झटपट चुर्मा लाडु ( माय्क्रोवेव मधले)

१. एका मावे च्या भांड्यात कणिक भाजुन घ्या. १००% पॉवर वर ५ मिनिटे. मधे मधे हलवावे.
२. भाजलेले पिठ एका ताटात काढावे. त्यात १/४ तुप आणि कोमट पाणी घालुन चांगले मिक्स करावे.
३. हे पिठ मग परत मावे च्या भांड्यात घालुन ६०% पॉवर ला ५ मिनिटे ठेवावे. मधुनच हलवावे. खमंग वास येवु लागतो.
४. आता हे तसेच गरम असताना मिक्सर मधुन दोनदा टर्र करावे.
५. मावे च्या भांड्यात गुळ आणि उरलेले तुप घालुन १ मिनिट ठेवावे. गुळ पातळ झाला पाहिजे.
६. आता पातळ गुळ+तुप्+मिक्सर मधले पिठ+वेलची+बदाम+ सुके खोबरे सगळे एकत्र करावे.
७. हाताला थोडे तुप लावुन लाडु वळावे. निवल्यावर गट्ट्म करावे.

अतिशय खमंग लागतात. ह्यात कणके बरोबरीने नाचणी पीठ ही घेता येते. माझा लॅपटॉप सध्ध्या माझ्या मोबाईल च्या सोफ्टवेअर वर रुसला आहे. त्या मुळे फोटो टाकता येत नाहीत.