मॅरॅथॉन रनिंग

मी सुरु केलय पळणं. आठवड्यातुन तीनदा जातो. सध्या ५ KM पळायला अर्धा तास लागतोय. sinus मुळे होणारा त्रास पण जवळपास बंद झालायं. २७ मे ला १० KM मॅरॅथॉन पळायची आहे.

पराग >>> अरे पुन्हा १०-१५ मिनिटांपासून सुरूवात झाली तरी काही हरकत नाही. सुरूवात करणे महत्त्वाचे.
तू तर मॅरॅथॉन पळाला आहेस त्यामुळे अजून काही सांगण्याची गरजच नाही.

आपण पूर्वी २-२ तास पळत असू आणि आता १०-१५ मिनिटं पळणही जड जात आहे हे सत्य फार वैताग देणारे असतेच पण १०० वे शतकही ० व्या धावेपासूनच सुरूवात करावे लागते तसे आहे हे.

अजय >>> सही !!
सध्या वेळेवर लक्ष्य नाही दिले तरी चालेल, अंतरासाठी लागणारा वेळ कमी करण्यापेक्षा अंतर वाढवणे चांगले असे मला वाटते. तुम्ही नक्की १० किमी ची मॅरॅथॉन पूर्ण करणार ह्यात मला काहीच अडचण दिसत नाही.
ह्या बाफवर वर दिलेल्या पळण्याच्या आधीच्या टीप्स/पथ्य वाचल्यास आणि जमत असल्यास ते पाळल्यास झाला तर फायदाच होईल.
पळत रहा!!! मग तुम्हाला सायनसच काय कुठलीही डोकेदुखी म्हणून काय नि डोकं म्हणून काय काही राहणार नाही
मॅरॅथॉनसाठी शुभेच्छा!!! कळवत रहा ईथे.

वाट्लं नव्हतं ह्या धाग्यावर कधी लिहिन
वैद्यबुवा धाग्याबद्दल धन्यवाद!!
वैद्यबुवा, चमन तुमच्या पोस्टी मस्त आहेत.
शनिवारी 5k रेस ३४:४९ मि. पुर्ण केली हि माझी पहिलीच वेळ होती. जानेवारीतच एप्रिलच्या रेसमधे भाग घ्यायचं ठरवलं(३वर्षांपासुन विचार करतेय). पहिल्यांदा, एक महिना आठवड्यातले किमान ३ दिवस व्यायाम करणं होतय का बघुन मग रजिस्टर करायचं ठरवलं. एक महिना सातत्य आल्यावर रजिस्टर केले आणि पळायची तयारी सुरु केली. ट्रेडमील मला खुप बोर होते म्हणुन ईलिप्टिकल, स्टेप क्लास आणि वेटस असं काही करायचे. ह्यामुळे स्टामिना बराच वाढला. पहिल्यांदा १ माईल कसे बसे पुर्ण करायचे. हळुहळु स्पिड आणि अंतर वाढवत एप्रिलच्या सुरवातिला ३ माईल पळु शकत होते. 10K पळावी का? असं वाटु लागलं पण नंतर काहि कारणाने अंतर वाढवणं झालं नाही आणि शेवटी 5K पळु असं ठरवलं. ज्या दिवशी पळणार त्या दिवशी ४३फॅ तापमान नवरा मुले सोबत चिअरींगसाठी येणार होते ते रद्द झाले. थोडी नर्व्हस झाले पण तिथे गेल्यावर सगळ्यांना पाहुन जोश आला. खुप मजा आली.

पळताना लाईट जॅकेट घातले ते अगदी बरे झाले. सोबत गाण्यासाठी खिशात आयफोन घेतलेला, पण वाटलं शफल किंवा नॅनो घ्यायला पाहिजे होता. दुसर्‍या खिशात किल्ल्यांचा गुच्छ!! लक्षात आले कि एकच गाडीची किल्ली घेतलि असती तर झाले असते.

नक्की धावा, सुरवातिला नक्कीच दमछाक होईल पण स्वतःला थोडं ताणाच!!

अभिनंदन प्रीति.
पुढच्यावेळी 10K बद्दल लिहीशील अशी आशा करुयात. शुभेच्छा.

प्रीति, फारच जबरी! अभिनंदन! कीप इट अप. १० के लवकरच पळशील,

शाब्बास प्रिती ! अभिनंदन! अनुभव थोडक्यात पण मस्त सांगितलास.
५किमीचं मेडल शोकेसमध्ये ठेऊन आता १० किमीसाठीच्या तयारीला लागा.
ह्यालाच म्हणतात हातचं सोडून पळत्याच्या पाठी लागणे.
सीझनतर आताश्या सुरू झालाय संपेस्तोवर १० किमी पूर्ण करणे आजिबात अवघड नाही.
सातत्य टिकवून ठेवल्याबद्दल अजून एकदा अभिनंदन.

खालच्या लिंकवर तुमच्या राज्यातल्या/कौंटीतल्या सगळ्या रेसेसचे डीटेल्स मिळतील.

http://www.runningintheusa.com/race/List.aspx?Rank=Upcoming&State=NJ&Page=1

बुवा धाग्याच्या वरच्या दोन ओळींमध्ये तुमच्या, समीर आणि परागच्या मॅरॅथॉनबद्दलच्या धाग्यांचे दुवे देता का? नव्यानं वाचणार्‍यांना अजून माहिती आणि स्फूर्ती मिळेल.

धन्यवाद सगळ्यांना
नक्की प्रयत्न करणार 10k चा!!
मला www.mapmyrun.com/ साईटहि खुप आवडली. इथे पाहिजे तेवढ्या अंतराचे, difficulty चे आणि पाहिजे त्या गावातले ट्रॅक शोधता येतात.

सध्या भारत परतीच्या मार्गावर आहे त्यामुळे व्यायामाला फार वेळ मिळत नाहीये... मी स्पॉट जॉगिंग वाढवलं होतं मध्ये..५ मीन मध्ये हाश हुष वरून १२ मीन पर्यत गेलं.. . मिनेसोटा तला स्प्रिन्ग/उन्हाळा परत मिळणार नाही म्हणून सध्या पळतेय/ब्रिस्क वाकिंग.. तिथे हि लक्षात आलं कि फार दम लागत नाहीये.. १५ मीन गोल ठेवला होता ..तो पूर्ण झाला ..फास्ट वाकिंग ३०-३५ मीन वर गेलं.. आता पूर्ण विराम ..हे इतकं किरकोळ आहे कि लिहावं कि नाही... म्हणून लिहिलं नव्हतं

सध्या इकडे जबरी उन्हाळा सुरु असल्याने धावण्यापेक्षा अस्वलासारखं निपचित लोळत पडावसं वाटतं. पण हा धागा परत परत चाळला तर अस्वलही धावणं सुरु करेल..असो!
सध्या एकूण कांय तर ५k = ३० मि. असे आठवड्यातून ३ वेळा सुरु ठेवलेय. एक दिवसाआड. आता पावसाळा सुरु झाल्यावर सायकलिंग सुरु होईल. पावसात धावण्यापेक्षा भिजत सायकल चालवायला मज्जा येते. आता अंतर वाढवणे वगैरे आता पावसानंतरच...

बुवा ह्या घ्या लिंका. कुठल्या क्रमाने द्यायच्या आहेत ते ही ठरवा.

बुवा http://www.maayboli.com/node/15839
पराग १ http://www.maayboli.com/node/14908
पराग २ http://www.maayboli.com/node/20192
समीर http://www.maayboli.com/node/13901

हेम, प्रित >>चांगली प्रगती आहे.. धावत रहा.
स्पॉट जॉगिंग वार्मअपसाठीच ५-७ मिनिटे ठीक आहे. व्यायाम म्हणून जास्त वेळ करण्यासारखे ते नाही.
तुम्ही तासभर ब्रिस्क वॉकिंग करण्याईतपत जमवलं की अर्धा तास तरी जॉग नक्की करू शकाल.

प्रिति अभिनंदन.
चमन आणि वैद्यबुवा आमच्या सर्वांचा उत्साह वाढवत रहा.

या विषयावर स्त्रियांसाठी
The complete book of Running for women
........ Claire Kowalchik (लेखिका)
हे खूप छान मार्गदर्शक पुस्तक आहे. यामध्ये Training, Nutrition, Injury prevention, Motivation , Racing अश्या अनेक गोष्टींवर छान मार्गदर्शन आहे.

प्रिती, अभिनंदन !!!
पुढच्या स्पर्धा निवडताना वेळ कमी करण्यापेक्षा अंतर वाढवण्यावर भर दे.. खूप भारी वाटतं..

प्रीती
अगदी इथे लिहिण्यासरखंच आहे. अभिनंदन! आणि उसगावात असशील तर मी वर उल्लेख केलेलं पुस्तक बघ ना! छानच आहे.

प्रीती मस्त
चमन, बुवा, शुम्पी सगळ्यांना धन्स. मस्त माहीती देताय आणि मोटीवेट करताय.
मी माझ्या पहिल्या ५के ला साईन अप केले!
http://thecolorrun.com/
ऑगस्ट च्या पहिल्या आठवड्यात आहे.
तसा स्टॅमीना बरा आहे पण आधी कधीही पळालेली नैय्ये.
तर आता मला पण तुमच्यात घ्या. शुज घेण्यापासून तयारी आहे.

मधुरा सही थीम आहे त्या ५के रेसची... रंगपंचमी हेच केवढं मोटिवेशन आहे पळायला.
सॉलीड मजा येणार. जुनेच शूज घालावे लागणार दिसतंय म्हणजे रेस झाल्यावर नवे घेता येतील.
ऑगस्ट म्हणजे भरपूर वेळ आहे तयारीला. एका मैलने सुरूवात करून अर्धा-पाव, अर्धा-पाव करत वाढवत नेलं तरी आरामात ऑगस्टपर्यंत ३ क्रॉस होतील. शुभेच्छा!! कळवत रहा ईथे.

अरे व्वा सगळे मस्त लिहिताहेत . अभिनंदन प्रीती . चमन मी परत चालु केलं रे पळणं , गुढघ्याच दुखणं कमी झालयं .

बुवा तुम्ही आणि चमन दोघे एकत्र हाफ मॅराथॉन पळून आलात का, कशी झाली?

आज मी ट्रेड मिल वर का होईना पण १५ मिनीटे पळलो.. ! हा टेम्पो टिकावा होपफुली..

पराग, श्री >>> सही!! आता चालू केलं आहे तर चालूच ठेवा. वेळापत्रक आखून, आपल्या शरीराचा अंदाज घेऊन प्रत्येक रनची झेप ठरवत रहा.

आठवड्यातून ३० मिनिटांपेक्षा जास्तीचे ३ रन्स, ६० मिनिटांपेक्षा जास्तीचे २ रन्स आणि ९० मिनिटांपेक्षा जास्तीचा १ च रन, असे गणित ठेवल्यास शरीराला आराम मिळून मसल रिकवरी व्यवस्थित होईल.
१० मैलांपेक्षा जास्तीचा रन केल्यास...पुढचे २ आठवडे तरी पायांना रोजच्या चालण्यापेक्षा वेगळे काम आजिबात देऊ नये.

बुवा, मला खरंच खूप वाईट वाटतंय की तुम्हाला दुखर्‍या पायामुळे कालची हाफ मॅरॅथॉन धावणे जमवता आले नाही. त्यासाठी खरंतर कुठेतरी मी सुद्धा कारणीभूत आहे की काय असं वाटून गेलं. पण ठीक आहे, पायांना थोडा आराम देऊन पुन्हा 'अटलांटिक सिटी फुल' साठीच्या तयारीला लागा.

कालची हाफ मॅरॅथॉन छानच झाली. १३.१ मैल २ तास ६ मिनिटात पूर्ण करता आले. खरंतर फिनिश लाईनला माझं स्टॉप वॉच २ तास २ मिनिटे दाखवत होतं पण चिप टायमिंग जास्त बरोबर असावे.
धावणार्‍यांचे आणि त्यांना प्रोत्साहन देणार्‍यांचे स्पिरिट खरोखर अवर्णनीय होते. एकंदर वातावरण फार आनंददायी आणि उत्साहवर्धक होते. अनेक जण साईडला फलकं घेऊन ऊभे होते किंवा पाठीवर काहीतरी लिहून धावत होते.

त्यातल्या मला आवडलेल्या काही कॉमेंट्स,

I am running away from my wife, Please help me.

Run Pepper run, You have trained harder than that bitch, Amanda

I am running for my kids, Look you coward moron. (हे कदाचित तिच्या पळून गेलेल्या नवर्‍याला किंवा मित्राला ऊद्देशून असेल)

Mike, Don't come home, if you don't finish it.

The prettiest girl in my class promised me a date, if I kiss her at the finish line.

My daughter is waiting for me at the finish line.

कॅन्सर ट्रीटमेंट, ग्लोबल वॉर्मिंग, हंगर वगैरे नोबल कॉजसाठी पळणारेही खूप होते.

शेवटच्या १-२ मैलांत जेव्हा बरेच जण ढेपाळायला लागले तेव्हा ह्रितिकसारखा दिसणारा एक हीरो लिंगेरीजमधे पुढे मागे पळत थकलेल्यांना प्रोत्साहित करत होता.

पण ह्या सगळ्यांपेक्षा चटकन नजरेत भरून येणारी कुठली गोष्टं असेल तर ती म्हणजे खालची आकडेवारी.

6234 Finishers - 2388 M / 3846 F

माबोवरच्याही सगळ्याजणींसाठी ही आकडेवारी निश्चितच प्रेरणादायी असेल.

स्लोगन्स फार फार आवडले
निदान हे सगळे बघायला आणि लोकांना प्रोत्साहन द्यायला (व्यवस्थित कपडे घालून हो :फिदी:) तरी मॅराथॉन होते तेव्हा जायला हवे.
मॅराथॉन संपवणार्‍यांचा आकडा खूपच प्रेरणादायी आहे.

बुवा, दोष तुमचा नाही उत्क्रांतीचा आहे असं दिसतंय
तुमचा पाय लवकर बरा होवो.

बाकी ते रनर्स हाय वगैरे काही फार जाणवत नाही अजून तरी म्हणजे पळून झाल्यावर छान, एकदम हलकं वाटतं पण पळत असताना वाटच लागत असते. सध्या मजल दोन मैल. मध्ये थोडंसं चाललं तर अडीच मैल. मागे लिंक दिली होती तो काउच-टू-५के प्रोग्रॅम बर्‍यापैकी फॉलो करणं चालूए.

अभिनंदन चमन