Submitted by kaaryashaaLaa on 6 October, 2008 - 22:45
चादर नाही, छप्पर डोक्यावर नाही
या रस्त्यांवर स्वप्नांचा वावर नाही
काल नफ्याने भिजले जे; या तोट्याचा -
शिंतोडाही त्यांच्या अंगावर नाही?
मंदी, युद्ध...तुम्हाला विषय चघळण्याचे
पोट तुम्हा लोकांचे हातावर नाही
रोजच पाणी देतो रोपांना, आता -
फार भरवसा या आभाळावर नाही!
सत्य हरवले छाया-पडछायांमध्ये
सूर्य कुणाचाही का माथ्यावर नाही?
खेळ सुरू ठेवा अवकाशप्रयोगांचे
माझी भाकर मंगळ-चंद्रावर नाही
कसली खोगिरभरती करता हो देवा
घट्ट कुणाची मांडच जगण्यावर नाही
फार अपेक्षा करणे मी सोडून दिले...
राग मलाही आता माझ्यावर नाही!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
अभिनंदन
अभिनंदन पुलस्ति!!
_________________________
-A hand that erases past can create a new begining.
Pages