साखरांबा / गुळांबा (सुकवलेल्या कैरीचा)

Submitted by नलिनी on 17 December, 2013 - 06:50
लागणारा वेळ: 
३० मिनिटे
लागणारे जिन्नस: 

सुकलेला कैरी कीस १ वाटी
साखर/ गुळ दिड वाटी
पाणी
वेलदोडा पावडर
केशर

क्रमवार पाककृती: 

कैर्‍यांचा सिझन असतो तेव्हा केलेला साखरांबा वर्षभर काही पुरत नाही.
हवा तेव्हा खायला मिळावा म्हणून एकदा इकडे येताना साधारण २०-२५ कैर्‍यांचा कीस (खीस) कडक उन्हात सुकवून आणला.

कृती: १)
साधारण दोन ते अडीच वाट्या पाण्यात हा कीस १० मिनिटे मंद आचेवर शिजत ठेवायचा. त्यात जरासे पाणी शिल्लक दिसायला हवे. वाटल्यास आणखी अर्धी वाटी पाणी घालून जरासे शिजू द्यायचे. त्यात साखर, वेलदोडा पुड, केशर घालून व्यवस्थित मिसळून घ्यायचे. साधारण २० मिनिटे मंद आचेवरच हे हलवत रहायचे. हे मिश्रण आता पारदर्शक दिसायला लागते. बोटावर घेऊन पाहिल्यास चिकट लागायला हवे आणि जरासेच पातळसर असायला हवे कारण थंड झाल्यावर हे घट्ट होते.

कृती: २) एक ते दिड वाटी पाण्यात हा कीस १० मिनिटे मंद आचेवर शिजत ठेवायचा. एका जाड बुडाच्या भांड्यात १ वाटी पाणी घेऊन त्यात साखरेचा दोन तारी पाक करून घ्यायचा. ह्यात शिजवलेले मिश्रण घालून व्यवस्थित मिसळून घ्यायचे. वेलदोडा पुड, केशर घालायचे व मंद आचेवर ५-१० मिनिटे ठेवायचे. बोटावर घेऊन पाहिल्यास चिकट लागायला हवे.

अश्याप्रकारे सुकवलेली कैरी घरात असली की हवा तेव्हा झटपट साखरांबा तयार.

kairi.jpgsakharamba.jpg

वाढणी/प्रमाण: 
घ्याल तसे.
अधिक टिपा: 

हा कीस फ्रिजमधे ठेवला तर वर्ष-दोन वर्ष टिकतो.

हवा तेव्हा थोड्या प्रमाणावर करता येतो.

तयार साखरांबा मी फ्रिजमधेच ठेवते.

पाककृती प्रकार: 
Group content visibility: 
Public - accessible to all site users

मी पैली मी पैली,,,,,,,
मस्त! असंच कैरीच्या सुकवलेल्या फोडींचं लोणंचं करतात कोकणात. त्याला आंबोशीचं लोणंचं म्हण्तात.
अप्रतीम चविष्ट असतं तेही!

धन्यवाद!

कैरीच्या सुकवलेल्या फोडींचं लोणंचं करतात कोकणात>>> सुकवलेल्या फोडीसुद्धा आहेत माझ्याकडे. इथे शोधते पा. कृ.

बाळाला आवडतो का साखरांबा>> होय. साखरांबा असला की भुक जरा लवकर लागते. Happy

can we take dried mango powder if we don;t have grated kairi??>> मी कधी केले नाही, करून पहायला हवे एकदा. जॅमचा आणखी एक प्रकार होऊ शकतो.