अबब अमेरिका

फिल्मचा किस्सा जबरी. हहपुवा.

एक अमेरीकन शब्दकोषच बनवला पाहिजे म्हणजे इच्छुकांना त्याचा लाभ घेता येईल.

शिवाय अमेरीकेत आपण बोलत असताना कोणत्याही शब्दाच्या शेवटच्या अक्षराचा उल्लेख करायचा नाही. पूर्ण इंग्रजी शब्द आपल्या मराठी बाण्याने उच्चारलात तर संभाषणात तुम्ही मार खाल्लाच समजा. आणि हेच अमेरिकन्स बोलत असतील तर शब्दांच्या शेवटी आपापल्या मगदुराप्रमाणे एक अक्षर मनातल्या मनात घालून शब्द पूर्ण करून मेंदूपर्यंत पोहोचवावा.

आम्ही नवीन नवीन होतो तेव्हा जुन्या लोकांनी सांगून ठेवले होते की लोकं जेव्हा मूव होतात तेव्हा ते चांगल्या चांगल्या गोष्टी तिकडे नेण्याचा खर्च परवडत नसल्यामुळे गार्बेज बिन शेजारी ठेवून जातात. चांगल्या असतात.. हव्यातर घरी घेऊन खुशाल वापराव्यात.. म्हटलं ओके.. काही आठवड्या नंतर एका ठिकाणी जेवायला गेलो दुपारी. मस्त जेवण गप्पा करून निघालो .. यजमानीण बाई पण बाय-बाय करून आत गेल्या. आम्ही गाडी पाशी आलो तर काय? बाजूला एक महागनी चा ६ पीस डायनिंग सेट !! आम्हाला जुन्या ज्ञानी लोकांचा सल्ला आठवला.. म्हटलं दुस-या कुणी बघायच्या आत घेऊन जाउ. पण सगळे आमच्या छोट्या गाडीमध्ये बसणार नव्हते म्हणून त्यातले महत्वाचे पीसेस पहिल्या हप्त्यात घरी टाकून बाकीचे घ्यायला परत येउयात. दुस-या खेपेला परत तिथे गेलो तर आमची यजमानीण बाहेरच उभी होती.. आम्हाला बघून म्हणाली अरे तुम्ही अजून इथेच? मग तिला डायनिंग टेबल बद्दल सांगितले. ती शांतपणे म्हणाली "ते ठेवून दिलेले नव्हते.. शेजारचा माणूस पलीकडल्या अपार्टमेंट मध्ये मूव होत आहे त्यांनी मूवर्स साठी बाहेर काढून ठेवले होते. आता ते काळजी करत आहेत की ते कुठे गेले म्हणून? आमच्या पोटात हा मोठ्ठा गोळा !! पण मग तिला सांगितले की बिन शेजारी होते म्हणून आम्ही शिरस्त्याप्रमाणे उचलले ... तिला आता झालेली परिस्थिती आणि आमचे पडलेले चेहरे बघून सॉलिड हसू यायला लागले होते.. शेवटी म्हणाली की जा परत ते घेऊन या..मी शेजार-यांना सांगते काय घोटाळा झाला ते..

prashant_the_one

अमेरिकेतल्या गमती-जमती वर एक अख्खा लेख लिहिता येईल.

१. सिनिअर्सनी सांगितले की आपण स्टूडंट व्हिजा वर आहोत ना, आपल्याला लिमिटेड मोबिलिटी (उगीच मोठाले शब्द वापरुन घाबरवणे आमच्या सिनिअर्सना जाम आवडे ) असते. म्हणजे कँपस बाहेर जाता येत नाही. त्यामूळे बरेच दिवस कँपस बाहेर जायला घाबरायचो.
२. एक मित्र लायब्ररीतून Emergency Exit मधून बाहेर पडला. सायरनचासारखा आवाज झाल्याने घबरुन पळून गेला तेथून. मग त्याला समजावुन सांगितले कि तसे पळुन जाऊ नकोस. बघ तुझ्यामूळे अख्खी लायब्ररी रिकामी झाली.
३. एकदा आमची सेमिस्टर परिक्षा होती. मला एक डेफिनिशन आठवत नव्हती, माझ्या मागे एक व्हियतनामी मित्र होता. त्याला विचारले तर त्यालाही ते आठवत नव्हते. मग बाजुच्या एका गुजराती मैत्रिणीला विचारले. तिने तिच्या गुज्जू इंग्लिश मधे एक्स्प्लेन केली. थोड्यावेळाने तो व्हियतनामी मित्र तिला म्हणाला Can you please tell me in English? तेंव्हा त्याला सांगितले कि तिने ते English मधेच सांगितले, त्याचा आणि तिचा चेहरा पाहण्यासारखा झाला होता.

४. सुरुवातीला कंन्फ्यूज करणारी ही काही प्रश्न
how long you been xxx(city name) आणि How long you will be in xxx (city name) ?
How do you like it ?
what are you up to ?
कधीकधी समोरचा माणूस कधी प्रश्न विचारतोय हे समजायचे नाही, तो बोलायचा थांबला आणि
आपल्याकडे प्रश्नार्थक पाहु लागला की आपण काहीतरी बोलायचे येव्हढे समजले होते.

के रॉजर... एकदम भारी. मी जाते आज.

आम्ही पहिल्यान्दा learning liencence काढायला गेलो तेव्हाचा किस्सा. आमेरिकेत अगदी नवीन त्यामुळे accent कळत नव्हता. खिडकीमागची म्हातारी वैतागलेली होती कारण आम्ही christmas eve ला (24th Dec) गेलो होतो. तिने विचारले 'Are u citizen?'. माझा नवरा म्हणाला 'Yes'. तिने मोठ्ठाले डोळे केले आणि जोरात ओरडली, 'Are..... u citizen....?'

माझ्या एका मित्रांनी सांगितलेला त्याचा स्वत:चा किस्सा ..
इकडे नवीन नवीन आलेला. कामावर पहिल्या दिवशी रुजू झाला. ओळखी पालखी झाल्या. देशी अमेरिकन उच्चारांच्या मुळे नक्की काय बोलतय ते कुणालाच धड कळत नव्हते. म्हणजे याचे त्यांना त्यांचे याला . थोडा वेळानी यांनी बाथरूम ला जायचे म्हणून आजूबाजूला विचारले पण ते गोंधळले शेवटी "ओह .. यू मीन रेस्टरूम .." असं म्हणून त्याला रेस्टरूमची दिशा दाखवली. दरवाजा उघडून तो आत गेला आणि अर्ध्या मिनिटात ऑफिस मधला एक गोरा येऊन त्याच्या शेजारच्या स्पॉट मध्ये उभा राहिला आणि याला विचारलं "हे.. हौ इज इट गोइंग ? " हा मनात म्हणतो .."आयला इकडे "हे" कसे चालले आहे याची पण चौकशी करतात?"

सर्वांचेच किस्से भन्नाट
मोहना आता अमेरिकेतील किश्श्यांचा वेगळा बीबी च उघडून टाक..

मोहना, छान जमलय लेख ..

के-रॉजर ..

भन्नाट किस्से खरंच!

मी इथे डॉक्टरकडे गेले तर मला "you want to see a doctor?" असं विचारलं तिथल्या रिसेप्शनिस्टने. मला कळेना, मी काय डॉक.ला बघणार! डॉक मला बघणार ना! ते समजून मला नीट उत्तर द्यायला २ मिनिटं लागली.
असाच एक प्रश्न म्हणजे जनरली कोणीही विचारतं, How are you today? आता टुडे वगैरे मला आजवर तरी फक्त डॉक्टरांनीच औषधं घेतल्यावरचा रिझल्ट म्हणून विचारलं होतं. मला फक्त हौ आर यू चीच सवय. शिष्टाचाराच्या बाबतीत फार बेसिक घोळ व्हायचे माझे!

मला माझे पहीले for here or to go संभाषण आठवले.
अमेरीकेतला/युनिव्ह मधला पहिलाच दिवस पहिले लंच..
for here or to go हा प्रश्न त्या बाईने २-३ वेळा विचारल्यावरही मला झेपलेच नाही काय म्हणाली ते मी तिला Its a vegetarian sandwich असे उत्तर दिले होते.
आणि बँकेत अकाऊंट उघडायला गेले होते तेव्हा त्या माणसाने how long you been here विचारले तेव्हा मी - डिपार्टमेंट कुठे आहे असा प्रश्न विचारलाय असे अंदाजाने समजून उत्तर दिले होते - in front of the bank.

n front of the bank. >>

के मार्ट आणी के रॉजर मधे गेलो होतो (kroger >>

असं बरेच साउदी इंडियन Meijer ला मेजर म्हणतात. Louisville ला लुईसव्हिले आणि सगळ्याच ville ला व्हिल्ले असे अजूनही बरेच लोक म्हणतात.

आल्याच्या पहिल्याच दिवशी रात्री शेजारच्या वेन्डीज मध्ये गेलो तर तिथे तिने परत फॉर हिअर ऑर टू गो विचारले, मी तिला जेट लॅग मध्ये व्हॉटेवर म्हणालो, अन दोन मिनिटानंतर ट्युब पेटली की हियर म्हणजे इथे खायचे का? असे असेल.

वॉटर विदाऊट आईस असे मी ही पहिल्या १५ दिवसात म्हणले आहे. समोरचा गार!

एकदा पिझ्झा खायला मैत्रीनी समवेत गेलो, डिनर फॉर टू घेतल्यावर त्या बाईने सहज हात खाली केला. मैत्रीनीला वाटले की ति टाळी मागत आहे. म्हणून तिने टाळी दिली. वेट्रेस गार, तिला कळेचना काय झालं ते. मग गेली.

गार्ब्रेजच्या शेजारच्या वस्तू लोक का उचलून आणतात हे मला अजूनही कळाले नाही. खूप लोक आणतात ते पैसे वाचविन्यासाठीच, भारतात तुम्ही असे केले असते का? तिथे नीट लिव्हिंग स्टॅन्डर्ड ने राहता तर त्यापेक्षा आणखी जास्त इथे का राहत नाही? असे विचारल्यावर बरेच लोकांनी, त्यात काय, इथे कोण पाहातं, चांगलंच असतं की ते, वापरायंच काही दिवस असे उत्तर दिले. समहौ मला ते आवडत नाही. सरळ नवीन घ्या की, अगदीच नवीन घेता आली नाही तर जुनी, बर्‍यापैकी घ्यावी.

नवीन नवीन आल्यावर पब्लीक डॉलरला रू त कन्वर्ट करते ते पाहूनही मजा येते.

जोशी आपण असिस्टंटशीप असलेले/ नसलेले, अर्धीच असलेले असे काही स्टुडंट नव्हता काय उसगावात? त्या अवस्थेत फुकट ते पौष्टीक याची कमाल सवय लागते हो.
आमच्या आसपास सगळे स्टुडंटस्च असल्याने गार्बेजमधे काय फारसं पडायचं नाही. माझ्या पहिल्या सेम मधे अमुक एका देसी घरातून ड्रेसर ड्रॉवर + आरसा गार्बेजमधे जाणारे अशी टिप लागल्यावर तडमडत गाडी बिडी मॅनेज करून ते आणायला गेले होते. टाकणार्‍यांना अचानक तो ड्रेसर ड्रॉवर विकावा असं वाटायला लागलं मी धावत गेलेली बघून. मग मी त्यांना सांगितलं जाऊदेत तुम्ही गार्बेजमधे टाका. मी पोचेतो जेवढं उरलं असेल तेवढं मी तिथून घेऊन जाईन. (बार्गेनिंग करायची सवय दुसरं काय!). मग त्यांनी गपगुमान तो य जुना झालेला ड्रेसर ड्रॉवर मैत्रिणीच्या ट्रकमधे भरायला मदत केली. सेटशॉपमधून हत्यारं उधारीवर आणून त्यातले २ ड्रॉवर्स दुरूस्त केले. आणि पुढे तीन वर्ष मी वापरला. मग माझ्या रूममेटने मी परत निघाले यायला तेव्हा मागितला आणि तिनेही अथेन्समधे असेतो वापरला. पुढे काय झालं माहित नाही.

भारी!

"डू यू वाँट रूम" राहिलं की - नीट विचारी की कॉफीत दूध हवय का..

एकदा मॅनेजर येऊन म्हणाला 'जॉन हॅज गॉट अ फ्यु सायकल्स"
मी त्याच्याकडे 'बर असतील, मग मी काय करू' अशा थाटात पाहिलं... तो पुन्हा "जॉन हॅज गॉट अ फ्यु सायक्ल्स..तू ओव्हरलोडेड आहेस ना, तर कुठलीतरी गोष्ट त्याला देऊ शकतेस"
मग माझ्या डोक्यात प्रकाश पडला..
'आय वाँट टू हॅव अ वर्ड विथ यू' चा अर्थही मला मी कुणावर तरी वापरल्यावर कळला.

डिनर फॉर टू घेतल्यावर त्या बाईने सहज हात खाली केला. मैत्रीनीला वाटले की ति टाळी मागत आहे. म्हणून तिने टाळी दिली. वेट्रेस गार, तिला कळेचना काय झालं ते. मग गेली.>>

अमेरिकेत कुठ्ल्या ही दुकाना ला फोन करून आपल्याला ते किति पर्यंत उघडे आहेत असं विचारायचे असेल तर, सवयीने बरेच लोकं " Up to what time are you open ?" असं विचारतात आणी पलिकडून हमखास उत्तर येतं " We open at nine'o clock in the morning". पण जर विचारलं "At what time do you close? "तरच कळतं कि दुकान रात्री १० ला बंद होतयं.

" के रॉजर " फेम चिरंजीव पहिल्यांदा पार्टी ला आले होते. होस्ट मुलगी अमेरिकन होती. तिनि दारातचं बिचार्‍याला hug देऊन जरा ऑकवर्ड पोझिशन मधे टाकलं होतं. मग तिनी अगदी प्रेमळ पणे विचारलं
" Do you want punch ? " ( punch एक सरबताचा प्रकार ) आणी हे महाराज " Nooooooooooo, " करून जोरात ओरड्ले आणी एकदम पाच पावले मागे. ती बिचारी "Ok ok no problem, no stress " म्हणाली आणी दुसर्‍या कुणाला अटेंड करायला गेली. मला पण कळेना कि ह्याला काय झालं ? म्हणून त्याला विचारलं तर म्हणे "First she lovingly hugs me and then wants to punch me. Yand yasking me if I want punch, am I madd or whaatt to say yess."

मला खूप वाईट वाटलं कि साध्या वातावरणात वाढल्या मुळे काही काही गोष्टी कळायला अवघड जातात. मी त्याला शक्यतो सगळं एक्स्प्लेन करून सांगायचे, पण बरेच वेळा असे काही काही प्रसंग यायचे.

सॅन्टा फे ऑपेरा मधे समर इंटर्नशिप करत असताना एक दिवस काहीतरी कारणामुळे आमच्या टेबलवरचे (टिममधले) ड्रेसिंग अ‍ॅप्रेन्टीस (मी आणि अजून २) संध्याकाळी शोच्या वेळेला जाम खुशीत होते. आमची धमाल बघून एका सिंगर अ‍ॅप्रेन्टिसने विचारले काय चाल्लेय. तर त्यावर मी महाबाव्ळटासारखे उत्तर दिले "I am very happy today." त्यावर त्याने सहजपणे विचारलेला प्रश्न "why? you got ..........?" मग त्याचा अर्थही मला न कळून मी what? म्हणणं. बरोबरच्या दुसर्‍या ड्रेसर अ‍ॅप्रेन्टिसने माझ्या वतीने No no she is a good Indian girl! असं दिलेलं उत्तर. सिंगर अ‍ॅप्रेन्टिसची पण बुचकळ्यात पडलेली रिअ‍ॅक्शन. मी अजूनच 'द कन्फूज द इंतरनॅसिओनेल' मग अजून तिसर्‍याच मैत्रिणीने हळूच प्रश्नाचा सांगितलेला अर्थ. आणि माझी तिथून झटक्यात एक्झिट. शो भर मी तोंडच लपवत होते उगाच. एक ABCD सिंगर अ‍ॅप्रेन्टिस होता. त्याला किस्सा कळल्यावर त्या प्रश्न विचारणार्‍या सिंगर अ‍ॅप्रेन्टिसला त्याने कोपरापासून दंडवत घातला आणि बालका, भारतात असं नसतं. असं सांगितलं. त्यानंतर शो संपेतो तो प्रश्न विचारणारा सिं अ‍ॅ सॉरी म्हणायला मला शोधतोय आणि मी उगाचच embarrassed होऊन तोंड चुकवून पळतेय असला प्रकार.

मग लवकरच म्हणजे एकदोन दिवसातच सर्व कॉश्च्युम शॉप आणि सर्व सिंगर अ‍ॅप्रेन्टिसांच्यात हा किस्सा पसरला. आणि नंतर सगळ्यांनी त्या प्रश्न विचारण्याची खिल्ली उडवायचा एकही चान्स सोडला नाही. बिचारा.

भारी किस्से आहेत सगळे...
(किश्श्यांचा नवीन बीबी कश्याला? इथे सुरू झालेलेच आहेत... तेच पुढे चालू ठेवा. हा का ना का )

"For here or to go" ल बरेच जण गोंधळतात..>> मग हा गोंधळ दुर करा ना.. म्हणजे तुम्हि तरी सांगा ना "For here or to go" म्हणजे नक्कि काय??

मी_चिऊ, एखाद्या रेस्टॉरंट मध्ये गेल्यावर विचारतात ना 'इथेच खाणार की बांधून देऊ' तेच ते!

अफाट आहेत किस्से.

एकदा मॅनेजर येऊन म्हणाला 'जॉन हॅज गॉट अ फ्यु सायकल्स"
मी त्याच्याकडे 'बर असतील, मग मी काय करू' अशा थाटात पाहिलं... तो पुन्हा "जॉन हॅज गॉट अ फ्यु सायक्ल्स..तू ओव्हरलोडेड आहेस ना, तर कुठलीतरी गोष्ट त्याला देऊ शकतेस"
मग माझ्या डोक्यात प्रकाश पडला..
'आय वाँट टू हॅव अ वर्ड विथ यू' चा अर्थही मला मी कुणावर तरी वापरल्यावर कळला.

>>> नानबा यांचे अर्थही सांगणे प्लीजच.

For here or to go - जनरली फास्टफूडच्या चेनींमधे खाणं ऑर्डर केलं की हे विचारतात.
For here? म्हणजे इथेच बसून खाणार का?
or to go? म्हणजे पार्सल हवेय का?

'आय वाँट टू हॅव अ वर्ड विथ यू' - मला तुझ्याशी जरा बोलायचंय.

>>> एकदा मॅनेजर येऊन म्हणाला 'जॉन हॅज गॉट अ फ्यु सायकल्स"
मी त्याच्याकडे 'बर असतील, मग मी काय करू' अशा थाटात पाहिलं... तो पुन्हा "जॉन हॅज गॉट अ फ्यु सायक्ल्स..तू ओव्हरलोडेड आहेस ना, तर कुठलीतरी गोष्ट त्याला देऊ शकतेस" <<<
हे माझ्या डोक्यावरून.

हा हा...

जॉन हॅज गॉट अ फ्यु सायकल्स>>> म्हणजे त्याच्याकडे थोडा वेळ आहे

.

जॉन हॅज गॉट अ फ्यु सायकल्स>>> म्हणजे त्याच्याकडे थोडा वेळ आहे

>>>> देवा रे. हे सर्वसामान्य माणसानं कसं समजायचं म्हणे?

मस्त लिहीले आहे प्रतिक्रियांमधले किस्सेही मस्त.

ह्म्म मी तरी ऐकलं नाही हे कधी.

Since I am a good christian/ as a good christian हे वाक्य आधी मला शब्दशः अर्थ कळूनही समजायचं नाही.
साउथ आणि न्यू मेक्सिको (सदर्न बॅप्टिस्ट आणि कॅथलिक बहुल भाग) अश्या ठिकाणीच जास्त राह्यल्यामुळे हे फारच ऐकायला मिळायचं. जाम इरिटेट व्हायचं. मग लक्षात आलं की कुठलीही माणुसकीची किंवा चांगुलपणाची गोष्ट ते या ख्रिश्चन असण्याशी जोडतात. इरिटेट तरीही व्हायचंच पण बोलणारे बहुधा वयस्क आणि खरंच अतिशय गोड असे लोक असायचे त्यामुळे जाउ द्या झालं.. पण मग 'मी भारतीय आहे म्हणून...' ने सुरूवात करून मी पण वाक्यं ऐकवायचे त्यांना.

मला वाटतय वेगळा बाफ बनवून पोस्टी हलवाव्यात नाहितर हा बाफ हायजॅक व्हायचा.

स्टू. लाईफ चे किस्से तर महान असतात. असिस्टंट असताना चे फेमस फजिती पैकी एक माझ्या रूमी ने तीच्या क्लास मध्ये अनांउस केले: ओके टेक आउट युवर पेंसिल अँड रबर..
(विचार करा तीची काय अवस्था झाली असेल, आणि तेही अंड्ररग्रॅड क्लास मध्ये असिस्टंट होती. कहर म्हणजे ईरेजर शब्द तीला महित होता पण जुनी सवय नडली!)
त्यातही एकाच क्लास मध्ये गोरे आणि कृष्ण मिक्स जनता असेल तर तुम्ही कुठलाही अ‍ॅक्सेंट तोंड वेडी वाकडी करून बोललात तरी एक गट मख्ख चेहेरा करायचाच :)..पण चिंक्यांईतका भयानक अ‍ॅक्सेंट जगात कुठेही नसेल. अगदी कवळी लावल्यागत बोलतात.