पोपटी पार्टी

मी घरीही हा प्रकार केला होता. कुंभार वाड्यातून मडकं आणले होते.. भांबुर्डा कोकणातून
चिपळूण च्या बाजूला ह्याला मोंगा असे म्हणतात.. रायगड मध्ये पोपटी.
सिझन मध्ये कोकणातून हा मेवा घरी नेहमी येतो... पण त्यात मुख्यतः पावट्याच्या शेंगा, बटाटा (तिखट्-मीठ लावलेला) आणी कांदा असतो... ओवा ही असतो...त्यामुळे पावटा बाधत नाही..
पावट्याच्या शेंगा कोवळ्या असतील तरच मस्त लागतात.

पोपटी वरुन आठवल. खुप छोटी असताना पाहीलेला प्रकार आहे हा. याला मोटली म्हणतात.

आंबोलिला - चोकूळला शेतावर गेल कि जवळपासच्या नदिवरुन मासे पकडुन आणत. त्यात वाटलेल खोबर, कांदा, धने, मिरची पावडर, मिठ असच काहीतरि मिक्स करुन कुंभ्याची पान जोडुन केलेल्या द्रोणात टाकायची. वरुन कव्हर म्हणुन ५ ते ६ लेयर्स कुंभ्याचे असत. जमिनीत थोडा खड्डा खणुन आग बनवुन त्यात हि मोटली टाकत. मासे असल्यामुळे लगेच शिजते. उकडा भात, नाचण्याची भाकरि, डाळ भिजउन केलेल पिठल किंवा तिखट मसाला डाळ असा बेत असे.

जागू तूच म्हणालेलीस ना मस्करीत की स्टॉल लावेन. आता स्टॉल काय शेतात लावणारेस? बरं बाई, जिथे कुठे करशील आणि खाऊ घालशील तिथे खाईन मी पोपटी गप्प बसून हाताची घडी तोंडावर बोट !

जागू, मी येणारे ह्या गटगला हां. हळदीच्या पानांमध्ये गुंडाळून मासे ठेवायचे तिखट मीठ मसाला वगैरे लावून त्या पोपटीत. हाकानाका

अरे काय एक एक सांगताय.. इथे कोबोर्ड भिजायची वेळ आलीय,...
हापिसात बसुन असं काही वाचल्यावर कित्ती त्रास होतो माहित आहे का तुम्हाला?

रिमा, आंबोलीला गेले की माझी मावशी मला नेहमी मोटली खायला घालते. अगदी बोटबोटभर लांबीचे मासे असतात, पण काय चव लागते गं... आणि सोबत आपल्याकडल्या लालसर तांदळाची चुलीवर शेकलेली कुरकुरीत लाल भाकरी... आणि गंमत म्हणजे कधीकधी मी सुद्धा हे मासे पकडुन आणते नदीतुन...

माझे नशिब बलवत्तर आहे त्यामुळे इथल्या अनेक लोकांसारखे मला केवळ वर्चुअल खाऊन तृप्त झाल्याचा भास करुन घ्यावा लागत नाही. गावी गेली की लगोलग सगळे खाऊन घेते.

आणि एवढ्या लोकांना स्टीलची ताट द्यायला काय माझा कॅटरिंगचा बिझीनेस आहे ?

आम्ही हातावर भाकरी आणि त्यावर पोपटी असे खाऊ.. खड्ड्यात जाऊदे त्या ताटांना. आम्हाला फक्त खायला मिळाले की बास्स्स्स्स्स्स्स्स

पण मस्त थंडीचा गारठा पाहिजे तेव्हा
आहे आहे, थंडीही आहे. नव्या मुंबईत परवापासुन रात्री आणि सकाळी गारठा वाढलाय....

जागू आणि इतर, प्लीज हे गटग डिसे च्या शेवटच्या आठवड्यात ठेवा म्हणजे मलाही येता येईल पण पुर्ण शाकाहारी ठेवा. नाहीतर दोन पोपटी ठेवा. मोटली पण ठेवा.

अरे बी बाबा २५-२६ म्हणजे शेवटाच आठवडाना??????????????????

पण पुर्ण शाकाहारी ठेवा.
वा..... मग ह्या भानगडीत कशाला पडायचे??????? त्यापेक्षा दोन मडकी परवडली.....

जागु:
हे सगळ वर्णनच (म्हणजे) आठवणी फक्त राहिल्या आहेत. मे महिन्यातही चोकुळ गाव थंड असायच तेव्हा. (आंबोली पेक्षा उंचावर आहे). बरोबरिला रानातली छोटी जांभळ, करवंद, पेरु पण असायचेत.

साधना: माझे नशिब बलवत्तर आहे >>>
हे मत्र खर बोललिस साधना. मोटलि आमच्या घरात सगळ्यांना फार आवडते. मि व्हेज आहे. त्यामुळे फक्त बाकिच्याना खातना बघुन स्वतःच पोट भरायचे.

संक्रांतीची सुगडं मिळायला लागतील तोपर्यंत. मग प्रत्येकाचे खाजगी मडके भाजायचे म्हणजे सोवळ्यातल्या लोकांची सोय होईल.
माझ्या आजोळी आणखी एक प्रकार करतात, त्यात सर्व धान्ये व कडधान्ये, (गहू, तांदूळ, मूग, चवळी, चणे, मसूर, शेंगदाणे वगैरे ) भिजत घालून मग मडक्यात शिजवतात. त्यात मिठाशिवाय काहिही घालायचे नाही.
सगळे मऊ शिजले पाहिजे. मस्त लागतो हा प्रकार.

आयला मस्त दिसतोय पोपटी हा प्रकार! बडोद्याकडील मराठी मंडळी यास उंधिय म्हणतात. गुजराती उच्चार उंधियु. एकदम खास लागतो.

रच्याकने : पोपटी गटग झालं का?

-गा.पै.

हा अजिबात उंधियु सारखा प्रकार नसतो.
मी आजवर खाल्लेल्या उंधियुमधे तरी जनरली भाज्या तेलात पोहत असतानाच बघितल्यात.

लले, विन्या,
हा बाफ वर निघाला परत.. यावरून काहीतरी बोध घेताय का?

पोपटी सिझनल प्रकार आहे. कृपया नोंद घ्यावी व धीर धरावा

नीधप,

>> मी आजवर खाल्लेल्या उंधियुमधे तरी जनरली भाज्या तेलात पोहत असतानाच बघितल्यात.

बरोबर. मुंबईत जे उंधियु म्हणून विकतात त्यातून तेल पाण्यासारखं निथळत असतं. मूळ पाककृतीत तेल नसतं. माठात तेल टाकून उपडा केला की काय होणार ते उघड आहे!

आ.न.,
-गा.पै.

पोपटी सिझनल प्रकार आहे. कृपया नोंद घ्यावी व धीर धरावा
>>>>

season yeiparyant sanyojan karayala vel aahe. krupayaa tyacha sadupayog karava..

वा जागुताई माझ्यासाठीपण बी सारखेच शाकाहारी, दिनेशदानी पण मस्त वर्णन केलेय, काय छान चव असेलना मातीच्या भांड्यात चुलीवर केलेल्या पदार्थांना. शेंगा-वांगी पोपटी तर सुंदर. काही वर्षे नगर जिल्हात राहूनही हुरडा खाल्ला नाही, आता पोपटीच्या निमित्याने आठवण झाली.

मस्त सचित्र माहिती. उंधियोचा लहानपणी जत्रेत वगैरे ताटातूट झालेला भाऊ दिसतो आहे.

तो भांबुर्ड्याचा दुसरा फोटो इथे डॅन्डेलायन्स म्हणतात अगदी तसाच दिसतो आहे. ते तण (weed) असलं तरी कोवळी पानं खाद्य असतात. किंचित कडवट चव असते.
जागूताई, या भांबुर्ड्याला म्हातार्‍या असलेले गोंडे आणि पिवळी फुलं येतात का?
ही अशी :

भांबुर्ड्याऐवजी काय वापरता येईल

स्वाती_आंबोळे,

इथे इंग्लंडमध्ये डँडेलियनची पाने खातात असं ऐकलंय. औषधी असतात म्हणे. एकंदरीत डँडेलियन म्हणजे भांबुर्डाच असावा.

आ.न.,
-गा.पै.

आत्ता ३१ डिसेंबरच्या पार्टीत पोपटीचा बेत होता. वेजी मंडळी जास्त होती म्हणून आम्ही फक्त भाज्या वापरल्या होत्या. बेत मस्त जमला होता. नॉनवेज तर अफलातुन टेस्टी लागेल. थंडीत मस्त गरमागरम भाज्या खायला मजा आली.

नंतर चिकन बिर्याणी पण होती पण मी पोपटीतच गार झाले