"लेह-लडाख ट्रिप" बद्दल माहिती हवी आहे

नुब्रा व्हॅलीला १९९७ पासून सलग दहा वर्षे गेलो होतो. अधिक माहितीसाठी विपुतून संपर्क साधावा.

जिप्स्या मस्त !! आणि मेल्या मेक माय ट्रिप वगैरेतून काय जातोस.. ते दिवस लग्नानंतरचे रे.. !

मेल्या मेक माय ट्रिप वगैरेतून काय जातोस.. ते दिवस लग्नानंतरचे रे.. !
>> यो... जल्ला राहिले रे...

जर अ‍ॅडव्हेंचर म्हणून ट्रीप करायची असेल तर स्वतःच ट्रीप प्लान करावी. त्याची मजा वेगळीच. >> अगदी बरोबर...
btw मधुला चंद्रावर नेताना मात्र MMT किंवा तत्सम लुटारुंचाच सहारा घे :p

जिप्स्या.. परतीचा मार्ग तोच का घेतला आहेस? मनाली मार्गे जा की.

१२-१३ जुलै- श्रीनगरकडे प्रस्थान
१४ जुलै- श्रीनगर (आराम)

ऐवजी ह्या ३ दिवसात लेह ते चंडीगड असा प्रवास करता येइल. श्री नगर काय चंडीगड काय भाडे साधरण सारखेच पडेल..

ऐवजी ह्या ३ दिवसात लेह ते चंडीगड असा प्रवास करता येइल>>> बरोबर... कुलू मनाली करत चंदिगडला यायचे... साधारण ६-७ तासांचा प्रवास आहे. हवी असल्यास चंडीगडला रहायची सोय करू शकेन. तिथून मुंबईच्या फ्लाईट ७००० हजारात मिळू शकतात.

आज या पानाच्या वरच मेक माय ट्रिपची लडाख २०९९९* अशी जाहिरात दाखवित आहेत

आम्ही या साईटवरून तिकिटं बुक केली आहेत, त्यात काही अडचण आली नव्हती. परंतू संपूर्ण पॅकेजबद्दल काही अनुभव नाही.
जिप्सी, मी येऊ जमणार नाहीये, उगाच विचारतेय. पण हो आतापासून हट्ट करतेय, फोटो लगेच टाकायचे, सविस्तर वृतांतासह

आम्ही पण(आमचा १५/१६ जणांचा ग्रूप) जुलैमधे केसरीबरोबर चाललोय लेह लडाखला! खूप एक्सायटेड आहे. फक्त तिथल्या विरळ हवेबद्दल जरा मनात भीति आहे. कुणी लिहिणार का इथे त्याबद्दल?
आणि मी मेकमायट्रिप वरून फक्त तिकिट बिकिंग करते. पण त्यांच्या टूरला नाही गेलेली.

>श्रीनगर ते मुंबई एअरलाईन्सचे तिकिट >> किती आहे रे तिकिट? तुझी हरकत नसेल तर इथे लिहिशील का?

मानुषी, विरळ हवेचा त्रास होईल थोडा. डोकं दुखणं, मळमळ, भूक नाहीशी होणं, चिडचिड ही काही लक्षणं. त्यासाठी अ‍ॅक्लमटायझेशन हाच उपाय आहे. रूममध्ये/टेन्टमध्ये बसून/झोपून न राहाता मोकळ्या हवेवर फिरणं, तसंच खाण्यावर इच्छा नसतानाही बळंच पोटात अन्न ढकलावं.

डायमॉक्स गोळी ठेवा जवळ मानुषी, पण तुम्हांला ती चालेल का हे डॉ. ना विचारा मात्र.
कापूर ठेवा जवळ हुंगायला - आडो किंवा शर्मिलाची टीप आहे ही. आम्हांला व्हॅलीच्या ट्रेकला उपयोगी पडली होती फार. आले चोखले तरी चालते, असे वाटते.

ओक्के आडो......... लक्षात ठेवीन. धन्यवाद!
आम्ही ही वर सेनापतीने लिहिल्याप्रमाणे एकदम विमानाने लेहला न जाता मजलदर मजल
करतच जाणार आहोत. आणि केसरीने त्या दृष्तीनेच मार्ग आखला आहे असंही समजलं.

शैलजा, शर्मिलाची टीप आहे ती. मलाही तेव्हाच पहिल्यांदा कळली होती.

ओक्के शैलजा. गोळीचं डॉ. ना विचारून नक्कीच घेऊन जाईन. नाव नोट डाऊन करते.
आणि कापूर आणि आलेही.
हो आणि आमच्या ग्रुपात आमच्याच वयाचे आहेत सगळे. (ए कोण रे ते आमचं वय विचारतंय? आँ?)त्यातही ३ डॉ. कपल्स आहेत.

कॅडबरी चॉकोलेटस् ठेवा बरोबर भरपूर. सतत थोड्याथोड्यावेळाने काहीतरी खात रहा. ज्युस वगैरे (ब्लॅक कॉफी तर बेस्टच) पीत रहा. सैलसर कपडे वापरा.

धन्यवाद प्राची
सगळ्यांच्या सूचना नोट डाऊन करून ठवते.

जूनमधे आम्ही ७ जन दिल्ली - मनाली - लेह - द्रास - श्रीनगर प्लान केला आहे, बाइकवरून.

अरे! आजच हा धागा पाहिला.

आम्ही MMT ची १ customized trip घेऊन दिल्ली-आग्रा-भरतपूर-जयपूर असे फिरलो. आपल्या आपण करण्यापेक्षा थोडी महाग नक्कीच होती, पण व्यवस्था मस्त होती. आम्ही हॉटेल्स आणि टॅक्सी त्यांच्याकडून घेतली होती. त्यांच्या ज्या executive बरोबर आम्ही बोलणी केली तिने खूप चांगली मदत केली.
थोडे जास्त बजेट चालेल, पण प्लॅनिंग आणि ऑर्गनायझिंग नको असे असेल तर नक्कीच recommended. Air Tickets/Hotels मी खूपवेळा इथून घेते. चांगला अनुभव आहे.

ऑगस्टमध्ये आम्ही दोघं (१० ऑगस्ट ते २२ ऑगस्ट) श्रीनगर-कारगिल-लेह अशा प्रवासाला जात आहोत. मुळात त्याच सुमारास केसरी बरोबर जाणार होतो, पण ती ट्रिपच रद्द झाली. त्यामुळे आम्ही दोघच जातोय. बुकिंग आणि बेत चालू आहेत. कोणाला बरोबर यायचय का? (दोघच जातोय, तेव्हा टॅक्सी मध्ये जागा असेल). कोणाला itinerary किंवा इतर काही माहिती हवी आहे का?

मुंबई श्रीनगर नॉनस्टॉप नाही घेतली तर विमानांची तिकिटे ५५०० च्या सुमारास आहेत

मला पण अगोदर कल्पना नव्हती. आणि हा धागा पण आधी पाहिला नव्हता. नाहीतर नक्कीच सांगितलं असतं. आत्ता तरी दोघच जातोय. खर्चसुद्धा जास्त होतोय, पण त्यापेक्षा अशा ट्रिपवर कंपनी असली की अधिक मजा येते! असो.
मी जाऊन आल्यावर खर्च धरून् सगळी माहिती देईनच इकडे.
श्रीनगर तिकिटांबद्दल बरोबर आहे. मी ऑगस्टमधली पाहिली.
btw devilonwheels.com ही वेबसाइट लेह/लडाख ट्रिपसाठी फ़ार छान आहे

आम्ही नुकतेच लेह-लडाख ट्रिप करून आलो. या धाग्यावर लिहिल्यामुळे आम्हाला संपूर्ण ट्रिपला छान कंपनी मिळाली.
लडाखची ही ट्रिप हा अतिशय सुंदर, कधीही न विसरण्यासारखा अनुभव होता. निळंशार आकाश, अजस्र, उघडे, गवताचं पातं सुद्धा नसलेले डोंगर, अधून मधून बर्फ....वर्णन करणं केवळ अशक्य. ज्याला ज्याला प्रवासाची थोडी तरी आवड असेल, त्याने आयुष्यात एकदा तरी ही ट्रिप करावीच!
मी फक्त itinerary देतेय. विरळ हवेचा त्रास न होण्यासाठी ही itinerary आम्हाला खूप उपयोगी पडली. तसच, नेटवरून शोधलेली हॉटेल्स वगैरे सेवा अतिशय छान निघाल्या. कोणालाही या सहलीबद्दल/हॉटेल्स्बद्दल काही विचारायचे असेल तर कधीही संपर्क करा.

दिवस १: मुंबई-श्रीनगर (विमानाने). श्रीनगरला दल लेक मध्ये Chicago Houseboat मध्ये रहिलो. व्यवस्था फारच छान होती. श्रीनगर फिरलो.
दिवस २: पहेलगाम फिरलो. मुक्काम Chicago Houseboat
दिवस ३: श्रीनगर-कारगिल (मुल्बेक) प्रवास. Nunkun Camp मध्ये तंबूत राहिलो.
दिवस ४: कारगिलहून अल्चि. अल्चिला Hotel Samdupling मध्ये राहिलो
दिवस ५/६ : लेहला किदार गेस्टहाऊसमध्ये राहिलो.
दिवस ७: नुब्रा वॅली तुर्तुक पर्यंत प्रवास. Hotel Stendel मध्ये मुक्काम
दिवस ८: लेहला परत. किदार मध्ये मुक्काम
दिवस ९: पॅन्गॉन्ग लेक, Camps of Ladakh च्या तंबूत मुक्काम
दिवस १० लेहला परत. किदार मध्ये मुक्काम
दिवस ११ Tso Moriri Camps of Ladakh च्या तंबूत मुक्काम
दिवस १२: लेहला परत, किदारला मुक्काम
दिवस १३: लेह मुंबई प्रवास.
चार ते सहा जणानी प्रवास केला आणि विमाना ऐवजी ट्रेनने प्रवास केला तर एखाद-दोन दिवस वाढवून, प्रत्येकी २५/३० हजारात हा प्रवास सहज करता येईल. या ट्रिप्/हॉटेल वगैरे बद्दल काहीही माहिती हवी असेल, तर जरूर विचारा.

वैजयंती ८ दिवसांत बसवता येईल का हे?

शैलजा, विमानाने लेहला गेलात व विमानाने परत आलाततर शक्य आहे, पण विरळ हवेचा त्रास होऊ शकतो. किंवा, नुब्रा/पॅन्गॉन्ग येथे मुक्काम न करता लेहला परत आलात तरी दिवस वाचतील, पण दगदगीमुळे आजारपण/ ट्रिपची मजा कमी होणे असे काहीतरी संभवू शकते.

पेंगाँगला तंबुत राहिलात हे उत्तमच केलेत.. खुपच मस्त अनुभव असेल.

डायमॉक्स २५० मिलिग्रामची गोळी असते.
याने मेंदूवरील सेरेब्रोस्पायनल फ्लुईडचे प्रेशर कमी होते.
रोज एक, व हळू हळू उंची वाढवताना घेणे.
यासोबत नारळाचे पाणी वा केसॉल नावाचे सिरप घेणे मस्ट आहे. अन्यथा खूप थकवा, हातापायांची थरथर जाणवते. (it contains 'acetazolamide' which is non potassium sparing diurtetic. potassium in body needs to be replaced which is aplenty in coconut water) डायुरेटिक अस्ल्याने शू जास्त होइल, काळजी करू नये. पाणी भरपूर पिण्याचे बघावे.

>>डायमॉक्स गोळी ठेवा जवळ मानुषी, पण तुम्हांला ती चालेल का हे डॉ. ना विचारा मात्र.<<
यातील डॉ.ना विचारा याबद्दल सहमत. हे महत्वाचे आहे. वरील सल्ला (रोज १ गोळी) मी तुम्ही पूर्ण हेल्दी यंग अ‍ॅडल्ट आहात अस समजून लिहिलेला आहे.

मी पुढच्या वर्षी माझ्या आई-वडिलांना ह्या ट्रीपला न्यायचा विचार करते आहे. मी २०११ मध्ये कैलास-मानससरोवरला जाऊन आले. त्या धर्तीचे निसर्गसौंदर्य त्यांना बघायचे आहे, म्हणून. आईला विरळ हवेचा त्रास होतो. ती चारधाम, अमरनाथला गेली होती, तेव्हा झाला होता. तरी हे धाडस करावे का?