हिरा कसा पाठवाल ?

राम आणि श्याम दोन वेगवेगळ्या शहरांमधे राहात आहेत. रामकडे एक हिरा आहे जो त्याला श्यामला पाठवायचा आहे. काही कारणामुळे तो स्वतः श्यामच्या घरी जाऊ शकत नाही आणि श्यामही त्याच्या घरी हिरा न्यायला येऊ शकत नाही. हिरा पोस्टाने पाठवणे हा एकच मार्ग आहे. पण त्या देशातले पोस्ट खाते एकदम चोर आहे. ते प्रत्येक पार्सल उघडून त्यातील गोष्टी चोरतात. पण समजा वस्तू पेटीत ठेवून कुलूप लावले असल्यास ते उघडण्याच्या फंदात पडत नाहीत. राम आणि श्याम दोघांकडे भरपूर पेट्या आणि अनेक वेगवेगळ्या आकारांची पेटीच्या कडीत अडकवता येतील अशी कुलपे आहेत. प्रत्येक कुलपाला एकच त्याची त्याची वेगळी किल्ली आहे. तर याचा उपयोग करून राम श्यामला हिरा कसा पाठवेल?