पालक सुप

मी दुध नाही घालत. पालकाबरोबर छोटी मूठभर मूगडाळ आणि एक छोटा बटाटा (साल काढलेला) उकडायला लावते. आणि तेच मिक्सरमधे वाटते. गरम गरम सर्व्ह करताना थोडे लिंबू पिळून + मिरीपूड + तूपाचे थोडे थेंब (किंवा बटर) घालते. यम् यम् एकदम!

छान.
मागे मःनस्विनीने पालक कुकरमध्ये न घालता बाकी जवळपास सारखीच कृती दिली होती. आहे इथेच कुठेतरी.

मी नेहमी करते.. मुलाला खुप आवडते हे सुप. तो पोळी बरोबर खातो
मी पातेल्यात मंद गॅसवर.. पाणी फक्त शिंपडुन ठेवते शिजवायला. आणी दालचीनी काढत नाही मिक्सर फिरवण्याआधी...

पालकाबरोबर दुध घालणे योग्य नाही कारण दुधातले कॅल्शियम पालकातले आयर्न रक्तात शोषण्यात अडथळा निर्माण करतात. याच कारणासाठी पालक-पनीर आरोग्यास लाभ देण्याऐवजी नुकसान करते असे हल्ली बरेच ठिकाणी वाचलेय.

त्यापेक्षा मुगडाळ्-बटाट्याचा ऑप्शन बराय. मला पालक सुप करावेसे वाटते पण चव कशी लागेल या भितीने केले नाही कधी. वाफवलेल्या पालकाला खुप उग्र वास येतो.

मला पालक सुप करावेसे वाटते पण चव कशी लागेल या भितीने केले नाही कधी. वाफवलेल्या पालकाला खुप उग्र वास येतो.
>>
साधना करून बघा. इतका उग्र वास नाही येत. मला तर सूप्स च्या प्रकारात मश्रूम सोडले तर सगळेच आवडते.

मस्तच. मीही असेच करते पण एखाद्-दोन लसूण पाकळ्याही घालते. सूपात नंतर दालचिनी पूडही घालता येते.

याच पध्दतीने केलेली कॉम्बिनेशन सुपं उदा. पालक-मशरूम, मशरूम्-सेलरी ही सुपंही मस्त होतात.

टोमॅटो-गाजर सुपही असंच दालचिनी, लसूण घालून करता येतं. पण मिक्सरमधून काढल्यावर गाळणीतून गाळावं लागतं. आणि यात दूध घालता येत नाही. पण चव अगदी अप्रतिम येते.

मस्त कृती आणि वेरिएशन्स..
मामी, टो.गा. सूप गाळून का घ्यावे लागते?

<<<<<,पालकाबरोबर छोटी मूठभर मूगडाळ आणि एक छोटा बटाटा (साल काढलेला) उकडायला लावते.

मी हे नक्कि ट्राय करुन बघेन. मी प्रेगनीसी च्या वेळेस पालक सुप घेत होते. खुप तोंड वाकड करुन. त्यामुळे पालक सुप म्हटल की नको वाटायच.
पण आता नक्की ट्राय करुन बघेन.

मला पालक सुप करावेसे वाटते पण चव कशी लागेल या भितीने केले नाही कधी. वाफवलेल्या पालकाला खुप उग्र वास येतो.
>>

साधना, पालक प्रेशर कूकरमध्ये उकडून घ्यायचा नाही, त्याच रंग, पोत, गुणधर्म सगळंच नाहीसे होते. पालकाची पाने तशीच न चिरता स्वच्छ धुवून तेला/ तुपावर परतवून झाकण न ठेवता शिजवून घेता येतात, आणि तेला/ तुपाचा वापर टाळायचा असेल तर पालक स्वच्छ धुवून उकळत्या पाण्यात सात-आठ मिनीटे ठेवायचा. मग पाणी वेगळे करून मिक्सरमधे वाटून घ्यायचा.

मी पालक सूपसाठी अश्या प्रकारे शिजवलेल्या पालकाबरोबर व्हाईट सॉस ब्लेंड करते, मीठ आणि किंचीत गरम मसाला. मस्त सूप होते, आणि व्हा सॉ-गरम मसाल्यामुळे पालकाचा तो विशिष्ठ वास मास्क होतो.

मंजूडी ची पद्धत झकास वाटतेय. कुकर मधे उकडल्यामुळे मूळ हिरवा रंग काळा होतो हे खरेच!

मंजु, धन्स गं...

छान उपक्रम

हेल्दी ऑप्शन हवे असेल तर पालक ब्लांच करून घ्यावा. पाण्याला उकळी येताच आच बंद करून त्यात स्वच्छ धुतलेली पा.पा. टाकून वरून झाकण ठेवावे. पाच मिनीटांनी उघडावे. हिरवा रंग (आणि सत्व) शाबूत आणि पाने उकडलेली. सूपसाठी पाणी वेगळे करण्याची पण गरज नाही. थोड्या पाण्यातच उकडावे. कारण पालकाला स्वतःचे पण पाणी असतेच.