यम्मी कांदे!!...

Submitted by शांकली on 25 March, 2013 - 14:09
लागणारा वेळ: 
१५ मिनिटे
लागणारे जिन्नस: 

१. खिसलेली कैरी : अर्धी वाटी.
२. पांढरे कांदे : तीन ते चार
३. कैरी लोणचे मसाला : अंदाजाने
४. बारीक चिरलेला गूळ : अंदाजाने
५. मीठ : चवीनुसार
६. कच्चे तेल : १ छोटा चमचा. (ऐच्छिक)

क्रमवार पाककृती: 

प्रथम कैरीचा खीस, बारीक चिरलेला गूळ, लोणच्याचा मसाला, मीठ हे एकत्र कालवून घ्यावे.
कांद्याला आपण भरल्या वांग्याला जसे काप देतो तसे काप द्यावेत. आणि त्यात वरील
मिश्रण भरावे. एका बोल मधे काढून त्यावर एक छोटा चमचा कच्चे तेल घालावे.
ह्याची चव कांदा-कैरी कोशिंबिरी सारखी (टक्कूसारखी) लागते.
ही विदर्भातली खासीयत आहे. उन्हाळ्यात तिकडे हा प्रकार नेहमी करतात.
माझ्या वैदर्भीय मैत्रीणीने हा प्रकार करून आणला होता. मी यात साखरे ऐवजी गूळ वापरला
आणि तिकडे विदर्भात कांदे बुडतील इतकं तेल घालतात असं ती सांगत होती. पण माझं काही
इतकं तेल घालायचं धाडस झालं नाही.

Image1294.jpg

वाढणी/प्रमाण: 
आपल्या आपल्या आवडी प्रमाणे.
माहितीचा स्रोत: 
माझी वैदर्भीय मैत्रीण.
पाककृती प्रकार: 
शब्दखुणा: 
Group content visibility: 
Public - accessible to all site users

खरंच छान प्रकार.
योगायोग. मी पण कांद्याचाच एक पदार्थ लिहिणार होतो, पण काल घर बदलण्याच्या गडबडीत राहिले.