बेजबाबदार वृत्तपत्रे की श्रेय उपटण्याची वृत्ती

त्या बातमीच्या मॉडरेटरला आज भरपुर काम पडणार आहे.. भरपुर प्रतिक्रिया मॉडरेटरच्या अप्रुवलसाठी रांगेत आहेत

हो, पण सकाळ मध्ये प्रतिक्रिया दिसतात तशा इथे का दिसत नाहीत?

प्रतिक्रिया दिल्यावर पॉपअप येतो ना, मॉडरेटरने बघितल्याशिवाय त्या प्रकाशित केल्या जाणार नाहीत म्हणुन.... आता मॉडरेटर कधी बघणार आणि त्यातल्या कितींना हिरवा कंदील दाखवणार हे जर तो खरेच अस्तित्वात असेल तर तोच बापडा जाणे...... बातमी प्रकाशित झाल्यानंतर आता सकाळी ११.३० पर्यंत तरी त्याला वेळ मिळाल्याचे दिसले नाही. एकही प्रतिक्रिया अजुन प्रकाशित झाली नाहीये.

चूक ही चूकच आहे, असते, असेल. दुरूस्ती झाली पाहिजे.
याला बेजबाबदारपणा म्हणायचे का, हा तपशीलाचा प्रश्न. तीच बाब 'हा श्रेय उपटण्याचा प्रकार आहे का' या प्रश्नासंबंधातही आहे. एकाचे उत्तर माध्यमे देऊ शकतात, दुसऱ्याचे उत्तर चित्रपटाशी संबंधित मंडळी देऊ शकतात.
ही चूक सातत्याने होत असल्याचे नीधप यांचे म्हणणे आहे. त्यानुसार त्यांना इतर शंका येणे स्वाभाविक आहे. पण, याला काय म्हणायचे, या प्रश्नाची असंख्य उत्तरे असू शकतात. 'या विश्वाचा आकार केवढा, ज्याच्या-त्याच्या डोक्याएवढा' हेच त्याबाबत खरे असते.

आता मी 'श्वास’ फेम अरुण नलावडे यांचे अभिनंदन अशी प्रतिक्रिया दिली आहे. बघू ती छापतात का ? म्हणजे माझी आधीची श्वासचा दिग्दर्शक संदीप सावंत आहेत व नलावडे नाहीत ही न छापता फक्त वरचीच छापली तर लोकसत्ता किती पाण्यात आहे हे तरी कळेल .

नंदिनीला अनुमोदन.
आतापर्यंत जेवढ्यावेळा श्वास किंवा त्यासंबधित लिखाण वाचण्यात आलय त्या त्या वेळेस (काही अपवाद वगळता) अरुण नलावडेंचा उल्लेख दिग्दर्शक म्हणुन झाल्यावर ते सोयीस्कररीत्या गप्प बसलेत. अर्थात आयतंच श्रेय मिळतय तर का नाकारा हा ही छुपा उद्देश असू शकतोच.
पण हीच चूक जर सातत्याने होतेय किंवा केली जात असेल तर त्या त्या वेळेस आवाज उठवून चूक कबूल करायला भाग पाडणे महत्वाचे.
संदीप सावंत यांनी देखील स्वतः यात पुढाकार घ्यावाच.

किती राग येतो. पब्लिशर/ एडिटरशी बोलले पाहिजे त्यांनी चूक दुरुस्त केली पाहिजे. त्यात इ- चूक दीर्घकाळ तशीच राहू शकते. कागद नष्ट होउ शकतो.

वृत्तपत्राविरुद्ध, कार्यवाही करण्यात फारसा अर्थ नाही. (वेळखाऊ आणि खर्चाचे काम आहे.) त्यापेक्षा लवकरात लवकर खुलासा येईल, असे बघावे. (शिवाय पुढे प्रसिद्धीसाठी, वृत्त्पत्रेच कामाला येणार आहेत, हे विसरता येणार नाहि.)
राम, आणि नंदीनीला अनुमोदन.
संदीप प्रसिद्धीपासून, दूरच राहिले आहेत. या क्षेत्रात नखभर करुन हातभर सांगायची रित आहे.
ते जमणार नाही तूम्हाला, त्यापेक्षा संदीपने श्वास आणि इतर कामाबाबतचे, लेख लिहून प्रसिद्ध करावेत.

दिनेशदा, अनुमोदन! संपादकांकडून व संबंधित पत्रकाराकडून दिलगिरी तर हवीच, पण संदीप यांनीही आपल्या श्रेयासाठी व कार्याच्या ओळखीसाठी त्यांच्या कार्याची माहिती ठळकपणे जास्तीत जास्त लोकांपर्यंत पोचवण्याचे प्रयत्न करायला हवेत!

>>>दुसरी महत्वाची गोष्ट जी मला श्वास च्या ऑस्कर वारी पासुन खुप जाणवली होती ती म्हणजे इतरांच्या तुलनेत संदीप प्रसिद्धी माध्यमांपासुन बरेच दुर रहातात..

हे पटतयं. कारण ऑस्करच्या वेळी आमच्याइथे "श्वास" चा फंड- रेजिंगसाठी एक स्पेशल प्रयोग झाला होता. तेव्हाही नलावडेच पुढे होते. भाषणही त्यांनीच केल होत. संदीप सावंत होते त्यावेळेस पण ते फारसे कोणाच्या लक्षातही आले नाही. नलावडेंनाच प्रसिद्धी जास्त मिळाली. कदाचित आपण नटाला पाहत असतो स्क्रीनवर सतत म्हणून असेल.

>>मी 'माझा श्वास' लिहायला घेतली होती.>> पूर्ण कर

आम्ही नाशिकला झालेला श्वास चा प्री रीलीज शो बघितला होता तेव्हा पण श्री नलावडे या चित्रपटाचे सर्वेसर्वा आहेत असे वाटत होते. पण तशीच प्रसिद्धी त्याना मिळेल असे वाटले नव्हते.

नी, माझा श्वास पूर्ण कर लवकर आणि जमल्यास मायबोली व्यतिरिक्त दुसरीकडेही publish कर.
आपल्या हक्काचं श्रेय आहे, ते का म्हणून गमवायचं?

मलाही ही बातमी वाचल्यावर धक्का बसला होता. इतक्या बेजबाबदारपणाचा निषेध.

बाकी त्याखाली मॉडरेटरने अजूनही एकही कॉमेंट पब्लिश केलेली नाही यातच सर्वकाही आलं.

मॉडरेटर (किंवा कोणी तत्सम) ही व्यक्ती नक्कीच अस्तित्त्वात आहे. याचा मला आलेला अनुभव म्हणजे आत्ता काही दिवसांपूर्वीच एका लेखावर मी एक प्रतिक्रिया दिली होती.
http://www.loksatta.com/index.php?option=com_content&view=article&id=602...
ती लगेच पब्लिश झाली नाही पण थोड्या वेळाने झाली. (कारण त्यात काहीच न छापण्यायोग्य नव्हतं म्हणून छापली). म्हणजेच कुणीतरी 'छापायचं की नाही' हे ठरवणारी व्यक्ती असणार हे निश्चित.

नीधप,

त्यांनी बातमीत फेरफार केलेत बहुधा. सकाळी वाचली तेव्हा त्यात 'श्वास' चित्रपटाचे दिग्दर्शक अरुण नलावडे असाच उल्लेख होता. पण आता तसा नाहीये.

ऑनलाईन प्रतीत बदल केला तरी छापील प्रतींचं काय हा प्रश्न उरतोच. (आणि कुणाच्याही प्रतिक्रिया प्रकाशित न करता गुपचुप बदल करून टाकलाय.)

राम आणि नंदिनी यांच्याशी सहमत. नी , या बाबत तुम्ही जरा अ‍ॅग्रेसिव्ह व्हायला हवं. तुम्हाला आणि संदिपना शुभेच्छा!

हो गं त्यांनी ती ओळच काढून टाकलीये लेखातून.

या सगळ्या प्रकाराचं - श्री सावंत यांना योग्य ती प्रसिद्धी न मिळणं, श्री नलावडेंसारख्या प्रतिथयश कलाकाराने पण प्रसिद्धीमाध्यमांना योग्य माहीती न देणं, लोकसत्तासारख्या वर्तमानपत्राने प्रतिक्रिया न छापणं - सखेद आश्चर्य वाटतं आहे. उद्याच्या प्रिंट एडिशनमध्ये जाहीर माफी मागतात का हे बघायचं. नी, तू उद्याचा पेपर बघशीलच पण आम्हाला ईथे नक्की सांग काय होतंय ते.

कठिण आहे खरच. आता तर वरची लिंक पण उघडत नाहीये.
पण नी, ह्यावर आता योग्य पावलं उचलाच.

एक गोष्ट चांगली झाली पण निदान ऑनलाईन वरुन तरी काढून टाकलय.. बर्‍याच जणांनी चुकीच्या दुरूस्ती संदर्भात प्रतिक्रिया दिल्यामुळे झाले असेल कदाचित.. मी पण टाकली होती प्रतिक्रिया तिथे.. पण हे ही नसे थोडके..

सकाळी बातमी वाचली तेव्हा अडमा सारखा स्क्रीन शॉट घेऊन ठेवायला पाहिजे होता..

नीधप, तो लेख पूर्ण करून लोकसत्ता व इतर वृ. मधे छापून येणे हा चांगला उपाय दिसतो. त्यात शेवटी एक भागात ही अशी चुकीची माहिती असलेले लेख वगैरे यावरही लिहू शकशील.

नी, ह्या अश्या चुका कित्तीतरी वेळा होतात लोस काय मटा काय सेमच.

श्वास दिग्दर्शनाच्या वेळी आलेले अनुभव - संदीप सावंत यांच्याशी दिलखुलास चर्चा (किंवा खुसखुशीत मुलाखत)

PR अगदीच म्हत्वाचे, वेगवेगळ्या मथळ्यांनी लेख आणावेत.