शेव

लिंबाचा रस आणि आल्याचा रस वस्त्रगाळ करावा म्हणजे त्यात लिंबाचा चोथा, आल्याची सुते असले रहात नाही. हे दोन्ही रस, लाल तिखट, हळद, मीठ, तेल एका परातीत एकत्र करावे. हाताच्या तळव्याने ३-४ मिनिटे फेसावे. त्यात एक कप पाणी घालून साधारण २-३ मिनीटे अजुन फेसावे. आता त्यात हळूहळू बेसन घालावे. मळताना पण फेसल्यासारखे करत पीठ भिजवावे. पीठ भाकरी/पोळीच्या पिठाइतके घट्ट असु नये साधारण हाताला चिकटेल असे पातळच ठेवावे. पसरट कढईत तळण्यासाठी तेल तापवत ठेवावे. तेल कडकडीत तापले पाहीजे.

शेवेचा सो-याला आतुन पाणी लावुन घ्यावे. त्यात शेवेचे पीठ भरुन गरम तेलात शेव पाडावी. गॅस बारीक न करता दोन्ही बाजुने नीट गुलबट रंगावर तळावी. प्रत्येकवेळी सो-यात पीठ भरताना आतुन हलका पाण्याचा हात फिरवावा आणि जेवढे पीठ सो-यात घालायचे तेवढे पीठ एकदा-दोनदा फेसुन मग भरायचे. असे केल्याने शेव एकदम हलकी होते. १ कप पिठाची साधारण ४ मध्यम आकाराची कडी होतात.