मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by पाषाणभेद on 2 September, 2010 - 22:30
गण: आमच्या गणाला गणपती आले
आमच्या गणाला गणपती आले
वंदन करूनी मस्तक झुकले ||धृ||
रिद्धीसिद्धीचा स्वामी तू गणपती
शरण आलो आम्ही अल्पमती
कार्यारंभी दावूनी उपस्थीती
दयाबुद्धीने आम्हा पाहीले
आमच्या गणाला गणपती आले ||१||
कलाकारां होवोनी स्पुर्ती
जगावेगळी मिळण्या किर्ती
कला आगळी सादर करण्या
कलाकार सारे एकच झाले
आमच्या गणाला गणपती आले ||२||
सारी विघ्ने गेली सारूनी
संकटे सारी गेली हारूनी
पुढला अंक सुरू कराया
गणात नमन गणाला केले
आमच्या गणाला गणपती आले ||३||
०३/०९/२०१०
गुलमोहर:
शब्दखुणा:
शेअर करा
पाषाणभेद, अहो थोडे दिवस
पाषाणभेद,
अहो थोडे दिवस थांबायचे ना! दरवर्षी मायबोली गणेशोत्सव होतो तिथे स्वरचित आरत्या विभाग असतो त्यासाठी हे चालेल.