पोपटी पार्टी

Submitted by जागू-प्राजक्ता-... on 23 November, 2010 - 04:24

पोपटी च्या नावावरुनच पोपटी ह्या पदार्थाच आकलन होत. गावांमध्ये हिवाळ्यात जेंव्हा परीसर हिरवागर - पोपटी झालेला असतो त्या दिवसांतच पोपटी केली जाते. ही पोपटी पुर्णपणे नैसर्गिक साधनांचा उपयोग करुन केली जाते. पोपटीचे आयोजन पार्टी, एखादा सण, जागरणाचे दिवस ह्या दिवशी हमखास केले जाते. काळोख्या थंडी पडलेल्या रात्रीत पोपटीचा शेकत शेकत गरमा गरम आस्वाद घेतला जातो.

पोपटी करण्यासाठी लागणार्‍या साहित्या मधले लागणारे साहित्य म्हणजे मातीच मडक. हे मडक गरजेप्रमाणे छोटे मोठे घेतात. मडके आतुन स्वच्छ धुवुन पुसुन घेतात.
Popati.jpg

पोपटी ही हिवाळ्यात तयार होणार्या शेंगा, भाज्यांची केली जाते. तसेच आवडीप्रमाणे वांगी, बटाटे, कांदे, शेवग्याच्या शेंगा, नवअलकोल, हल्ली मटण चिकन टाकुनही पोपटी केली जाते.

पोपटी करण्यासाठी लागणार्या शेंगा, कांदे, वांगी आख्खीच धुवुन हेतात बटाटे, नवालकोलला, वांग्यांना धुवुन चिरा पाडतात मग ह्या चिरा पाडलेल्या आलकोल वांग्यांना भाज्यांना मिरची, कोथिंबीर, खोबर, थोड आल, लसूण घालुन केलेल वाटण आणि मिठ, ओवा चोळतात. जर वाटण राहीले असेल तर ते मिठाप्रमाणेच इतर शेंगांना व भाज्यांना चोळले तरी वेगळी चव येते. मटण किंवा चिकन असेल तर त्यालाही आल, लसुण, मिरची कोथिंबीरीच वाटण चोळतात. जर भाज्या आणि मटण किंवा चिकन एकत्र शिजवायचे असतील तर मटण किंवा चिकन केळीच्या पानात गुंडाळून बांधुन ठेवतात.

Popati2.jpgPopati3.jpg

पाऊस संपुन हिवाळ्यात जेंव्हा जमीन सुकायला लागते तेंव्हा दवांच्या पाझरावर काही वनस्पती आपला जीव तग धरुन उभ्या असतात. त्याच वनस्पतीतील भांबुर्डा ही वनस्पती उगवते. ही वनस्पती शेतात, बांधावर ओसाडजागी भरपुर आढळते. ह्या वनस्पतीला एक विशिष्ट वास असतो. हया वनस्पतीचा जखमा भरण्यासाठीही औषधी उपयोग केला जातो.

हे दोन प्रकारचे भांबुर्डे असतात कदाचित एखाद्याच नाव दुसरही असेल.
popati14.JPGpopati12.JPG

ही छोटी रोपटी असतात ती मुळासकट काढून धुवुन घेतात. रोपटी मोठी असतील तर ह्याचा पाला घेतात. मडक्याच्या तळाला थोडा पाला टाकुन त्यावर भाज्या व केळीच्या पानात बांधलेले मटण किंवा चिकन घालतात. त्यावर पुन्हा भांबुर्ड्याचा भरपुर पाला घालून मडक्याचे तोंड बंद करतात.

Popati1.jpg

आता शिजवण्याची प्रक्रिया करण्यासाठी मोकळी जमिन किंवा रिकाम्य शेतातील भाग निवडण्यात येतो. ही पोपटी पार्टी तिथेच साजरी केली जाते. त्या मोकळ्या जागी ते मडक बसवण्यासाठी एक विता एवढा आणि मडक्याच्या तोंडाच्या आकारापेक्षा थोडा मोठा खड्डा खणला जातो.

popati11.jpg

त्या खड्ड्यात सुकलेला पाला किंवा पेंडा टाकुन त्यावर मडके उलटे ठेवले जाते. म्हणजे खड्यात मडक्याचे तोंड असते.

Popati5.jpg

आता मड्क्याच्या भोवती सुकी लाकडे, पाला किंवा शेणाच्या वाळलेल्या गोवर्या लावुन त्याला आग लावली जाते.
Popati6.jpg

साधारण अर्धा ते पाऊण तास ही प्रक्रिया चालते. तोपर्यंत पार्टीचे खेळ, गप्पा गोष्टी रंगात येतात. थंडीने कुडकुडणारे आजोबा, लहान मुले ह्या पोपटीच्या शेकोटीच्या जवळ शेक घेतात.

साधारण अर्धा ते पाऊण तास ही शिजण्याची प्रक्रिया चालू ठेवावी लागते.

मग मडक्या भोवतालची आग एका काठीने बाजुला सारुन जाडी काठी खड्ड्यात मडक्याच्या तोंडाजवळ टाकुन मडके सारुन जाड फडक्याने धरुन बाजुला आणतात.
popati7.jpgpopati8.jpgpopati9.jpg

आता सगळ्यांना गोलाकार जमवून एका पेपरवर हे मडके आणून त्यातील वरचा भांबुर्ड्याचा पाला काढला जातो. मग आतील शिजलेल्या भाज्या आणि जर मटण किंवा चिकन टाकले असेल ते काठीने किंवा घरातील पळीने पेपरवर काढून मग सगळ्यांना वाढण्यात येते.
popati10.jpg

ह्या पोपटीला भांबुर्ड्याच्या पाल्याचा, ओव्याचा व भाजका असा एक विशिष्ट वास व चव असते. हा पुर्णपणे भाजलेला प्रकार आहे. तेल व पाणी न वापरता. भाजल्यामुळे ही पोपटी पचायलाही हलकी असते.

गुलमोहर: 
शब्दखुणा: 

अश्विनी काल तुला खुप मिस केल. तुझी आठवण काढल्याची पोस्ट आहे साक्षीला मागे वाच. तुला हवा असेल तर पिउ शकतेस चहा. सोबत करण्याचीही जबाबदारी घे.

पर तुमचे परवानगी प्रकरण संपलेले दिसते.
शुभांगी चांगल आहे. नाहीतरी नॉनव्हेज कितीही केले तरी पुरणे कठीणच आहे.

सोबत चहा?????
अगं तू लिंबू सरबत, मिरिंडा, ड्यूक्स लेमोनेड, व्हर्जिन लॉन्ग आयलंड आइस टि असं काहीही पिऊ शकतेस... हे काय? Proud

बर मी येणार असले तर बरोबर थोडी मिक्सिंग कलेची झलक दाखवीन... इच्छुंकासाठी.

मासे पोपटीत टाकले तर मास्यांच्या मांसाचा खिमा राहील तळाला आणि काटे हातात येतील>>>> मासे केळीच्या पानात किंवा अ‍ॅल्युमिनीअम फॉईलमधे मसाला मारून व्रॅप करून ठेवायचे, पर्फेक्ट होतात.....

जागू ते माती लिंपून अंडी भाजणे प्रकार मला माझ्या फ्रेंच मित्रांनी सांगितला होता. (असे केल्याने म्हणे अंडी पारदर्शक शिजतात. ) तसेच पूर्णपणे मिठात लपेटून चिकन पण भाजतात.

माझ्या घानातल्या मित्राने नारळात भरुन केलेली कोलंबी सांगितली होती. कोवळा नारळ न सोलता वरुन कापायचा. त्यात कोलंबी, लाल तिखट, मिठ, हिरवे टोमॅटो वगैरे लावून कोलंबी भरायची. त्यात ओले खोबरे घालायचे. (मूळचा नारळ खरवडायचा नाही, तसे केले तर कडसर चव येते.) आणि त्याला परत झाकण लावून, तो अख्खा नारळ शेकोटीत भाजायचा.
हे सगळे प्रयोग करुन बघा, तिथे.

वर्षू धन्यवाद.

प्रसिक तसे केले तरी हरकत नाही. छान लागतील.
निधपच्या आढेवेढ्यांना सुरुवात झाली.

दिनेशदा तुम्ही आधी शहाळ्यात मासे शिजवण्याबद्दलही लिहील होतत कुठेतरी. हे सगळे प्रकार करायला हरकत नाही. पोपटीच्याच शेकोटीत नारळ टाकायचा. हा.का. ना. का.

आक्षी, नागाव, उरण, ठाणे, विरार, पुणे, मुंबई सह पोपटी गटग झालेच पाहीजे.<<<<< नक्की कुठ, आणि केव्हा होणार आहे
spiderman-02207-2.gif

नीधप, मिस्किंग कला म्हणजे कॉकटेल कला काय? Happy हॉटेल मॅनेजमेंटला होता एक मित्र त्याचे प्रयोग आमच्यावर व्हायचे. Proud

शहाळ्यात इतर बरे जिन्नस घालतात... << जिन्नसची खुन्नस नको Happy तेव्हा शहाळ्यात ताडी-माडीची जोडीच बरी.

योडे Lol
ताडी तिकडे सर्रास मिळत असेल अलिबागला. आम्ही मुरुडला गेलो होतो तेंव्हा तिथे ताडी पाहीली होती.

अगदीच वाईट लागतं ते. ताडीमधे कसलं काही मिक्स करताय. ताडी नुसतीच बरी फारतर पाणी घाला.

शहाळ्यात ताडी म्हणजे दोन्हीचा नास.

बाकी मिळेल ती ताडी अस्सलच असेल आणि योग्य पद्धतीनेच केलेली असेल याची खात्री नसेल तर न प्यायलेली बरी.

नी अग ताज्या ताडी माडीने मॉकटेल होत ग बायो Happy
आता समस्त सुकि जमात काय विचार करेल तेच जाणो Lol

Pages