वॉलपेपर कि रंग … ?

Submitted by गुलाम चोर on 25 October, 2013 - 02:05

घराच्या भिंतींना वॉलपेपर लावावा कि रंग याबद्दल मनात संदेह निर्माण झालाय. दोन्हीचे आपापले काही फायदे आहेत आणि काही तोटे आहेत… टिकाऊपणा, देखणेपणा, ट्रेन्ड, परंपरा आणि खर्च या सगळ्याचा उहापोह डोक्यात सुरु आहे … पण कुछ समझ मे नही आ रे ला… क्या करे, क्या ना करे? असं झालय…..

मंडळी… जरा सांगाल का, काय करावं बरं ?

विषय: 
शब्दखुणा: 
Group content visibility: 
Public - accessible to all site users

भिंतींचे प्लॅस्टर काढुन टाका....आतल्या विटा दिसु द्या......... आगळावेगळा फील येईल एकदम... रंग वालपेपर चा खर्च नाही काही नाही......

बघा ट्राय करुन एकदा Happy

रंग. प्लास्टिक इमल्शन लावा, आधी लप्पम पटटी लावून मस्त स्मूथ करून घ्या. कंपनीच्या ब्रांच हपिसात जावा व डीलर्स प्राइसला मागा. तेच लोक चांगले पेंटर पण देतात. पण दिवाळीच्या आधी सर्व चांगले पेंटर लोक्स बिझी असतात. गडबड नसेल तर दिवाळी नंतर करवून घ्या.

लहान मुले असतील तर एखाद्या भिंतीला चित्राचा पेपर लावा. त्यांच्या आव्डीचे कार्टून चे पेपर मिळतात. मेन पेंटीग रंगाचे करून वॉल पेपर अ‍ॅक्सेंट म्हणून वापरा. एखाद्या भिंतीला, कोनाड्याला असे. सर्व घराला वॉल पेपर म्हणजे फार बिझी वाट्ते व घरी आल्यावर शांत सुरेख वाटावे तसे वाट्त नाही. पेपर व भिंतीच्या मध्ये फंगस वाढायची शक्यता असते ते तब्येतीस वाइट.

भित्ताडकागद हा सबूद आवल्डा.
रंग लाव्ला काय आन भिताडकागूद काय. शेवट त्ये लोकं आपल्याला चुना लावणारच.
*
मुद्याची गोष्टः
१. सध्या दिवाळी तोंडावर आहे. रंग देण्याचा सीझन आहे. रेट्स भरपूर जास्त असतात. व चांगले कारागीरही बिझी असतात. डिसेंबर जानेवारीत जरा हलके होईल.
२. रंग लावणारे लोक फर्निचर हलवणे व जागेवर ठेवणे हे देखिल करतील, असे आधीच अ‍ॅग्रिमेंट करून घ्या.
३. भयंकर धूळ होते घरात. भिंती घासून घासून वात आणतात ते लोक. शक्यतो ३-४ दिवसांत टाईम बाऊंड काम करून देणार असतील असे बघा. पण त्यात त्यांच्या टाईम वेस्टिंग टॅक्टिक्स असतात. लांबी भरली ती आता सुकायला इतका वेळ. मग पहिला हात मग दुसरा त्यात परत सुकवणे इ.
४. मटेरियल मी आणून देतो. तुम्ही फक्त मजूरी घ्या इ. करून पैसे वाचवायचा प्रयत्न करू नका. दुकानदारांशी यांचे कमिशन ठरलेले असते. तुम्ही आणा की ते. कमिशन त्यांना मिळतेच.
५. वॉलपेपर हा फास्ट ऑप्शन आहे. टिकाऊ देखिल. (माझ्या केबिनचा वॉलपेपर आज साडे ४ वर्षांनी देखिल उत्तम आहे. थोडा एका जॉइंटवर सुटतो आहे, पण तो विनासायास चिकटवता येईल. फेविकॉलमधे पाणी मिक्स करून त्याने चिकटवतात ते. कधी कधी त्यात सुकी डिंकाची पावडरही टाकतात.)
६. वॉलपेपर लावला, तरी खिडक्या/दारे यांचा ऑईलपेंट वा पॉलिश मात्र वेगळी करावीच लागेल. छताला सहसा वॉलपेपर लावीत नाहीत. तिथे चुनाच मारलेला बरा. चुन्यामुळे चिलटे / पाली होत नाहीत.

वॉलपेपरची संपूर्ण रूम ३ तासात चिकटवून गेले होते ते लोक. प्रोसेसही सोपी असते. एकदा पाहिलेत अन थोडे मेकॅनिकल स्किल अंगी असेल तर रंग देणे वा वॉलपेपर लावणे घरी देखिल करता येईल.

खर्च खूप जास्त असतो का वॉलपेपरचा ? नाहीतर घरात वास नाही, पटकन काम शिवाय रंगापेक्षा जास्त टिकाऊ ( असे नेटवर वाचले ) तरी बहुतांशी सगळे रंग लावणेच प्रिफर का करतात ? आणि ती टिपिकल फ्लोरल डिझाईन्सच लावली पाहिजेत असे काही नाही, हल्ली भरपूर व्हरायटी असते ( म्हणे )

इब्लिस हे वेळ काढायचे टॅक्टिक नव्हे पेंट ची प्रोसी जर खालील प्रमा णे आहे
१) भिंत साफ करणे, खरडून घेणे. एक प्रायमरचा हात मारणे. तो पूर्ण सुकावा लागतो.
२) मग पूर्ण लप्पम पट्टी करणे व नीट घासणे. घराच्या क्षेत्रफळा प्रमाणे व भिंतीच्या तब्येतीनुसार
ह्याला वेळ लागू शकतो.
मग परत एक प्रायमरचा हात देणे व तो पूर्ण सुकवणे
३) मग रंगाचे दोन हात देणे. अगदी लाइट शेड असेल व बजेट असेल तर तीन हातही लागतात.
४) साइड बाय साइड एक किंवा दोन जण इनॅमलपेंट्चे काम करतात जसे लाकूड काम किंवा मेटल चे सरफेस. ग्रिल्स इत्यादी रंगवणे. त्याचा व वॉलपेंट चा सुकण्याचा स्पीड वेगळा असतो.
पहिले सीलिन्ग ला व्हाइट करून घेतात त्यातही वेळ जातो. पण प्रायमर नीट सुकू दिला नाही तर पुढे पेंट्च्या लुक मध्ये तक्रारी येऊ शकतात. वॉ टर प्रूफिन्ग करवायचे असेल तर किंवा इलेक्ट्रिकल रिपेअर्स पण आधी करवतात जेणे करून मग भिंतीला त्रास होउ नये.

पेंटचे पण टच ड्राय आणि पक्का ड्राय असे सुकायचे दोन लेव्हलस असतात. काही डेडलाइन नसल्यास
वेळ घेऊन काम करावे.

प्लॅस्टीक कलर लावायचा असल्यास आधीचा रंग काढावा लागतो.. अन्यथा त्यावर प्रायमर निट बसत नाही नंतर भिंतींचे पोपडे "लवकर" निघतात.... ( तसे नंतर निघतातच ती गोष्ट वेगळी Wink ) .... तसेच भिंत एक सारखी होत नाही.. प्लॅस्टिक पेंट एका भिंत लेव्हल करुन नाही लावला तर ती भिंत ओबडधोबड दिसते... मुख्यतः रात्री लाईट लावल्यावर...

पपडी, दोन सरफेसच्या मध्ये कालानुसार गॅप्स आलेल्या असतात. तिथे फंगस व इतर कचरा असतो.
जितका तुमचा बेस सरफेस चांगला व स्वच्छ. स्मूथ तितका रंग चांगला बसतो व कमी लागतो.
रोज काळजी घेतलेल्या व मॉइस्चराइज केलेल्या चेहर्‍यावर फाउंडेशन मेकप कसा नीट बसतो साधारण तसेच. खराब पुटकुळ्या असलेल्या स्किनवर मेकप चांगला दिसत नाही ना तसेच काहिसे.
दोन्ही ठिकाणी पिगमेंटसच आहेत. रंगाचे दोन गुणधर्म चांगले असावेत. ओपॅसिटी म्हणजे आधीचा सरफेस झाकून टाकण्याची क्षमता आणि स्प्रेडिंग कपॅसिटी. रॉयल, स्पेशल इफेक्ट्स अश्या महाग
व फर्स्ट क्वालिटी लक्षरी इमल्शन चे हे दोन्ही गूण चांगले असतात. सेकंड क्वालिटी, डिस्टेंपर मध्ये कमी कमी होत जातात. रॉ मटेरिल वर आहे. प्रत्येक खोलीच्या आकारमानानुसार किती लिटर रंग लागेल ह्याचा एक फॉ र्म्युला वापरून अंदाज काढता येतो व पेंटरला रंग आणून देता येतो. काही भिंती जास्त प्रायमर व रंग पितात. बांधकामात जे सिमेंट व इतर वापरले आहे. क्युरिन्ग नीट झाले आहेका इत्यादीवर हे अवलंबून आहे. ते ही नव्या घरात एक पावसाळा होऊन गेल्यावर मगच महाग रंग लावावा. नाहीतर भिंत कशी वागते ते कळत नाही व पैसे वाया जाऊ शकतात.

१. सध्या दिवाळी तोंडावर आहे. रंग देण्याचा सीझन आहे. रेट्स भरपूर जास्त असतात. व चांगले कारागीरही बिझी असतात. डिसेंबर जानेवारीत जरा हलके होईल.हं आम्हाला फ्क्त बाहेरुन ७०० स्क्वे. फुट बांधकाम असलेल्या इंमारतीला १२००० मजुरीचे लागलेत. विंडो ग्रिल सोडुन (रंगाचे वेगळे) सिमेंट कलर

अमा, मी नव्या घराबद्दल नव्हे तर जुन्याबद्दल विचारतो आहे. तुम्हाला टेक्निकल माहिती आहे, म्हणून खरेच इन्फॉर्मेशन मिळावी हा हेतू.

लस्टर इ. भारी रंग लावलेली, एकही पोपडा नसलेली भिंत तो 'लांबी-पत्रा' वापरून वेडीवाकडि खरवडायची खरेच गरज अस्ते का? बरे खरवडतही नीट नाहीत.

जुन्या घराला लहानपणी डिस्टेंपर देत असू. जुना रंग न खरवडता, फक्त ओल्या कपड्याने पुसून वरुन नवा हात घरच्या घरी दिला जाई. आजकाल माणसे लावून रंगवून घेतो. कुठेही पोपडा निघालेला आठवत नाहीये. एका खोलीला तर मी सरळ त्या डिस्टेंपरवर माझ्या हातानेच ऑईलपेंट दिला होता Wink मस्त ८-१० वर्षे टिकलाय तो. हे कसे काय होऊ शकते?

"हा रंग धुतला की नव्यासारखा दिसेल", अशी जाहिरात केलेला रंग धुण्याचा अनुभव आहे का कुणाला?

दोन्ही ठिकाणी पिगमेंटसच आहेत. रंगाचे दोन गुणधर्म चांगले असावेत. ओपॅसिटी म्हणजे आधीचा सरफेस झाकून टाकण्याची क्षमता आणि स्प्रेडिंग कपॅसिटी. रॉयल, स्पेशल इफेक्ट्स अश्या महाग
व फर्स्ट क्वालिटी लक्षरी इमल्शन चे हे दोन्ही गूण चांगले असतात. सेकंड क्वालिटी, डिस्टेंपर मध्ये कमी कमी होत जातात. रॉ मटेरिल वर आहे. प्रत्येक खोलीच्या आकारमानानुसार किती लिटर रंग लागेल ह्याचा एक फॉ र्म्युला वापरून अंदाज काढता येतो व पेंटरला रंग आणून देता येतो. काही भिंती जास्त प्रायमर व रंग पितात. बांधकामात जे सिमेंट व इतर वापरले आहे. क्युरिन्ग नीट झाले आहेका इत्यादीवर हे अवलंबून आहे. >>>>>>

ईतके टेक्निकल फंडे आणि शब्द ? मामी, कोटिंग/ पेंट ईंडस्ट्री शी संबधीत आहात का?

रच्याकने Theoretical spreading rate मधे किती टक्क्यांचा लॉस विचारात घेता ?

जर भिंतीला ओल नसेल, पपडी निघाली नसेल, जुना रंग बर्‍यापैकी चांगला असेत, भिंत स्मुथ असेल तर खूप घासत बसायची गरज नाही.
जुन्या रंगाचीच शेड परत लावायची असेल तर भिंत ओल्या कपड्याने स्वच्छ करून (जर तेलकट असेल काही ठिकाणी तर त्या थोडं घासून) सरळ प्रायमर न लावता सुद्धा रंग ( दोन कोट) लावला तर तो व्य्वस्थित बसतो.
यापेक्षा चांगला रिझल्ट हवा असेल तर जुन्या रंगावर एक चांगल्या क्वालिटीच्या प्रायमरचा कोट आणि एक रंगाचा कोट पण देता येतो. (यशिवाय याच प्रकारे प्रायमरमध्ये आपल्याला द्यायच्या असलेल्या एंगाची शेड मिक्स करुन प्रायमर लावून त्यावर एक कोट रंगाचा दिला तरी चालतो.) Happy

जुना रंग कोणत्या प्रकारचा (टेक्श्चर) आहे यावर पण सँडींग करायचं का? किती करायचं? का नुसतं साफ करायचं हे ठरतं. जर ग्लॉसी टेक्श्चर असेल तर थोडं घासलेलं बरं.

वापरानंतर रंगावर धुळ साचते, तेलकटपणा असतो. अशा सरफेसवर डायरेक्ट रंग लावणं योग्य नाही. रंग टिकणार नाही. फक्त याकरताच घासायचं असतं. Happy

जुन्या भिंती बद्दलः री पेंटिन्ग करताना वॉटर बेस्ड प्रायमर लावावा लागतो. कधी खरवडून काढावे लागते जेव्हा आधीचा रंग / भिंत खराब झाला असेल तर. वॉटर डॅमेज असेल तर. आधीचा रंग डार्क आणि नवी शेड लाइट असेल तर आधीचा रंग दिसून चालणार नाही. नव्या शेडचा इंपॅक्ट जाइल. प्रत्येक केस वेगळीच असते. जितक्या भिंती तितके प्रश्न वेग वेगळे असतात.

हे अर्थात हौसेने व शास्त्रीय पद्धतीने रंगविण्याचे आहे. इमल्शन पेंटबाबत. डिस्टेंपर वगैरे बजेट मामला आहे. ब्रश डुबाओ चालू हो जाओ. पण डिस्टेंपर वर ओइल पेंट म्हणजे भिंतीवर अन्याय आहे. शास्त्रानुसार ओईल पेन्ट इनॅमल रंग वॉल ला लावत नाहीत. मेटल व लाकडाला लावतात.
इमल्शन पेंट्स भिंतीसाठी. मला पण भिंती रंगवायला फार आवडते.

आणि एक, महाग रंग सिलेक्ट करण्या आधी पेंटरला त्याची भिंतीवर ट्रायल जरूर मागा. नाहीतर रंग शेड कार्ड वर छान दिसतो व प्रत्यक्षात वाइट. घरात प्रकाश किती ह्यावर भिंत कशी दिसणार ते ठरते.

एशिअन पेंटस हाउस मेकओवर वर्कशॉप्स घेतात. त्याला जाता येइल. त्यांचे रूमच्या कलरस्कीमचे बुकलेटही मिळते. मुलांच्या खोलीच्या छताला तार्‍यांचा इफेक्ट देता येतो - अगदी बारकी स्व् प्नाळू मुले असतील तर खर्च करयला हरकत नाही. टीनएजर्स च्या रूमला कलर त्यांना विचारूनच पक्का करा नाहीतर नंतर रोज कट्कट करतात.

काही पेंटर्स व्हाइट रंग आणून टिंट्स मिसळून युनिक शेड्स करतात. त्याला जबरी अनु भव आवश्यक आहे. व्हाइट पेंट्स इतर शेड पेक्षा पर लिटर हिशोबाने महाग असतात. व्हाइट न लावल्यास पैसे बचेंगे.

अश्विनीमामी,
खूप छान माहिती दिलीत. मलाही हॉलमधल्या एका भिंतीला(टीव्ही च्या मागे) वॉलपेपर की हायलाईट करणारा रंग असा प्रश्न पडला होता.वरचे वाचून इमल्शन पेंटस द्यायचा हे ठरवले आहे. अश्विनीमामी, बाकीच्या ३ भिंती फिक्कट क्रीम रंगाच्या असतील तर या भिंतीला कुठला कलर द्यावा ? मस्टर्ड केशरट कसा वाटेल ?
गुलाम चोर धाग्याबद्दल धन्यवाद.

ते ही नव्या घरात एक पावसाळा होऊन गेल्यावर मगच महाग रंग लावावा. >>हे खरंय. नव्या घरात बिना रंगाचं शिफ्ट व्हायला आवडत असेल तर चुना वैगरे न लावता चांगल्या क्वालिटीचा प्रायमर लावावा. प्रायमर मध्ये रंगाची ट्य्ब म्सळून हवा तो शेड तयार करता येतो. तश्या प्रायमर लावला की नंतर वर्ष -दीड वर्षानी अ‍ॅक्चुअल रंग लावताना सोप्पं पडतं

माशा, एक बर्न्ट सिएना नावाची शेड असते ती बघा. किंवा केशरी मध्ये थोडा चॉकोलेटी मिक्स. फोकस वॉल वर तुम्ही काय शोपीस लावनार? जर एखादे पेंटिंग असेल तर त्याला शोभेल असा वॉलचा कलर हवा. किंवा शिल्प, लाकूड काम असेल तर वरील कलर मस्त दिसतील. वॉल ट्रीट मेंट पण उपलब्ध असतात त्याचाही विचार करता येइल म्हणजे वॉल ला थोडे टेक्स्चर देतात रंगवताना.
त्यावर चित्र फोटो पोस्टर चांगले दिसेल. पूर्ण डिझाइन्ड खोली आधी मनात उभारून बघा. मग त्याप्र माणे निर्नय घ्या. तुमच्या पार्ट्नरचा, मुलांचा विचार अवश्य घ्या. घरातल्या रंगांचा मनःस्थितीवर परिणाम होतो त्यामुळे सुख शांती नांदेल असे सुरेख कलर सर्वांच्या विचाराने घ्या.
विरुद्ध असे पोपटी/निळे कलर पण सुरेख दिसतील.

अमा धन्यवाद.
बर्न्ट सिएना शेड आत्ताच गुगलून बघितली.छानच आहे.
फोकस वॉल वर मध्ये टीवी व टीवीच्या कडेने __I अशा शेपचे लाकडी वॉल युनिट ( टीव्हीच्या खाली आडवा रनर व त्याला लागून उभे वॉल युनिट आहे.)

सर्व घराला लावण्यापेक्षा १ भिंत , t v unit च्या मागे असा लावा. मस्त दिसतो.
ज्या भिंती जवळून वावर खूप आहे तिथे नका लावू कारण कोपरे घासले जावून लवकर फाटतो.
१ च भिंत करणार असाल तर plain पेक्षा textured लावा.खूप वेगवेगळे texture मिळतात .अगदी कापड , दगडी, लाकडी फील देणारे सुद्धा मिळतात.
वापरून उरलेला पेपर ठेवून द्या. नंतर उपयोगी पडतो.
मोठ्या दुकानात जाण्यापेक्षा होलसेल मार्केट मध्ये पण जावून या. सेम पेपर मध्ये खूप फरक पडू शकतो.
I always prefer wall paper for high lighting . Same texture in colouring costs too much. Textured wall with a single mirror on it gives beautiful effect.

टीनएजर्स च्या रूमला कलर त्यांना विचारूनच पक्का करा नाहीतर नंतर रोज कट्कट करतात. - अगदी स्वानुभव आहे.टीन एज च्या सुरवातीला एक पेपर लावला होता १-२ वर्षात आवड एव्हडी बदलली की पेपर फाडून काढला आहे आम्ही. अडनिड्या वयाच्या मुलाच्या खोलीवर जास्त खर्च करू नका.

भारतात मिळतात की नाही माहिती नाही , पण इथे चॉक बोर्ड पेंट मिळतात - भिंतीला दोन कोट लावले की ती भिंत फळ्यासारखी वापरता येते. तसले जर मिळत असतील अन मुलं लहान असतील तर अवश्य विचार करावा.
इथे काळा, ग्रे, गडद हिरवा, चॉकलेटी , अन शिवाय आठ दहा शेड्समधे असे रंग मिळतात.

ड्राय इरेझ मार्कर्स ने लिहिण्याजोगे वॉलपेपर्स पण मिळतात. मोठी मुले असतील, घरातून काम करणे होत असेल तर असे वॉलपेपर्स सुद्धा विचारात घेऊन शकता.

फार उत्साह असेल तर छोट्या ( ४-६-७ इन्च) फोटो फ्रेमची चित्रे असलेले वॉलपेपर्स मिळतात. ते लावून प्रत्येक फ्रेम मधे घरच्या लोकांचे फोटो लावता येतील . या खालच्या लिंका पहा

http://www.amazon.com/Graham-Brown-52050-Frames-Wallpaper/dp/B002WGIKH0
http://www.houzz.com/picture-frame-wallpaper

मेधा
चॉकबोर्ड बद्दल +१
माझ्या घरात मी कन्येसाठी केला होता. पूर्ण भिंत नाही, पण व्यवस्स्थित ३x५ फुटाचा चौकोन. तिने ५वी पासून ११वी पर्यंत वापरला. मग व्हाईटबोर्ड दिला करून.
खूऽपच उपयोगी गोष्ट आहे.

भारतात मिळतात की नाही माहिती नाही , पण इथे चॉक बोर्ड पेंट मिळतात - भिंतीला दोन कोट लावले की ती भिंत फळ्यासारखी वापरता येते. >>> माझ्या शाळकरी वयात आईने भींतीच्या एक कोपर्यात साधारण ४*६ चा चौकोन काळ्या रंगाने रंगवून घेतला होता. तो आम्ही फळ्यासारखा वापरायचो.

आम्ही तर मुलाच्या रूम मध्ये
१ भिंत ८ *६ चा सोफ्ट बोर्ड लावला आहे. हव ते लावा त्यावर
१ भिंती वर व्हाईटबोर्ड अंदाजे ८*६ लावला आहे