स्मोकिंग अर्थात धुम्रपानाविषयी बोलायचंय !!!

सिगारेट पिणे आरोग्यास हानिकारक आहेच, हे सांगण्याची आवश्यकता नाहीच , मी कार्यालयातील कुठल्याही मानसाला कार्यालयात सिगारेट पिण्यासंबधी हटकतो. कित्येक वेळा यावरुन वाद सुध्दा झाला आहे. सध्यातरी आवारात पिणार्‍याचे प्रमाण कमी झाले आहे. सिगारेट पिणार्‍यापेक्षा त्याचेजवळ असणार्‍यांना आजारांचा धोका अधीक असतो.

गणपतीत सगळे एकत्र जमलेले असतांना सगळ्यांनी गणपतीसमोर एकत्र बसुन केलेले स्मोकिंग आणि एका सासरेबुवांनी तोंडावर सोडलेला धूर..
>>
कहरच आहे हा! देवासमोर एकत्र स्मोकिंग? ते ही इतरांना त्रास होतो हे माहिती असुनही?
शिवाय सरळ सरळ एका स्त्रीच्या "तोंडावर सोडलेला धूर"?

कल्पनाच करवत नाही. या लोकांना स्वत:च्या स्वातंत्र्याची जाणीव आहे, पण दुसर्‍यांच्या स्वातंत्र्याची जराही जाणीव नाही? इतरांना त्रास होवो न होवो आम्ही वयाने मोठे म्हणजे हवे ते करणार.

अशक्य आहे! यांना बदलणे अशक्यच आहे.
आणि अश्या महाभागांना तुम्ही रोज सहन करता, तुम्हाला माझा साष्टांग प्रणाम.

एका सासरेबुवांनी तोंडावर सोडलेला धूर>>> अरारा!!!!!!!!!!!!!!!!!!!!!!!!!!!!!

फायदाच नाही काही बोलुन.
किती किमंत मिळेल तुमच्या बोलण्याला हे आधीच प्रेडिक्ट करता येतय.
सॉरी टु से धिस.
मी हे सहन करु शकत नाही अस नवर्‍याशी बोला.
आणि वेगळीकडे राहु शकता येत का ते बघा.
कारण सुस्पष्टपणे हेच सांगा की धुराचा त्रास होतो.
नंतर सासुबाइना फितुर करुन घ्या.

तुमच्या घरी कोणी आलं तर तिथे तुमचे नियम.
१) नो स्मोकिन्ग
२) स्मोकिन्ग करुन लगेच भेटायला न येणे..
कमी कमी दोन तास जाउ देणे.
अन्यथा भेटायला येवु नका.

सिग्रेटींची सवय एकदा लागली की सुटणे कठीण असते.

नीधप यांनी म्हटले तसे जोपर्यंत स्वतःला आतून मनापासून सोडावे असे वाटत नाही, तोवर इतर सर्व इलाज वायफळ आहेत. त्यांची सिगारेट सोडवण्याचा प्रयत्न करण्यापेक्षा, त्यांनी घरात पिऊ नये, प्यायचीच असेल तर गच्चीत वगैरे मोकळ्या ठिकाणी जावे आणि काय ते करावे, इतपत उद्दिष्ट ठेवले तर पुरे असे मला वाटते.

मास्क चा उपयोग इतकाच आहे, की पुनःपुन्हा आपल्या धुराड्यामुळे कुणालातरी त्रास होतो हे डोळ्यासमोर "व्हिजिबली" दिसावे.

दुसरा आणिक एक इलाज.

सिगारेट ओढत असाताना ओढणार्‍याने करायचा हा प्रयोग आहे. ओढत असाल तर तुम्हीदेखिल तुमच्या स्वतःच्या सिगारेटीसोबत हा प्रयोग करून पहायला हरकत नाही.

एक पांढरा हातरुमाल घ्या.

• १. सिगारेटीचा एक झुरका मारा. धूर बाहेर सोडताना ओठांचा चंबू करा, त्यावर रुमाल (एकपदरी) ठेवून त्यातून धूर बाहेर सोडा.
• २. पुढचा झुरका मारा. यावेळी धूर छातीत घेऊ नका, तसाच परत रुमालातून बाहेर सोडा, मघाच्या स्पॉट शेजारची जागा यासाठी वापरा.

रुमालावर जे काय जमेल ते (याला 'टार' म्हणतात) तितके, प्रत्येक झुरक्यासोबत छातीत जाते, व छातीतच रहाते, हे साहेबांना दिसू द्या. साहेबांचाच रुमाल यासाठी वापरा, त्यावरचे डाग साबण पाणी लावूनही धुतले जायला किती प्रॉब्लेम असतो, व ते किती दिवस टिकतात, याचा अनुभवही त्यांना घेऊ द्या.

इब्लिस प्रयोग चांगला आहे, सोडली नसती तर प्रयत्न नक्की केला असता,

पण मग त्या रुमालाच काय -एरियल, सर्फ एक्सल , निरमा , रिन कि ससा ?

वेगवेगळ्या उपायांमध्ये आणखी एक भर [कितपत यशस्वी होईल ह्याची गॅरंटी नाही!] :

सासूबाईंना घरातल्या धूम्रपानामुळे दम्याचा अ‍ॅटॅक आला की लगोलग त्यांना स्वयंस्फूर्तीने जवळच्या क्लिनिक हॉस्पिटल मध्ये उपचार किंवा विश्रांतीसाठी दाखल करावे. हवे असल्यास अगोदर त्या क्लिनिकच्या डॉकना पूर्वकल्पना द्यावी. आपणही सासूबाईंना सोबत म्हणून दोन दिवस तिथे जाऊन राहावे. घरचे सर्व काम, देखभाल इत्यादी हे धूम्रपान करणार्‍या मेंबरांवर सोपवावे. सासूबाईंच्या क्लिनिकमध्ये राहण्याचा व उपचारांचा खर्च ३-४दा सासरेबुवांना किंवा सासरेबुवांच्या सुपुत्रांना करावा लागला की कदाचित आपण घरात करत असलेले धूम्रपान आणि त्यामुळे येणारा वैद्यकीय खर्च यांचे गणित मांडल्यावर त्यांना घराबाहेर धूम्रपान करण्याची बुद्धी होऊ शकेल.