थाई येल्लो करी ( चिकन किंवा भाज्या)

Submitted by अदिति on 3 September, 2013 - 17:18
लागणारा वेळ: 
३० मिनिटे
लागणारे जिन्नस: 

मसाला:
१. १/२ कप कापलेला कांदा ( shallots/ लाल कांदा)
२. १/४ कप लसणाचे तुकडे
३. २ चमचे थाई अद्रक (galangal) / नसेल तर आपले नेहमीचे अद्रक चालेल
४. कोथींबीरीच्या काड्या बारीक कापुन २ चमचे ( हीरवा रंग चालणार असेल तर पानं घेतलीत तरी चालेल)
५. लाल मीरच्या १० ( गरम पाण्यात १० मिनीट बुडवुन ठेवलेल्या), चवीप्रमाने कमी जास्त. पण थाई करी तिखट च असते.
६. लेमन ग्रास (गवती चहाची पाने) बारीक कापुन २ चमचे
७. ३/४ हिरव्या लिंबाची पाने. पाने नसतील तर पीलर ने हिरव्या लिंबाचे वर चे साल घ्यावेत. पांढरा भाग शक्यतो टाळा.
८. मीठ चवीपुरते
९. हळद
करी साठी
९. चिकनचे तुकडे (नॉन वेज साठी)
१०. भाज्या मध्यम आकाराचे तुकडे करुन घ्याव्यात - बटाटा, लाल/हीरवी शिमला मिर्ची, गाजर, फ्लावर, मशरुम ईत्यादी (वेज आणि नॉन वेज साठी)
११. कांद्याची पात बारीक कापुन
१२. बेसील (एका पानचे २/३ तुकडे होतील अशी) कापुन.
११. नारळाच दुध २ ते ३ कप
१२. फोडणीसाठी तेल

क्रमवार पाककृती: 

१. मसाल्याचे जिन्नस सगळे मिक्सर मधे बारीक वाटुन घ्या
२. पॅन मधे २/३ चमचे तेल घेउन त्यात वरील मसाला चांगला परतवुन घ्या
३. ह्यात नारळाचे दुध टाकुन चांगले घोटुन एक उकाळी येउ द्या.
४. मीठ आणि हळद टाका
५. नॉन वेज करणार असाल तर आधी चिकन अर्धवट शिजवुन त्यात भाज्या (कांद्याची पात आणि बेसील पण) टाकुन शिजवुन घ्या. वेज साठी भाज्या लगेच टाकुन शिजवुन घ्याव्यात.

वाढणी/प्रमाण: 
४/५ जणांसाठी
अधिक टिपा: 

१. ही करी थाई जास्मीन राईस बरोबर छान लागते
२. वाढतांना वरुन बेसील चे पानं टाकुन वाढा.
३. भाज्या शक्यतो ओवर कुक करु नयेत. चालत असतील तर अर्धकच्च्या चांगल्या लागतात.

माहितीचा स्रोत: 
नेट आणि स्वप्रयोग
पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users