व्यथा सासुची

मुक्तेश्वर यांची माफी मागुन
http://www.maayboli.com/node/21876

==============================

लाडक्या लेकाच्या संसाराला
आणली घरा सून, आणली घरा सून
शिकली सवरली आणली शोधुन शोधुन,
पण तिने काढले मलाच घरातुन...

आल्या आल्या धरला लेकाशी अबोला
होता तिचा फक्त पैशावर डोळा
कमवायच्या नावानी होती भोपळा
लेकाला आता दिसती माझेच अवगुण...
दिसती माझेच अवगुण...
संसाराला सुरुवात ...

सुनेने रचला हाकलायचा कट
लेकाला घातलीय अवघड अट
म्हणे आता संपवा ही कटकट
आहे बिचारा आता तिला भिउन..
तिला भिउन..
संसाराला सुरुवात ...

लेकाने आणली मला नवी साडी
कधी नव्हे ती माझ्यासाठी गाडी
पाहिली खिडकीतुन वृद्धाश्रमाची वाडी
गेला निघुन मला तिथेच ठेउन....
तिथेच ठेउन....
संसाराला सुरुवात ...