Submitted by पुरंदरे शशांक on 5 September, 2012 - 04:47
थेंब धरेवरी येता
झाले हिरवे पिकून
पाना फुलात ओलावा
येई पुन्हा उमाळून
थेंब जरतारी साज
रंगारंगात न्हाऊन
पाचूवाणी झालं रान
दिठी गेली खुळावून
थेंब अलगद पाती
खुणावती कोणा कोण
असा लाजरा साजरा
मना मनात श्रावण...
शब्दखुणा:
Groups audience:
Group content visibility:
Public - accessible to all site users
शेअर करा
कमाल सुंदर! बालगीतांसारखीच
कमाल सुंदर! बालगीतांसारखीच श्रावणगीतं तुमच्या आस्थेचा ,प्रेमाचा विषय.. श्रावण महानगरात भेटतच नाही..
मनापासून धन्यवाद.....
मनापासून धन्यवाद.....