बाळ कैरीचे लोणचे..

बाळ कैर्‍या धुवुन ,पुसुन त्याची डेखे काढावीं. नंतर सुरीने कैरीला उभा चिर देवुन त्यातील कोय काढावी.या कैर्‍यांना १ चमचा मीठ लावुन एका टोपात ७ ते ८ तास तशाच झाकुन ठेवाव्या.मीठ लावलेल्या कैर्‍या अशा दिसतील.

७-८ तासानी या कैर्‍यातले मीठाचे पाणी टाकुन द्यायचे आहे.
त्यानंतर आता लोणच्याचा मसाला तयार करायचा आहे.
त्यासाठी मसाल्याचे साहित्य एका ताटात सज्ज आहे.
यातील मेथीदाणा १/२ टी स्पुन तेलावर मंद आचेवर परतुन घ्यावा.लालसर रंग आला कि लगेच त्यात हळद व हिंग घाला.गॅस बंद करुन परता,हिंग फुलल्याने मेथीदाणा व हिंगाचा वास येवु लागेल.मेथीदाणा व हिंग बारीक वाटुन घ्या.[मिक्सरमधे १ टे.स्पुन मोहोरीची डाळ टाकुन बारीक वाटले जाईल]
सर्व मसाल्याचे सामान एका ताटात एकत्र कालवा.
हा मसाला बाळकैर्‍यांमधे भरा.
पुन्हा झाकुन निदान एक दिवस तसेच ठेवा.
दुसर्‍या दिवशी सरसो तेल/शेंगदाणा तेल/रोज वापरातले तेल एका कढईत चांगले गरम करुन थंड करा.
थंड तेल लोणच्यावर ओता व चमच्याने लोणचे हळुवार पणे ढवळुन घ्या.
मी चीनी मातीच्या दगडी मधे हे लोणचे ठेवले आहे .

३-४ दिवस मुरल्यावर हे लोणचे अधिकाधिक स्वादिष्ट लागते.