सनराईज सूप

एका पातेल्यात लोणी वितळायला ठेवा. त्यात कांदा चांगला लाल होईपर्यंत परतून घ्या. मग त्यात मिरच्या घाला. मिरचीचा कच्चा वास गेला की भोपळ्याच्या फोडी घाला. लगेच त्यात हे सर्व शिजेल इतपत पाणी घाला. त्यात लवंग नि मिरे घाला. ५ मिनिटात भोपळा शिजेल.मग गॅस बंद करा. आणि हे मिश्रण थोडे गार होऊ द्या. मग मिक्सरमधुन काढा. जसे दाट सूप हवे त्या प्रमाणात पाणी घालून एक उकळी येऊ द्या. मीठ आणि मिरपूड घालून सर्व्ह करा. आवडत असल्यास क्रीमही घालता येईल. कोथिंबीर पेरता येईल.