हुलग्याची उसळ आणि सार

शिंगोळ्यांचा अनुल्लेख केलेल्या सर्वांचा निषेध !!!

कुळथाचं पिठलं...अहाहा!!
मला बाकी काही नाही आवडत कुळथाचं. पण कांदा घातलेलं, लसूण घालून फोडणी दिलेलं, आमसूल घातलेलं पिठलं म्हणजे लय भारी!
सगळे लोक पिठलं-भात आवडीने खातात, पण मला या पिठल्याबरोबर पोळीच्च हवी असते!!

उसळ कधी खाल्ली नाही. करुन पाहीन आता. थँक्स प्राची.
मागे एकदा टण्याच्या आईने कुळथाच्या पिठल्याची कृती लिहीली होती, तेव्हापासून ते रेग्युलरली करते.
छान लागते.

प्राचीतै, काल दोन्ही केलं. मस्त! पावसात भिजून गुर्गुट्या भाताबरोबर गर्र् र्र् म सार /कळण... उईम्म्म्म्म्म्मा!
हे उष्ण असतात कळाले तेव्हा कपाळालाच हात लावला. पण सर आली धावून, कुळीथ घेतले खाऊन.

धन्स मंजुडी. आता ईथे शोधते.

प्राचीताई,वाचून तोंपासू खायला कधी घालताय ? कुळथाची उसळ आणि सार मस्तच पण पिठले खात नाही. लहाणपणी गणपतीपुळ्याला ३ दिवस गेलो होतो. तेव्हा हाटेलची सोय नव्ह्ती त्यामुळे ब्राम्हणांकडे जेवायचे. त्यानी ३ दिवस स़काळ्-संध्याकाळ सेम पिठले पण कांदा वैगेरे न घालता खायला घातले...त्या चवीचा बालमनावर आघात झाला आहे तो अद्यापी आहे

व्वा, छान पाकृ ! लहानपणी घरी नेहमी कुळिथ/ हुलगे यांचे पदार्थ असायचे, कढण/ सार, पिठलं, उसळ, शेंगोळे ....! हुलग्याच्या सारात ताक घालून खायची पद्धत आहे आमच्या कडे (नाशिक जिल्हा)!
पण कुळिथ/ हुलगे उष्ण प्रकृतीचे असल्याने सहसा त्यात आले, लसूण घातला जात नाही, थोडा काळ/ गोडा मसाला घालतात! आणि expected mothers ना तर वावडेच असते.
एक पारंपारिक रेसीपी शेअर केल्या बद्दल धन्यवाद!

नीधप, माडगं म्हणजे भरपूर पाण्यात हे पिठ कालवून शिजवायचे आणि त्यात थोडे मीठ आणि गूळ घालायचा. अशक्तपणा, थंडी यावर हे पितात. चांगले शक्तीवर्धक पेय आहे हे.

शंकर पाटलांच्या, भुजंग कथेत याचा उल्लेख आहे तसेच, केला ईशारा जाता जाता, चित्रपटात पण लिला गांधी, उषा चव्हाण ला हे करुन देते, असा प्रसंग आहे.

कुळीथ देशावर होत नाहीत, पण कोकणातून प्राचीन काळापासून व्यापारी ते घाट चढून नेत आले आहेत.

कुळथाचं सार/पिठलं/उसळ सगळच खूप आवडत. ह्या धाग्याबद्दल आभार आणि सिंडी / मंजूडी , ते इथे कसं शोधायचे ते सांगितल्याबद्दल तुमचे पण आभार.

मला मिळाले देसी दुकानात हुलगे. भिजवून शिजवून ठेवलेत. आज-उद्यात उसळ

यम्मी

शिंगोळ्यांचा अनुल्लेख केलेल्या सर्वांचा निषेध !!!>>>
सिंडे करून मला पाठवुन दे ना

सायो... सेम पिंच...

कुळीथ कसे दिसतात त्याचा फोटू टाका ना कोणीतरी. मी कधीच खाल्ला नाहीय हा प्रकार

हे बघ असे दिसतात. इंग्रो मध्ये Horse gram नावाने मिळतात.

धन्स सावनी. यांची कधी कोणाला अ‍ॅलर्जी वगैरे असल्याचे ऐकिवात आहे का?

सापडली

कुळथाची आमटी ...
१ छोटी वाटी मोड आलेले कुळीथ +थोडुसा कांदा +पाणी घालून कुकरमधून उकडून घ्या. १-१ १/२ चमचे तेलावर १ लवंग,४ मिरी,अर्धा इंच दालचिनी व थोडे धणे घाला.त्यात उभा चिरलेला अर्धा कांदा + थोडे ओले खोबरे घालून लालसर रंगावर परतून घ्या.थंड झ्याल्यावर त्यात पाणी व चिंच घालून गुळगुळीत वाटा.कुळथामधे मीठ, हळद,मसाला घालून १ उकळीआल्यावर वरील वाटण घाला. १ उकळी येऊ द्या. सोललेल्या व ठेचलेल्या २-३ लसूण पाकळ्या व अगदी थोडी मोहरी यांची फोडणी करून आमटीवर घालून झाकण लावा.

आवडतं कडधान्य आहे हे. तांदळाच्या भाकरीबरोबर भरपूर रस सोडलेली उसळ हा नेहमी होणारा मेनू आहे. पण सार कधी केले नाही, सुचलंच नाही. बरं झालं हा धागा वर आला, थँक्स प्राची, आता करून बघते. गरमागरम छानच लागेल. उसळीला रस लागतो घरच्यांना त्यामुळे शिजवलेले पाणी वेगळे काढले जात नाही.
देवकी, तुझी आमटीही वेगळी दिसतेय. जरा कुटाणा वाटतोय, करून बघायला हवी. चिंच घालायची आहे पण गुळबीळ दिसत नाहीये. नाही घालायचा का?

गूळ अजिबात घालायचा नाही.

हे झालं हुलग्याचं सार तयार. >> मस्तच! करून पहायला हवे.
कुळथाची पिठी कशी करतात ?

हुलगे एकदम गडद निळे (जवळ जवळ काळेच) असतात ना?

बिल्वा यांची वरची पोस्ट पहा

हो पाहिली. म्हणूनच शंकानिरसनासाठी हा प्रश्न विचारला. आम्ही ज्याला हुलगा म्हणतो तो गडद निळा / काळसर असतो.
( शेतातल्या ओल्या शेंगामधले दाणे गडद निळे असतात. पूर्ण भरल्यावर, वाळवल्यानंतर काळे दिसतात.)

मग नाही हो माहीत!आम्ही दुकानातून वरीलप्रमाणे कुळीथ घेतो.अरे तुम्ही म्हणता ती शेंग पांढरट असते का?
त्याच्या दाण्याना काय म्हणतात विसरले.पण कुळीथ नाही.

शेंगा आधी हिरव्या असतात. पिकून वाळायला लागल्यावर पिवळ्या होतात.

इथे असं समजलं की हुलग्याच्या बिया पिंगट, तांबूस किंवा काळ्या असतात. म्हणजे आम्ही ज्याला हुलगा म्हणतो तो आणि कुळीथ एकच असावे.

मला शक्य झाले तर कधीतरी हुलग्याच्या रोपाचा, शेंगांचा आणि दाण्याचा फोटो टाकीन, असंच माहिती म्हणून.

हुलगा आणि कुळीथ एकच.

हो, रंगामुळे संभ्रम निर्माण झाला होता.