किन्वाची साबुदाणा खिचडी

Submitted by कल्पु on 20 March, 2011 - 11:55
प्रत्यक्षात लागणारा वेळ: 
४५ मिनिटे
लागणारे जिन्नस: 

१ कप किन्वा (मी कॉस्को मधून 2 lb च पाकिट आणल)
१ १/२ कप उकळत पाणी
३/४ टे-स्पून खमंग जीरा पावडर (आवश्यक)
३/४ टे-स्पून अख्खे जीरे (फोडणीसाठी)
३ हिरव्या मिरच्या आणी ३/४ कप शेंगदाणे (भरड कूट करून)
२ टे-स्पून शेंगदाण्याच तेल
१ टे-स्पून साजुक तूप
१ टे-स्पून सा़खर
१ १/२ स्पून लिंबाचा रस
१/२ कप ओल खोबर
१/२ कप बारीक चिरलेली कोथिंबीर

क्रमवार पाककृती: 

कृती किन्वा फुलवण्याची
१ १/२ कप पाणी उकळवत ठेवा आणि त्यात १ कप किन्वा टाका. मिक्स करून घ्या आणि मंद आचेवर, झाकण ठेउन शिजत ठेवा. साधारण १० मिनिटात किन्वा शिजतो आणि फुलायला लागतो. त्यानंतर गॅस बंद करून, झाकण ठेउन किन्वाला सावकाश फुलू द्यात. ज्वारी सारख टणक texture असलेला किन्वा मऊ होतो. २० मिनिटानी झाकण काढा आणि गार होउ द्यात. मधे मधे काट्याने मोकळा करून घ्या. १ कप कच्चा किन्वा शिजून आणि फुलून २ कप होतो. मोकळा होण्याकरता फक्त दिडपट पाणी लागत.

कृती खिचडीची:
गार झालेल्या अणि फुललेल्या किन्वा मधे मीठ, साखर, जीरा पावडर, दाण्या-मिर्चीच कूट टाकून मिक्स करून घ्या.
किन्वाला, तिळासारखा एक मंद वास असतो जो खंमग भाजून केलेल्या जिरेपूडामुळे mask होतो. मी regular साबुदाण्याच्या खिचडीत सुद्धा जिरेपूड घालते.
एका जाड बुडाच्या पातेल्यात तेल्-तुपात जिरे घालून फोडणी करा
जिर्‍यांचा रंग बदलला की वर तयार केलेल किन्वाच मिश्रण घालून परतून घ्या.
झाकण ठेउन दणदणीत वाफ येउ द्यात.
लिंबाचा रस घाला, परतून घ्या. अजून एक वाफ येउ द्यात.
खोबर-कोथिंबीर घालून मिक्स करून घ्या.

वाढणी/प्रमाण: 
४-५ पाच माणसांना पुरते.
अधिक टिपा: 

किन्वा अमेरिकेच्या बाहेर कुठे मिळतो हे माहिती नाही पण हा pseudo grain अमेरिकेत खूप पॉप्युलर होतो आहे. भरपूर प्रोटिन्स असलेला किन्वा खूप भारतीय पदार्थात पर्याय म्हणून वापरू शकतो. उदा. उपमा, सांजा, पुलाव. मायबिलीवरच्या सुगरणी तर अजून टिप्स देतील. हि खिचडी इतकी साबुदाण्याच्या खिचडी सारखी लागते कि.....माझ ऐकू नका..करूनच बघा. फोटो आहेत पण jpeg images कश्या टाकायच्या हे महिती नाहित.

माहितीचा स्रोत: 
राधिका चेंबूरकर्-मैत्रिण
आहार: 
शाकाहारी
पाककृती प्रकार: 
उपाहार
प्रादेशिक: 
अमेरिकन
शब्दखुणा: 
किन्वा
साबुदाणा खिचडी
Group content visibility: 
Public - accessible to all site users
शेअर करा

आत्ताच करुन बघितली. छान लागते (मलाही थोडी वर्‍याच्या तांदुळा सारखी चव वाटली.)
मी खिचडी करताना फोडणीत काकडी घालते तशी ह्यात पण घातली मस्त चव लागते
म्हणुन बाजुला काकडीच्या फोडी ठेऊन सजावट केली आहे.
IMG_4729_1.JPG
छान पाकृ. बद्दल आभार. Happy

Submitted by अनुश्री. on 29 March, 2011 - 23:22

मस्त आहेत सगळ्यांचे फोटो. मी पण आज केली होती. एक छोटीशी अ‍ॅडिशन मी केली ती म्हन्जे नेहमीच्या खिचडी ला मिरची + आलं वाटून लावते. तसचं ह्याला पण केलं. खूपच छान प्रकार आहे. धन्यवाद कल्पु रेसिपी शेअर केल्याबद्दल.
किन्वा पुलाव पण चांगला होतो. मिनोती ने छान पाकृ दिलीये तिच्या ब्लॉग वर.

Submitted by बिल्वा on 30 March, 2011 - 21:33

मी पण करुन बघितली रविवारी..मस्त झाली होती.मला देखिल थोडी वर्‍याच्या तांदूळासारखी वाटली.बहुतेक फुललेला किन्वाचा साईज वर्‍याच्या तांदूळासारखा असल्यामुळे वाटत असेल.मस्त हेल्दी ऑप्शन आहे साबुदाणा खिचडीला....थँक्यू कल्पु Happy

Submitted by पूर्वा on 5 April, 2011 - 11:37

कल्पु, मी केली होती. आवडली. धन्यवाद. Happy

ही रेसिपी सार्वजनिक नाही आहे. धागा संपादित करुन 'ग्रूप' लिन्क क्लिक केल्यावर एक चेकबॉक्स दिसेल तो सिलेक्ट करुन रेसिपी सार्वजनिक करता येईल. सध्या फक्त ग्रूपच्या सदस्यांनाच दिसते.

Submitted by लालू on 7 April, 2011 - 18:32

शेवटी आज मुहूर्त लागला किन्वा खिचडीला. एकदम आवडली. परत परत केली जाणार ही खिचडी.

बाजारातून किन्वा आणल्यावर कळले की मी मागे एकदा एक किन्वाचे पाकीट आणले होते अंबाडीच्या भाजीत ज्वारीच्या कण्या म्हणून घालायला (किन्वा ज्वारीसारखे दिसते म्हणून) तेव्हापासून ते तसेच पडून होते. आता लगेच संपेल.

Submitted by रूनी पॉटर on 19 April, 2011 - 21:25

तुमची रेसिपी आणि इकडे बाकीच्यांनी टाकलेले फोटो पाहुन घरच्य क्विनोआला धीर आला असणारे...
एक दोन दिवसात करणार आहे.....मस्त आहे रेसिपी...:)

Submitted by वेका on 6 April, 2012 - 12:32

अनायसे खिचडी वर आली म्हणून किन्वुदाणाखिचडीबद्दल पुन्हा एकदा खूप खूप धन्यवाद! आठवड्यात एकदातरी होतेच! आता इतर नातेवाइकांना याची लिंक पाठवलीय. त्यांच्याकडेपण लई पापिलर!

kinva-khichadi.jpg

Submitted by मृण्मयी on 6 April, 2012 - 13:21

मी पण केली किन्वा खिचडी. अगदी साखि ची चव लागते. खाताना स्वतालाच आठवण करून द्यायला लागत होती कि ही साखि नाहीय म्हणून. खूप आवडली. रेसिपी बद्दल धन्यवाद.

मी आणलेले किन्वा प्रिवॉशड आहे असं त्या पाकिटावर लिहलय.

किन्वा च्या अजून काही रेसिपीस आसतील तर प्लीज लिहा.

Submitted by बिनू on 16 April, 2012 - 01:03

आत्ता केली हि खिचडी. मला साबुदाणा खिचडी सारखी वाटली नाही चव पण ओवरऑल आवडली चव. हेंल्थ च्या दृष्टीने चांगली म्हणून करेन आता नेहमी. कल्पू थान्क्स तुला Happy हा फोटो.

Quinoa.jpg

Submitted by क्रिशा on 15 June, 2013 - 16:35

मी ट्रेडर जो'स मधुन पाकीट आणलंय पण ते किन्वं ज्वारीसारखं टणक वगैरे नाही. चवीत फरक पडेल का? कोणी ट्रेडर जोच्या कीन्वंची खिचडी केलीये का?

Submitted by शिल्पा बडवे on 16 June, 2013 - 00:16

फार सुंदर झाली ही खिचडी. तरी तुप जरा चिक्कुपणानेच घातले होते. वरुन ओलेखो. , को. काही नाही पण सुंदर चव.
आता नेहमी करणार. साबु. खि. खुप आवडते पण साबुदाण्याच्या गुणधर्मामुळे कधी करत नाही. आता काळजी नाही. सर्व फोटो झकास आलेत. वरती लिहिलेले बदल करुन पण पहाण्यात येतील.

Submitted by सुनिधी on 16 January, 2014 - 19:00

मी एक दोन वेळा केली ही खिचडी पण साबुदाण्यापेक्षा भगरीची खिचडी करतात उपवासाची तशी लागली. राजगिर्‍याचं टेक्श्चर आहे किन्वाला. मी लोकल ग्रॉसरीतून आणला होता.

Submitted by सिंडरेला on 16 January, 2014 - 20:07

Pages