संयोजकांचे मनोगत - मायबोली गणेशोत्सव २०११

धन्यवाद संयोजक!!

सगळ्यात आधी रूनीचे हे काम करायची संधी दिली त्याबद्दल आभार. संयोजक मंडळाचं काम आधीच सुरू झालेलं असताना फक्त पोस्टर करण्याच्या कामात मदत म्हणून संयोजक मंडळात माझा प्रवेश झाला आणि पहिल्यांदाच संयोजक मंडळाचं काम खूप जवळून बघायची संधी मिळाली.

पोस्टर बनवण्याचा अनुभव असला तरी मराठीत पोस्टर बनवण्याची ही माझी पहिलीच वेळ होती. मराठी फॉन्ट चा प्रश्न वेबमास्तर अजय यांनी सोडवला. त्यांनी GIMP या सॉफ्टवेअरशी ओळख करून दिल्याने मला हे काम मराठी फॉन्ट्मधे सहजतेने करण शक्य झालं. त्याबद्दल त्यांचेही खूप आभार.

पहिल्या दवंडीच्या पोस्टरची थीम कंटीन्यु करून दुसर्‍या दवंडीचं आणि त्या दवंडीच्या स्पर्धांचं पोस्टर जेंव्हां बनवलं, त्यात संयोजकांचही तितकचं सहकार्य झाल आहे. जसं कि पोस्टरसाठी आयडीया सजेस्ट करणं, त्यासाठी लागणार्‍या कॉपीराईट फ्री इमेजेस शोधणं, नंतरही काही बदल सुचवणं वगैरे. खासकरुन मामी, लाजो, आणि प्रज्ञाच.

वैद्यबुवांनी बनवलेल्या पोस्टरवरच्या अ‍ॅनिमेटेड साप-सुरळ्या बघून संयोजकांच्या मनात हलती आरास करायची असा विचार आला. हे चॅलेंजींग होतं कारण अपलोड करताना असलेली फाईल साईजची मर्यादा आणि ठराविक फाईल फॉरमॅट मायबोलीवर अपलोड करता येत होते. त्यात फक्त अ‍ॅनिमेटेड gif हा एकच फाईल फॉरमॅट माहिती होता जो अ‍ॅनिमेशनला सपोर्ट करत होता. गणपतीच्या प्रतिष्ठापनेसाठी मी वेगवेगळी बरीच पोस्टर बनवली होती त्यात एक अ‍ॅनिमेटेड gif फॉरमॅट मधे होतं. पण त्याची क्वालिटी खास नव्हती. जेव्हां अ‍ॅडमिननी फ्लॅश अ‍ॅनिमेशन मधे आरास बनवण्यासाठी ग्रीन सिग्नल दिला तेव्हा फार थोड्या अवधीत ही दुसरी अष्टविनायक दर्शनची आरास तयार झाली. एक वेगळं काहीतरी केल्याचं समाधान सगळ्यांनाच मिळालं. अ‍ॅडमिननी खास फ्लॅश अ‍ॅनिमेशन च्या आरासीसाठी जी परमिशन दिली त्याबद्दल त्यांचेही आभार.

वरच्या आभारप्रदर्शनात सगळ्यांचे आभार मानणार्‍या संयोजकांची मेहनत, त्यांच्या कामातल्या अडचणी, त्यांच्या घरच्यांच सहकार्य हे सगळ जवळून बघीतल्यामुळे त्याचा इथे आवर्जून उल्लेख करावासा वाटतोय. बर्‍याचदा एक सामान्य वाचक म्हणून या सगळ्यांच्या पडद्यामागच्या कष्टांची, अडचणींची कल्पनादेखील नसते. ते जर मी माझ्या शब्दात सगळ्यांपर्यंत पोचवू शकले तर ती देखील त्यांच्या संयोजनाला दिलेली योग्य दाद ठरेल.

स्पर्धांचे विषय ठरवणे, नियम ठरवणे, त्यासाठी लागणार्‍या चर्चा, नंतर प्रत्यक्ष धागे तयार करणे, मजकूर लिहीणे, लोकांच्या शंकांना काय उत्तरे द्यायची यावर चर्चा करुन उत्तरे देणे, इमेलला रिप्लाय देणे, शुद्धलेखन तपासणे अशी असंख्य कामं ही सगळीच संयोजक मंडळी करत असायची. आणि हे सगळं वेगवेगळ्या देशात चालू होतं. ३ वेगवेगळ्या टाईमझोन मधे असूनही सगळ्यांचं एकमत असल्याशिवाय कुठलाही निर्णय फायनल व्हायचा नाही. त्यामुळे कधी कधी लोकांच्या शंकांना ताबडतोब उत्तरं देणं शक्य व्हायचं नाही पण यात संयोजकांची दिरंगाई नसून अंतराचं आणि वेळेच्या फरकांचं बॅरियर होतं.

हे सगळे जण इथे शक्य तितका वेळ देत होते तेही घरचं सांभाळून. सगळा वेळ इथे देणं घरच्यांच्या सहकार्याशिवाय त्यांनाही शक्य झालं नसतं. मामींनी मुसंबाची भुमिका वेगवेगळ्या टाईमझोन मधे असलेल्या सगळ्या सदस्यांशी कोऑरडिनेट करुन कौशल्याने निभावली. मामींची गोड छोकरी आहे, जिने मामींना पाहिजे तेवढा वेळ काम करण्याची मुभा, एकदा काम संपलं की सगळा वेळ तिला देण्याच्या बोलीवर दिली होती. तसंच आई इतकीच उत्साही आणि बोलकी चार वर्षांची लाजोची लेक, आईचं काहीतरी मोठ्ठं काम चालू आहे सांगितल्यावर खूप समंजसपणे वागून लाजोला या कामात सहकार्य दिलं. लाजोला घरच्या गणपतीचंही काम होत. लाजो आणि वैद्यबुवांना आपापली ऑफिस आणि घर दोन्ही सांभाळून इथे काम करावं लागत होतं. आई-वडील सुटीसाठी आलेले असताना आणि मुलाच्या शाळेला सुट्टी असताना देखील वैद्यबुवांनी या कामात वेळ दिला. प्रज्ञानेही जास्तीत जास्त वेळ या कामासाठी दिला आणि ते तिला घरातल्या इतर जबाबदार्‍या तिच्या घरच्यांनी सांभाळल्यामुळे शक्य झालं. प्रज्ञाच्या घरच्यांचेही योग्य सल्ले देण्यात, बारीक सारीक चूका लक्षात आणून देण्यात मदत झाली. प्रमोद काकांचंही वेगवेगळ्या ठिकाणच्या लोकांशी संपर्क करुन, गाणी मिळवून, चाली लावून, गाणी म्हणवून घेण्यातलं योगदानही मोठं आहे, त्याही मागे त्यांना बर्‍याचं खटपटी कराव्या लागल्या असतील. या सगळ्यांच्या घरच्यांचाही या गणेशोत्सवाला तितकाच हातभार आहे. त्यांचेही तितकेच आभार मानायला हवेत.

आणि हे सगळं सगळं फक्त मायबोलीच्या प्रेमापोटी. इतक्या जवळून संयोजकांचं काम बघायला मिळाल्याने आजपर्यंत काम केलेल्या, करणार्‍या सगळ्याच संयोजक, संपादक, मदत समितीतल्या सदस्यांच्या कामाच्या स्वरुपाची कल्पना आली. त्यांना मनापासून सलाम. खास करून अ‍ॅडमिन आणि वेबमास्तर यांनाही, जे वर्षानुवर्षं या विस्तारलेल्या मायबोलीची धुरा अगदी लीलया पेलून आहेत.

रूनी, अ‍ॅडमिन आणि वेबमास्तर यांचे ही संधी दिल्याबद्दल आणि सहाय्य केल्या बद्दल परत एकदा आभार.

सगळ्यांच्या मेहनतीचं कौतुक आहे. प्रचंड अभिनंदन.

अ‍ॅडमीन, रुनी आणि संयोजकांना उभेराहून सलाम. खरच कौतूकास्पद कामगीरी तुम्ही केली आहे. घरच्यांचा वेळ तुम्ही काहीदिवस फक्त मायबोली साठी दिलात आणि त्यात तुमच्या घरच्यांनीही तुम्हाला सहकार्य केले ही मायबोलीशी तुमचे आणि तुमच्या परीवाराशी जोडलेले ऋणानुबंध दर्शवितात.

आम्ही केलेल्या विनंतीला मान देऊन ज्या मायबोलीकरांनी आम्हाला खास लेख लिहून पाठवले त्या सर्वांचे आभार. दिनेशदा, साजिरा, मंजूडी, जागू, दाद, स्वप्ना_राज, केदार, कविता नवरे, अरूंधती कुलकर्णी तुम्ही दिलेल्या लेखांमुळे गणेशोत्सवाला एक वेगळेच परिमाण लाभले.

तुम्ही आम्हाला इतक्या विश्वासाने ही संधी दिलीत त्याबद्दल तुमचे धन्यवाद.

संयोजक आणि प्रशासकांचे मनःपूर्वक आभार!

सगळ्यांचं प्रचंड कौतुक!

आम्ही रोज आनंदाने अनुभवत असलेल्या गणेशोत्सवा मागे इतकी प्रचंड मेहनत आहे हे ज्ञात झालं.
आपल्या सर्वांचं प्रचंड कौतुक आणि आभार.

डॉ. कैलासरावांशी पूर्ण सहमत!

संयोजक समितीच्या प्रमुख म्हणून मामीचं सगळ्यात आधी अभिनंदन करतो..संयोजन समितीचं काम सुरळीत होण्याचं सगळ्यात जास्त श्रेय मी तिच्या कुशल नेतृत्वाला देतो... तिने सगळ्यांच्या कलागुणांना प्रोत्साहन तर दिलंच पण वेळप्रसंगी कानपिचक्या देऊन, कामं सुरळीत आणि वेळेवर होतील ह्यावर जातीने लक्ष ठेवलं...थोडक्यात सांगायचं तर तिने प्रत्येकाच्याकडून उत्तम ते काढून घेतलं.

लाजोबद्दल काय सांगू? तिच्याकडे तर नव कल्पनांची जणू खाणच आहे असं वाटावं इतक्या विविध कल्पना तिने फटाफट सगळ्यांसमोर मांडल्या आणि ज्या कल्पना राबवायचे ठरले त्यासाठीची कार्यवाही देखील तेवढ्याच तत्परतेने करण्याचा तिचा उत्साह वाखाणण्याजोगा आहे.

प्रज्ञा,संवाद लेखनात अतिशय कल्पक आहे हे तिने लिहिलेल्या संवादातून आपण पाहू शकतो..मुद्रितशोधनातही ती वाकबगार आहे...तिनेही अगदी न कंटाळता हे काम केलं...तिच्या सहनशक्तीचं मला खूप कौतुक वाटतं.

वैद्यबुवा! ही व्यक्ती बोलण्या-चालण्यात अगदी मिश्किल आहे हे त्यांनी बनवलेल्या भित्तीचित्रातून(मायबोलीच्या भाषेत रिक्षा) सार्थ ठरवलंय. समितीतलं वातावरण हसतं-खेळतं ठेवण्यात त्यांच्या ह्या स्वभावाचा खूपच उपयोग झाला.

मामी,लाजो,प्रज्ञा आणि वैद्यबुवा, ह्यांच्याशी स्काईपवर प्रत्यक्ष बोलण्यामुळे,त्यांचे कामात जीव ओतणे मी खूप जवळून अनुभवू शकलो.

दिव्या! तिच्याशी प्रत्यक्ष संवाद नाही साधता आला पण तिच्या कामातूनच ती बोलत होती...समितीने वेळोवेळी दिलेल्या सूचनांना स्वत:च्या कल्पनांची जोड देऊन अतिशय उत्कृष्ट अशा आरासी तिने बनवल्या आणि गणेशोत्सवाला एका नव्या उंचीवर पोचवलं.

मला ह्या सर्व कल्पक आणि सृजनशील मंडळींबरोबर काम करायला मिळाले हे मी माझे भाग्य समजतो आणि ही अशी संधी दिल्याबद्दल मी मायबोली प्रशासनाचे मन:पूर्वक आभार मानतो.

संयोजन समितीतल्या सर्व सदस्यांचे हार्दिक अभिनंदन!

सुरेख झाला उत्सव. तुम्हा सगळ्यांचं कौतुक.

ती एक अत्यंत सुयोग्य मार्गदर्शक आहे. आमच्या कामात अजिबात कुठेही ढवळाढवळ न करता केवळ योग्य तिथे, योग्य वेळी आणि योग्य तितकाच सल्ला दिला >>>> अनुमोदन

कार्य सिद्धीस नेण्यास श्री समर्थ असतोच. खरेच आपल्याला न कळत सगळ्या विघ्नांचे तो हरण करुन टाकतो.
इथे मायबोलीकरांच्या सहकार्याशिवाय घरच्या मंडळींच्या सहकार्याचाही उल्लेख झाला ते वाचून खुप आनंद झाला.
मामा आणि लारा यांचे खास आभार, माझ्यातर्फेही.

संयोजक आणि गणेशोत्सवाच्या कार्यक्रमात उत्साहाने काम करणार्‍या, भाग घेणार्‍या सगळ्याच टिमचे मनःपूर्वक आभार.

यंदाही मस्त टीम होती

सर्वांचे खूप कौतुक आणि अभिनंदन!

<< आम्ही रोज आनंदाने अनुभवत असलेल्या गणेशोत्सवा मागे इतकी प्रचंड मेहनत आहे हे ज्ञात झालं.
आपल्या सर्वांचं प्रचंड कौतुक आणि आभार. >> डॉ. गायकवाडना १००% अनुमोदन !

संयोजकांचे अन् सर्व टीमचे आभार

मस्त झाला ह्यावेळचा गणेशोत्सव.
संयोजक टीमचे अभिनंदन आणि आभार.

संयोजक,प्रशासक आणि सगळ्या उत्साही कार्यकर्त्यांचं अभिनंदन

अभिनंदन मंडळाचं.. गुड टिम वर्क :).
दर वर्षी विचारायचं रहून जातं, अत्ता आठवला म्हणून संयोजकांना एक प्रश्न आहे ,
गणेश चतुर्थीला व्हर्चुअल गणेश प्रतिष्ठापना जशी होते , तसं अनंत चतुर्दशीला मूर्तीचं व्हर्च्युअल विसर्जन -मिरवणूक का नाही होत ?

अभिनंदन ... सर्वांच खुप खुप अभिनंदन

मामी, लाजो, प्रज्ञा, वैद्यबुवा,देवकाका, दिव्या तुम्हा सगळ्यांचे खुप खुप अभिनंदन आणि आभार!!!!

आम्हाला इतक्या विश्वासाने ही संधी दिलीत त्याबद्दल तुमचे धन्यवाद.>>>+१

आम्ही रोज आनंदाने अनुभवत असलेल्या गणेशोत्सवा मागे इतकी प्रचंड मेहनत आहे हे ज्ञात झालं.
आपल्या सर्वांचं प्रचंड कौतुक आणि आभार. >>>>>डॉकना अनुमोदन

संयोजक टीमचे अभिनंदन

कौतुकास्पद अभिनंदन !

संयोजक टीमचे अभिनंदन आणि मनापासून कौतुक.
आणि एवढे चांगले डीब्रीफींग केल्याबद्दलही अभिनंदन. शेवटचे बॅनर उतरेपर्यंत काही उपक्रम संपत नाहीत.
तुम्ही तर हॉलसुद्धा स्वच्छ झाडून हवाली केलात. अतिशय कौतुक वाटले.
गो टीम, आणि रुनी.

एवढे चांगले डीब्रीफींग केल्याबद्दलही अभिनंदन. शेवटचे बॅनर उतरेपर्यंत काही उपक्रम संपत नाहीत.
तुम्ही तर हॉलसुद्धा स्वच्छ झाडून हवाली केलात. अतिशय कौतुक वाटले.
गो टीम, आणि रुनी.>>>>रैना, +१

तुम्ही तर हॉलसुद्धा स्वच्छ झाडून हवाली केलात. अतिशय कौतुक वाटले.
जिप्सिला अनुमोदन.

शेवटचे बॅनर उतरेपर्यंत काही उपक्रम संपत नाहीत.
तुम्ही तर हॉलसुद्धा स्वच्छ झाडून हवाली केलात. अतिशय कौतुक वाटले.

>> रैनाला प्रचंड अनुमोदन!

संयोजक, दंडवत स्वीकारा!

संयोजक,
..... सलाम, मुजरा, दंडवत !

डॉ. गायकवाड व रैना ला अनुमोदन. सगळ्यांचं प्रचंड कौतुक वाटतय.