फाटती विरल्या विजारी फार हल्ली..

विकुअण्णा!
आमच्या ह्या काहीच्याकाहीमधे तुम्हाला गझलीयत, ती देखिल 'तशी बरी' दिसली याबद्दल सर्वप्रथम आम्ही आपले आभार मानावे असे वाटून गेले. परंतू आमची ही रचना (बर्व्यांशी हिचा काही संबंध नाही) नोगझल आहे हे आम्ही इथे नम्रपणे नमूद करू इच्छितो. मुळात गझलच नाही म्हंटल्यावर काफिये नाहीत की रदीफ नाही. (प्रेग्नंन्सी नाही म्हंटल्यावर मुलगाही झाला नाही किंवा मुलगीही झाली नाही, इतके हे सरळ आहे.)

तुमच्या तल्लख बुध्दीला तेर्श्याच्या मुशायर्‍यातील जुने शेर अजूनही आठवतात? आम्हाला आम्ही घेतलेली पावशेर! तिचे पैसे आपण भरले होते हे आपण असे जाहीररित्या सांगितले नसते तर आपल्याबद्दलचा आदर किंचितही कमी झाला नसता.

आपण आम्हाला बरीच मेहेनत घ्यावयास सांगता आहा. यावरूनच आपल्याला टिकेच्या प्रांगणात काही काळ अधिक बागडणे आवश्यक आहे हे लक्षात येते. आपण म्हणता त्याप्रमाणे मेहेनत केल्यास काही सखोल, अर्थपूर्ण, तसेच खळबळजनक आमच्या हातून लिहिले जाण्याची शक्यता नाकारता येणार नाही. (आमच्या का.का.गुरुमाऊलींचे आशीर्वाद आजही आमच्या पाठिशी आहेत).

..पण जाऊ द्या अण्णा, हे आशीर्वादाचे बळ आपल्या डोक्यावरचे आहे!

बाकी इतरांनो, वेळेचा अपव्यय करून इथवर इतके भाराभर वाचत बसलात? एका तासाचा अर्धा पगार कापायला कळवले पाहिजे. हाच वेळ सत्कारणी लावला असता तर एव्हाना २ भांडी घासून, दात फ्लॉस करून, शेजार्‍यांच्या बोक्याला काल फाटलेले दूध देऊन झाले असते.

सगळ्यांना धन्यवाद!