आज जाहिर समारंभात पुरस्कार स्विकारताना
तुझ्या चेहर्यावरचं समाधान आणि आनंदाने भरून वाहणारे तुझे डोळे पाहिले
टचकन डोळ्यात पाणी आलं,
राहून राहून एवढंच वाटलं.....
तू अशक्य आहेस...!
परकर पोलकं नेसलेली तू माझा हात धरून
दर संध्याकाळी चिंचेच्या झाडाखाली यायचीस
सगळ्या पोरांनी गलका केल्यावर,
हाती लागलेली एखादी चिंच अर्धी तोडून माझ्या हातावर ठेवायचीस
तुझ्या त्या दाताने तोडलेल्या अर्ध्या चिंचेकडे पाहून नेहमीच वाटायचं,
तू अशक्य आहेस...!
शाळेत मास्तरांची खाल्लेली छडी असो,
मैदानात खेळताना गुढग्याला झालेली जखम असो,
किंवा घरात आईचा खाल्लेला मार....
प्रत्येक वेळी आईच्या बरोबरीनं धावत तू हजर व्हायचीस,
माझ्या जखमेला मलमपट्टी करायला
आईच्या नजरेत मी कित्येकदा वाचलंय.... तिलाही वाटायचं,
तू अशक्य आहेस...!
गावभर उनाडक्या करत फिरताना, कॉलेजात टवाळक्या करताना
विविध स्पर्धा गाजवताना..... सावलीसारखी माझ्या बरोबर होतीस
आजुबाजुला चार मुली जमल्या की तुझ्या नाकाचा शेंडा पार लाल व्हायचा
तुझा तो लटका राग... ते वादविवाद, आणि जीवापाड केलेलं प्रेम पाहून नेहमी जाणवायचं,
तू अशक्य आहेस...!
माझी वाट न पहाता स्वतःच पुढाकार घेऊन व्यक्त केलेलं प्रेम,
माझा होकार मिळताच आनंदाने मारलेली ती मिठी
आईबाबांशी झालेल्या लुटूपुटूच्या लढाया
आणि मग आंतरपाटाच्या आड उभ्या असलेल्या तुला पाहताना
कानात घुमलेलं "शुभमंगल सावधान"
तेंव्हाच्या तुझ्या चेहर्यावरचा निस्सीम आनंद..... जग जिंकल्याचा तुझा आविर्भाव,
पुन्हा पुन्हा एकच जाणीव करून द्यायचा....
तू अशक्य आहेस...!
दोघांनी मिळून सजवलेलं काड्या काड्या आणून जमवलेलं घर
त्या घरात लागलेली चिमण्या पावलांची चाहूल....
अगदी शेवटच्या क्षणी माझं धावत्-पळत हॉस्पिटलमधे पोचणं...
जीवाची झालेली घालमेल.....
अचानक माझ्या हातात आलेलं आपलं चिमुकलं प्रेम......
अर्धवट ग्लानीत सुध्दा तुझं स्मितहास्य..... "तुझ्यासारखी आहे का रे?? "
हे अस्फुट शब्द...... अक्षरशः आनंदानं फुटलेलं रडू...... एकच मनात येतेय,
तू अशक्य आहेस...!
वेगळ्या वाटेवर मी सुरू केलेली वाटचाल.....
आधीचा विरोध मावळून तुझं खंबीरपणे माझ्याबरोबर उभं रहाणं...
सोसलेले उन्हाळे, भिजवून गेलेले पावसाळे.....
आणि अखेर आपल्या वाटणीचा तो वसंतातला बहर.....
आज सारं सारं आठवतेय मला..... कधीही न विसरता येणारं.....
आज जे काही मी कमावलय.... ते सारं तुझ्यामुळेच शक्य आहे....
पण तरीही पुन्हा पुन्हा सांगतो......
तू मात्र अशक्य आहेस...!!!!
क्या बात है. सौ. चे मन भरुन
क्या बात है. सौ. चे मन भरुन येईल हे वाचुन.
हृद्य झालेय कविता!
हृद्य झालेय कविता!
भुंग्या.. सुरेख्,सहज शब्दातली
भुंग्या.. सुरेख्,सहज शब्दातली ही कविता भावपूर्ण झालीये
मनाच्या गाभार्यात भिडली.
मनाच्या गाभार्यात भिडली.
अप्रतिम!!
अप्रतिम!!
वावावा भुंगेश!
वावावा भुंगेश!
थेट आत पोहोचणारी.... खूप
थेट आत पोहोचणारी.... खूप भावपूर्ण रचना...
अप्रतिम!!
अप्रतिम........... खूप सुरेख
अप्रतिम........... खूप सुरेख लिहिलंय
भुंग्या, अप्रतिम. खुपच आवडली.
भुंग्या, अप्रतिम.
खुपच आवडली. प्रत्येक यशस्वी पुरुषाच्या मागे एक स्री असते हे अगदी पटल
(No subject)
मस्त रे मित्रा. ट्रूली
मस्त रे मित्रा. ट्रूली डेडिकेटेड कविता.
रच्याकने, 'तारीफ पे तारीफ' नक्की काय भानगड आहे रे?.
(No subject)
भृंगराज - तुझ्या कविता वाचून
भृंगराज - तुझ्या कविता वाचून हेच वाटतं -
"तू मात्र अशक्य आहेस...!!!!"
तुझ्या अशा सुंदर सुंदर कविता वाचून मन निवतं अगदी......
झक्कास आहे रे. पण जेव्हा
झक्कास आहे रे.
पण जेव्हा कविता वाचायला सुरूवात केली तेव्हा वाटल की बहीणीवर असेल. पण नतर मात्र कवितेनी एकदमच कलाटणी घेतली.
वा लगे रहो
थेट मनातून उमटलंय!! असं "खरं"
थेट मनातून उमटलंय!!
असं "खरं" व्यक्त व्हायला, तिचं स्थान मान्य करायला, प्रत्येकालाच जमेल असं नाही, म्हणून तुझं विशेष अभिनंदन!
वा! गर्ल्फ्रेंडच्या काळात
वा!
गर्ल्फ्रेंडच्या काळात बायकोची तारिफ करणारी कविता वाचून खरेच बरे वाटले.
भुंग्या, काय बोलू? थेट आतून
भुंग्या, काय बोलू? थेट आतून आतून आलेले शब्द आहेत. भावना अप्रतीमरित्या व्यक्त झाल्या आहेत. अगदी भिडली रे!
सुंदरच
सर्वांचे मनापासून आभार....!
सर्वांचे मनापासून आभार....!
खुप छान
खुप छान
भुंगेश, खरंच अगदी थेट कविता
भुंगेश,
खरंच अगदी थेट कविता आहे! भिडली अगदी.
अभिनंदन तुझं आणि वहिनींचं..
भूंग्या, खूप छान. (कमळी
भूंग्या, खूप छान. (कमळी झिंदाबाद!)
बायकोला पाडव्याची अमूल्य भेट, आधीच दिलीस
अप्रतीम!!!! शशांक आणि
अप्रतीम!!!! शशांक आणि मुक्तेश्वर यांना अनुमोदन!!!
> बायकोला पाडव्याची अमूल्य
> बायकोला पाडव्याची अमूल्य भेट, आधीच दिलीस
पैसे वाचवले भुंगेश
खुप सुंदर आहे.
खुप सुंदर आहे.
भुंग्ज.. क्लासिक रे ! (
भुंग्ज.. क्लासिक रे !
( अवांतर : नका रे असलं काही लिहीत जाऊ ! माझी बायको वाचत असते मायबोली. दहा वेळा उदाहरण देईल आता उठताबसता...
- एक त्रस्त जीव )
किरण्यके, तुझ्या बायकोला
किरण्यके,
तुझ्या बायकोला नक्की सांग...... "बायका वाचतात त्यांचे नवरे असलं काही लिहित नाहीत, आणि ज्यांच्या बायका वाचत नाहीत तेच नवरे असलं काहीतरी लिहितात"
खूप छान!!
खूप छान!!
जबरदस्त केवळ
जबरदस्त केवळ जबरदस्त....
भुंगाराव - तुसी ग्रेट हो....
अप्रतिम, अशक्य सुंदर झालीय
अप्रतिम, अशक्य सुंदर झालीय कविता!
सुंदर ! << तुझ्या बायकोला
सुंदर !
<< तुझ्या बायकोला नक्की सांग...... "बायका वाचतात त्यांचे नवरे असलं काही लिहित नाहीत, आणि ज्यांच्या बायका वाचत नाहीत तेच नवरे असलं काहीतरी लिहितात" >>
Pages