माझी पुणेरी पाटी...!!!

सोसायटीत ओनर पार्कींग नसल्याने कॉमन पार्कींग मध्ये गाडी पार्क करावी लागते. त्यामुळे गाडीवर नेहमी कोण न कोण बच्चे कंपणी बसलेली असतेच. खुप वेळा समजाउन सांगितले तरी ऐकत नाही. या रविवारीही असंच दोघे मुलं गाडीवर बसलेली, वर कहर म्हणजे आरसे हालव, गियर टाक वगैरे करत होती. तेव्हा मी त्या मुलांना खडसावलेले. वाटले प्रकरण तिथेच संपले असेल. पण काल सकाळी जेव्हा गाडी काढली तेव्हा जाणवले की गाडीच्या इग्निशन मध्ये काड्या खुपसुन ते बंद केलंय, त्यामुळे चावी इग्निशन मध्ये जात नव्हती. मागील एक इंडीकेटर फोडलं गेलंय आणि कहर म्हणजे पेट्रोल टाकीवर तर 'YOU F**K' लिहीलंय. तेव्हा गडबड होती म्हणुन संध्याकाळी त्या मुलाला शोधता येईल म्हणुन दिवस तसाच घालवला, पण मनात राग नि चिडचिड होतच होती.

रात्री जेव्हा त्या मुलाची माहीती काढली तेव्हा कळले की तो सोसायटीच्या चेअरमनचाच मुलगा आहे. तेव्हा तडख त्याच्या घरी गेलो नि त्यांच्या घरच्यांना सांगीतले. काल तुमच्या मुलाला मी गाडीवर बसुन उद्योग करण्या बद्दल रागवले तर माझ्या गाडीवर आज असे असे प्रकार आढळले. त्या मुलाला विचारायच्या ऐवजी तो माझ्यावरच ओरडायला लागला की कशावरुन त्याने केलंय. तुम्ही तुमच्या डोळ्याने पाहीलंय का वगैरे वगैरे.. मी म्हणालो की गेल्या दिड-दोन वर्षापासुन इथे राहतोय, पण गाडीला काही झाले नव्हते. पण काल तुमच्या मुलाला रागवले आणि आज असं झाले म्हंटल्यावर मला संशय तुमच्या मुलावर येणे सहजीकरच आहे. आणि म्हणुन मी विचारायला आलो. तर त्याची उलट माझ्यावरच आरडा-ओरडा चालु झाला. रागात मीही बोल्लो की 'ठिके तुमच्या मुलानं केलं नाहीतर सोडुन द्या, पण ज्या मुलानं केलंय त्याने त्यांच्या आई-वडीलांचे संस्कार दाखवले'. त्यावर तो आणखिनच चिडला म्हणे हे सगळं मला का सांगताय, याचा अर्थ माझ्या मुलाला बोल्यासारखे आहे. मी म्हंटले की जर तुमच्या मुलानं केलं नसेल तर सोडुन द्या ना.

घर मालक शेजारच्याच बिल्डींग मध्ये असल्याने त्यांच्या कानावर ही गोष्ट सांगितली तर त्यांनी 'ठिके, मी बोलेन कोणाशीतरी. माझ्याही गाडीला खुप वेळा असं झालंय. प्रत्यक्ष पाहील्याशिवाय कोणी काहीच करु शकत नाही' एवढ्यावरच भागवलं.

माझ्या मनाची चिडचिड काही केल्या कमी होईना... मनात विचार आला की च्यामारी इथे आपण नविन असल्याने, स्थाईक नसल्याने असं काही सहन करावं लागतंय. पुण्यात भाद्याने रहायचंच चुकतंय (कारण हा असा आलेला दुसरा अनुभव). तेव्हा मला पुणेरी पाट्याचं कनसेप्ट आठवली. सकाळी उठल्या उठल्या खाली लिहलेला मजकुर टाईप करुन प्रिंट काढली आणि त्याच्या ४-५ कॉपीज मी जिथे पार्क करतो तिथे आणि सोसाईटीच्या निटीस बोर्डवर लावुन आलोय.

==================================================================
|| सत्कार ||

खालील उद्योग केलेल्या पाल्याच्या आई-वडीलांचे जाहीर सत्कार करायचे योजीले आहे. त्यांनी आपल्या पाल्यावर केलेल्या संस्कार आणि पाल्याने ते संस्कार माझ्या वाहनावर दाखवल्याने भावनाविवश होऊन हा निर्णय घेतला आहे. तरी सदर पाल्याच्या पालकांनी संपर्क केल्यास पुढील गोष्टी संदर्भात विचार विनीमय करता येईल.

पाल्याने केलेले उद्योग :

१] वाहनाचे इग्निशन लॊक मध्ये काड्या घुसवुन तोडले.

२] वाहनाच्या पेट्रोल टाकीवर ‘YOU FUCK’ लिहीले.

३] वाहनाचे इंडिकेटर फोडले.

त. टी. : मला सदर पाल्याची चिंता किंवा राग नाहीय. पण असे संस्कार करणा-या त्या पाल्याच्या मात्या-पित्यांना पाहण्याची उत्सुकता आहे.

आधीक माहीतीसाठी / मदतीसाठी : (इथे माझा नंबर दिलाय.)
==================================================================

असे केल्याने काही फायदा होनार नाही मलाही माहीत आहे, पण हे जर असले कृत्य करणार्‍याच्या वाचणात आल्यास कदाचीत त्याची त्याला तरी लाज वाटावी एवढंच. कारण मला ती शिवी रोज उठले की सकाळी सकाळी गाडी काढताना पहावी लागणार आहे.

यातुन अजुन काही पुढं येउ शकते. पण अश्या परिस्थितीला कसे हाताळायचे हेच कळत नाही. उठुन त्यांच्या सारखं कडा-कडा भांडायला जमत नाही. मग करावं तरी काय ?