Name: सरसों का साग
Cook time: ३० मिनिटे
Yield: खाल तसे
Cuisine: पंजाबी
Ingredients: सरसों - १ जुडी पालक -१ जुडी बथुआ - १ जुडी मुळ्याचा पाला - मूठभर मुळा - अर्धा कांदा - १ मध्यम आकाराचा लसूण - १०-१२ पाकळ्या आलं - २ इंच तुकडा हिरवी मिरची - २-३ मक्याचे पीठ - २ टे स्पून तेल तूप जिरे हळद गरम मसाला सुक्या लाल मिरच्या- १; २ लिंबाचा रस

Submitted by प्राची on 27 November, 2013 - 02:44

प्रत्यक्षात लागणारा वेळ:

३० मिनिटे

लागणारे जिन्नस:

सरसों - १ जुडी
पालक -१ जुडी
बथुआ - १ जुडी
मुळ्याचा पाला - मूठभर
मुळा - अर्धा
कांदा - १ मध्यम आकाराचा
लसूण - १०-१२ पाकळ्या
आलं - २ इंच तुकडा
हिरवी मिरची - २-३
मक्याचे पीठ - २ टे स्पून
तेल
तूप
जिरे
हळद
गरम मसाला
सुक्या लाल मिरच्या- १,२
लिंबाचा रस

क्रमवार पाककृती:

१. सरसों, पालक, बथुआ, मुळ्याचा पाला नीट निवडून चिरून घ्यावे.
२. मुळा बारीक चिरून घ्यावा.
३. मिरची, लसूण, आले बारीक चिरून घ्यावे.
४. कुकरमध्ये थोडे तेल + तूप गरम करून त्यात हि. मि., लसूण, आले परतून घ्यावे.
५. त्यात चिरलेला मुळा + पालेभाज्या घालून नीट परतून घ्यावे.
६. भाज्या हलक्या शिजल्या की थोडेसे पाणी घालून कुकर बंद करावा.
७. दोन शिट्ट्यांत शिजते भाजी. कुकर उघडून भाज्यांतली पाणी आटेपर्यंत कुकरमध्ये शिजवावे. या वेळात भाजी हाताने घोटत राहावी.
८. शिजलेल्या भाज्या गार करून मिक्सरमधून वाटून घ्याव्या.
९. कढईत तेल + तूप गरम करून त्यात जिरे, हळद घालावे. त्यात कांदा घालून परतून घ्यावा.
१०. भाजीचे वाटण त्यावर घालून चांगले परतावे.
११. मक्याचे पीठ पाण्यात मिसळून भाजीत घालावे.
१२. चवीप्रमाणे मीठ, लागल्यास लाल तिखट, थोडासा गूळ घालावे.
१३. भाजी चांगली शिजली आणि गोळा बनू लागला की गरम मसाला घालून एकदा परतावे.
१४. गॅस बंद करून लिंबाचा रस घालावा.
१५. छोट्या कढईत तूप गरम करून त्यात हिंग, जिरे आणि सुक्या मिरच्यांची फोडणी करून भाजीवर घालावी.
१६. भाजी खाताना वरून तूप आणि गूळ घालून खावे.

वाढणी/प्रमाण:

खाल तसे

अधिक टिपा:

१. सरसोंची पाने शिजल्यावर एकदम मऊ होत नाहीत. भाजी मिळून यावी म्हणून त्यात पालक, बथुआ घालतात. उत्तरेत सरसों आणि बथुआ यांची पेंडी एकत्रच बांधलेली मिळते. मक्याचे पीठही याच कारणासाठी लावतात. काहीजण उकडलेला लहानसा बटाटाही किसून घालतात. मी कधी घातला नाही, त्यामुळे, चव बदलते का माहिती नाही.
२. मक्याचे पीठ नसल्यास तांदळाचे किंवा चण्याचे पीठ लावावे.
३. भाजी जराशी उग्र आणि कडसर लागते चवीला.
४. भाजी शिजू लागली की उड्या मारून गॅस शेगडी, शेगडीमागची भिंत, ओटा यावर रांगोळी काढायच्या मूडमध्ये येते. तसे होऊ नये म्हणून भाजी मिक्सरमधून वाटण्याआधीच कुकरमध्येच त्यातले सगळे पाणी आटवून घ्यायचे. कोरडी करून घ्यायची भाजी. याला खूप वेळ लागतो आणि हाताने तेवढा वेळ घोटत राहावी लागते भाजी.
५. कुकरमध्ये न शिजवता कढईतच शिजवता येते भाजी पण वेळ खूप लागतो.

माहितीचा स्रोत:

इंटरनेट, पंजाबी मैत्रीण, कामवाली.

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

हो बथुआ म्हणजे

हो बथुआ म्हणजे चंदनबटवा.

गुळाची चव नाही जाणवत. सरसोच्या पानांची उग्र चव झाकण्यासाठी गुळ /शक्कर. हे घातल्याचं कळत पण नाही खाताना.

Submitted by अल्पना on 6 December, 2013 - 02:44

थँक्स. आणि आंबटाचे कसे असते?

Submitted by सुनिधी on 6 December, 2013 - 11:29

छान रेस्पी! मक्याच्या

छान रेस्पी! मक्याच्या रोटीबरोबरच छान लागतो पण. आणि घरच्या लोणकढ तूपात केलनं तर आणखिन खमंग लागते भाजी ही

Submitted by के अंजली on 6 December, 2013 - 11:34

आमच्यात आंबट घालत नाहीत.

आमच्यात आंबट घालत नाहीत. (त्यामूळे बहूतेक किंचितसंच घालायचं असणार)

Submitted by अल्पना on 6 December, 2013 - 11:42

एकदा सरसोंका साग केलेल. ते

एकदा सरसोंका साग केलेल. ते अतिशय कडुसर झालेलं. बहुदा मी फक्त सरसो घातल्यामुळ असाव अस वाटतय.
प्राची तुझी रेसीपी मस्त वाटती आहे. करुन बघेन.

Submitted by सीमा on 6 December, 2013 - 16:09

आमच्याकडे कुक च्या हस्ते

आमच्याकडे कुक च्या हस्ते नेहेमीच व्हायची ही भाजी. आमच्याकडे कायम कढईतच शिजवली होती भाजी, कुकरला कधीच नाही, तसंच मक्याचं पीठ कधी घातल्याचं पण आठवत नाही. गूळही नाहीच.
पालक आणि बथुआ पाहीजेच या भाजीत.
हा सरसों का साग, दाल-माखनी हे काही प्रकार माझ्या मैत्रिणी मुद्दाम फर्माईश करायच्या आमच्या कुक च्या अस्सल ऑथेंटिक टेस्ट वाल्या असतात म्हणून.
माझी अत्यंत फेवरेट भाजी.

Submitted by .. on 6 December, 2013 - 16:16