घेत नाही.

हल्ली अशुध्द बोलणे, मराठी बोलता न येणे, कारण नसताना इंग्रजी शब्द वापरणे ...... यानेच माणसे मोठी होतात.... >>>>>>>>>> अशुद्ध म्हणजे काय? प्रत्येकाचा बोलण्याचा लहेजा असतो. पुणेरी मराठी,सातारी मराठी, विदर्भाची मराठी , सोलापुरी मराठी ह्यातली शुद्ध मराठी कोणती हे कोण ठरवणार? चपतीला पोळि बोलल्यावर पुरण्पोळीला काय म्हणायचं हा प्रश्न पड्तो पण म्हणून आमचीच भाषा बरोबर आणि सगळ्यांनी चपातीच बोललं पाहिजे असा हट्ट करणं चुकिचच.

भान अगदी बरोबर म्हणणं आहे तुमचं...

पण... <<<चपातीच बोललं पाहिजे >>> ऐवजी चपाती म्हटली पाहिजे.. असं करा...

'लय भारी' चित्रपट आपली मराठी वर आला आहे. अजून बघितला नाही पण 'माउली माउली ' गाणे खूप छान आहे. ऐकायला आणि बघायला दोन्ही अप्रतिम.

पहिले १५ मिनिट पाहिल्यावर ब.न्द केला!

टिप्पीकल हिंदी मसाला स्टोरी

'लय भारी' चित्रपट आपली मराठी वर आला आहे.
>>>
आपली मराठी काय आहे? चॅनेल का? मुंबईत सेटटॉपबॉक्स वर असेल का?

आपली मराठी डॉट कॉम ही एक साईट आहे.. तिथे फुकट मराठी चित्रपट बघता येतात (देणगी देण्याचीही सोय आहे)...

http://www.apalimarathi.com/

पण तुकड्या तुकड्यात चित्रपट बघावा लागतो...

लग्नसमारंभात अत्तरदाणी वापरताना रितेशने चक्क मि. बीन ची कॉपी मारलेय
सफेदीतला सल्लू काय बोलला ते कळलच नाही, anyway, who cares

आपली मराठी बद्दल धन्यवाद बोलावे की नाही या विचारात.
मराठी चित्रपट हल्ली मी थिएटरातच बघतो त्यामुळे तुर्तास नको ती साईट
धन्यवाद

ऋन्मेऽऽष भारता बाहेरील लोकांना आपली मराठी हाच पर्याय आहे.
आम्हाला पण थेटर मध्ये मराठी चित्रपट बघायला आवडेल पण सध्या तरी परदेशात प्रदर्शित होत नाही.
तसेही आपली मराठी भारतातून ओपन होत नाही असे कळले. (चुभूदेघे)

तिथे फुकट मराठी चित्रपट बघता येतात (देणगी देण्याचीही सोय आहे)...
>>> च्यायला देणगी देण्याची दानत असती तर आम्ही फुकटाचा शोध घेतला असता काय? कैच्या कै ....

प्यारा प्लस, ओके आणि आपलाही गैरसमज नसावा, पण मी स्वता नेहमीच सर्वांना मराठी चित्रपट थिएटरात जाऊनच बघायचा सल्ला देतो. स्वताही तसेच करतो आणि पब्लिक फोरमवरही याच विचारांचा प्रसार करतो म्हणून सवयीने ते वाक्य आले

दुर्दैवाने कामाच्या शेड्युलमुळे गेले दोन महिने कुठलाही चित्रपट थिएटरात बघायचे वांधे झालेत. त्यात हा देखील गंडलाय,अन्यथा आपल्या रितेश देशमुखसाठी पहिल्याच आठवड्यात बघितला असता

रसपची परिक्षणं नेहेमीच आवडतात. हे ही आवडलं.
पिक्चर आपलीमराठी.कॉम वर पाहिला. एवढा टुकार वाटला नाही. (हे परिक्षण वाचून अपेक्षा अती-कमी केल्या होत्या). रितेश देशमुख खूप सिन्सिअर अभिनेता वाटतो. जे काम करतो ते मनापासून करतो असं वाटतं. ह्यातही जे केलय ते चांगलं केलय. बायका माहिती नव्हत्या, आवडल्या नाहीत. तन्वीने चांगलं काम केलंय. तो नोकर आणि व्हिलन पण आवडले. ही ४ लोकं सोडली तर बाकी कोणीही छाप पाडू शकलं नाहीये. सलमान खानचा सीन नक्की का होता ते कळलं नाही. हसणं सोडा हे नक्की काय आणि कशाला चाल्लय असं वाटलं.
एकंदरीत बरा आहे.

शरद केळकर मस्त. रितेश खुप मस्त अभिनय करतो. कथा, दिग्दर्शन,संगीत...... आणि Camera पण खूप छान. नक्की पहावा असा. मला आवडला. थिएटरमध्ये पाहिला. पैसा वसूल.

रितेशने आपल्या मर्यादा ओळखून फडतूस मल्टीकास्ट हिंदी चित्रपटात दुय्यम चिल्लर भुमिकाच कराव्यात.

पाहिला नुकताच. अगदी बोअर होत नाही, पण अशा चित्रपटात जो मसाला जमायला ह्वा तो खूप जमलेला नाही. रितेश देशमुख व शरद केळकर चे काम चांगले आहे. मला रितेश पहिल्या तासाभराच्या प्रसंगांत जास्त सहज वावरतो आहे असे वाटले. शरद केळकर त्या साउथ च्या अशा पिक्चर्स मधे व्हिलन म्हणून (कदाचित हीरो म्हणूनही) सहज फिट्ट बसेल. तन्वी आजमी बर्‍याच दिवसांनी दिसली. तिने काम चांगले केले आहे, पण अनेक ठिकाणी रीमा लागूचा भास होतो तिच्यात.

अशा पिक्चर्स मधे लॉजिक बद्दल प्रश्न विचारायचे नाहीत. समोर दाखवले जात आहे ते एन्जॉयेबल आहे का नाही एवढेच बघायचे. त्याबाबतीत ठीक ठीक आहे इतपतच. तो माउली पहिल्या फाईटला आधी खाली पडतो, मग एक मिनीट पॉज, आणि त्यानंतर हसत पुन्हा उठताना "आता, आपली बारी" म्हणतो - तो सीन मस्त जमला आहे. पण ती धार नंतर मेन्टेन करता आली नाही. 'तंटा नाय तर घंटा नाय' जा पाहिजे तेव्हढा उपयोग केलेला वाटला नाही. 'आता, आपली बारी' साठी सुद्धा बराच स्कोप होता नंतर वापरायला. सिग्नेचर वाक्य झाले असते, ते ही 'आता माझी सटकली' प्रमाणे.

त्या 'माउली' ची भाषा अजिबात झेपली नाही. पंढरपुरात आयुष्य गेलेला पोरगा एवढे हिंदीमिश्रीत का बोलतो? ती राधिका आपटे भर खेडेगावात ७० च्या दशकातील उत्तर प्रदेशातील चित्रपटकथांमधे त्या 'शब्बो' वगैरे असायच्या तसे कपडे व मेक अप घालून का फिरते? हे काही झेपले नाही. संवादही कधी कोल्हापुरी गावरान, कधी हिन्दीमिश्रीत मराठी, तर कधी शहरी 'प्रमाण' मराठी असे मिक्स झाले आहेत. काही ठिकाणी तर पुस्तकी भाषा उगाचच वापरली आहे असे वाटते "मी प्रतापराव निंबाळकरांची अर्धांगिनी आहे" वगैरे.

बाकी ते कॅमेर्‍याच्या करामती, फाईटने माणसे अवास्तव उडणे, हीरो च्या कुटुंबाशी आदबीने वागणारे गावातील 'फेसलेस' गावकरी, ते सरंजामी वातावरण वगैरे त्या सूर्या, रवि तेजा, विजयकांत ई लोकांचे तमिळ्/तेलुगु पिक्चर्स असतात अगदी त्याप्रमाणे आहे.

पाहा एकदा. बोअर बिअर होणार नाही. पण फार फक्कड वगैरे नाही. ते पहिले गाणे नीट बघितले नाही अजून, पण फॉरवर्ड करताना एरियल सीनरी चांगली असावी असे वाटले. पुन्हा पाहायला हवे ते.