काश्मिरी लाल मिरची ची चटणी

काश्मिरी लाल मिरच्यां मसाल्याने भरुन त्याचे लोणचे करतात..पण ते थोडे मुरेपर्यंत वाट पहावी लागते.माझ्या पंजाबी [शिख/सरदार ]मैत्रिणीकडे , साधारण तेच साहित्य वापरुन ही चटणी करायचे..लाल मिरचीच्या बिया न काढता केलेला लाल ठेचाच जणू ! त्यावर सरसू च्या तेलाचा तवंग अन लसणीचा घमघमाट.नुसते पाहूनच मी तिखटपणा अनुभवत होते.चवीसाठी दिलेली चटणी "सुधारीत आवृत्ती" करुन महिनाभर पूरत असे.ते शहर आणि मैत्रीणीचा साथ सुटल्यावर ही सुधारीत आवृती सीझन मध्ये एकदातरी करते.
१०० ग्रॅम काश्मिरी लाल मिरच्या ,
४ नग पातीसकट ओला लसूण,
२ टेबलस्पून धणे,
२ टेबलस्पून तीळ,
१ टी स्पून प्रत्येकी जिरे व मोहोरी,
८-१० मेथी दाणे,
१/२ टी स्पून हिंग पूड,
१ टेबलस्पून बडीशोप,
चवीप्रमाणे मीठ,
१ लिंबू,
३टेबलस्पून तेल.