एक त्रागा सुनेचा

Submitted by विदेश on 5 April, 2011 - 04:12

(चाल : एक धागा सुखाचा -)

एक त्रागा सुनेचा , शंभर त्रागे सासूचे -
घरोघरी हे चित्र माणसा , तुझिया संसाराचे !

तू असशी जरी कर्ता तगडा ,
सासू सुनेचा बघशी झगडा -
सुटकेसाठी करशी नाटक - तूच आजारांचे !

उचलबांगडी बालपणाची ,
धुळीत स्वप्ने तारुण्याची -
जीर्ण माय मग उरे शेवटी - अजीर्ण अर्धांगीचे !

सासू सुनातें बघतो कोणी ,
एक सारखी बसती फुगोनी -
कुणा न दिसले , भांडणात त्या - हाल बिचाऱ्याचे !

गुलमोहर: 
विडंबन
शेअर करा