मिसळम् पाकम् गट्टम् गट्टम्! - सफरचंद-बटाटा थालिपीठ- तिखट -अगो

Submitted by अगो on 26 September, 2012 - 11:17
लागणारा वेळ: 
१५ मिनिटे
लागणारे जिन्नस: 

१ मध्यम सफरचंद
२ छोटे किंवा १ मोठा बटाटा
गरजेनुसार तांदळाचे पीठ
जिरं
भरडलेले मिरे
दाण्याचं कूट
हिरवी मिरची
कोथिंबीर
मीठ
तूप

क्रमवार पाककृती: 

सफरचंद सालासकट किसून घ्यावे.
बटाटा साल काढून किसून घ्यावा. ( बटाटा कच्चाच किसावा, उकडून नव्हे. )
त्यात आवडीप्रमाणे दाण्याचं कूट, बारीक चिरलेली हिरवी मिरची, कोथिंबीर, जिरं, भरडलेले मिरे, मीठ घालून थालिपीठ थापण्यासाठी लागेल तेवढेच तांदळाचे पीठ घालावे ( साधारण तीन-चार छोटे चमचे. )
तव्यावर तूप सोडून पातळ थालिपीठ थापावे. झाकण ठेवावे. पाच मिनिटांनी खालची बाजू सोनेरी कुरकुरीत झाली की उलटावे. झाकण न ठेवता दुसर्‍या बाजूनेही शिजवून घ्यावे.
गरमागरम खावे Happy

thalipeeth1.jpgthalipeeth2.jpg

वाढणी/प्रमाण: 
२ ते ३ थालिपीठे.
अधिक टिपा: 

झटपट होणारा प्रकार आहे.
सफरचंद असल्याने वेगळी साखर घालायची गरज नाही.
गोड-तिखट आवडेल त्याप्रमाणे सफरचंद-बटाट्याचे प्रमाण कमी जास्त करु शकता.

माहितीचा स्रोत: 
उपासाच्या बटाट्याच्या थालिपीठाची कृती फेरफार करुन.
पाककृती प्रकार: 
शब्दखुणा: 
Group content visibility: 
Public - accessible to all site users

हे मस्त लागतं. मी त्यादिवशी उपासाची भाजणी वापरून केलं..एकदम यमी..कधी नव्हं ते हिरवं सफरचंद पुन्हा आणावंसं वाटतय...:)

मी एकादशी दिवशी नाही पण अधे मधे अनेकदा केले आईला खायला Happy
आमच्याकडे हिट्टं डिश आहे ही. मला सफरचंद नुसतंच खायला आवडत नाही

अगो, मस्त रेसिपी!
काल सफरचंदाऐवजी पेअर (नाशपती) वापरून करुन बघितली. थोडं आलंही घातलं होतं किसून. फारच चविष्ट!

चनस, छान दिसत आहेत थालिपीठं.
अदीजो, आल्याची अ‍ॅडीशन मस्तच. मीही घालून बघेन पुढच्यावेळी.
धन्यवाद Happy

Pages