"मस्सालामामा की पोटली..."

तर मंडळी, तुम्हीतर सगळे महा चतुर लोक्स आहात... ओळखा बर या पोतडीत काय दडलय???

क्लु हवाय??? वर दिलाय की... 'ना चुलीवर भाजले...ना कुकरात शिजले...पौष्टिक आहे आणि चव एक नंबर'

---------------------------------

क्रमवार पाककृती:

मसाला ग्रेव्ही :

१. कांदा + आले + लसूण + थोडे मिठ कच्चेच मिक्सरवर वाटुन घ्यावे;
२. किचनकिंग मसाला + हळद + तिखट थोड्या पाण्यात कालवुन पेस्ट करावी;
३. मावेसेफ बोलमधे १ चमचा तेल घेऊन १ मिनीट्/गरम होईतो मावे मधे ठेवावे;
४. गरम तेलात मसाला पेस्ट घालावी व जरा मिक्स करावे. आता परत मिनीटभर मावेमधे ठेवावे. बोलवर झाकण/किचन पेपर ठेवायला विसरु नका.
५. आता या मसाल्यात टोमेटो पेस्ट घालुन परत एखाद मिनीट गरम करावे आणि मग कांद्याचे वाटण घालुन ग्रेव्ही मावेमधे शिजवुन घ्यावी. ग्रेव्ही थोडी घट्टच असावी.

पोटली:

ओव्हन १८० डिग्रीला तापत ठेवा.

६. चिकन ब्रेस्ट स्वच्छ करुन त्याचे मोठे तुकडे करुन घ्यावेत.
७. तयार ग्रेव्ही चिकनला लावुन २० एक मिनीटे मॅरिनेट करावे.

८. सिल्व्हर फॉईलचा मोठा तुकडा ट्रेमधे पसरावा. त्यावर बेकिंग पेपरचा तुकडा पसरावा.
९. या बेकिंगपेपरवर मॅरिनेट केलेल्या चिकनपैकी ६-७ पिसेस (१ सर्व्ह) ठेवावेत. त्यावर हव्या त्या भाज्यांचे तुकडे ठेवावेत.

१०. आता समोरासमोरच्या बाजु जवळ आणुन त्याची पोटली बनवावी. पोटली सगळीकडुन घट्ट बंद (सिल) झाली पाहिजे.

११. ही पोटली आता ट्रेमधे ठेऊन ट्रे गरम ओव्हनमधे ठेवावा.
१२. साधारण २० मिनीटांनी (चिकनच्या तुकड्यांच्या साईजवर अवलंबुन) पोटली बाहेर काढावी.
१३. एखाद मिनीट थांबुन मग चिमट्याने हलकेच उघडावी.

१४. चिकन शिजले आहे की नाही हे चेक करुन (अन्यथा पोटली परत ओव्हनमधे ठेवावी) मग गरमागरम भाताबरोबर / पराठ्यांबरोबर खावे.