नाम नामेति नामेति

Submitted by Revati1980 on 24 March, 2024 - 02:06

नाम नामेति नामेति

" नाव काय ठरलं शेवटी मुलीचं?"

" एकदम यूनिक ठेवलंय,अवीरा."

" अवीरा? काय अर्थ होतो या नावाचा?"

" बहादुर, ब्रेव, स्ट्रॉंग, कॉन्फिडेंशियल; कसं वाटलं नाव?"

"अवीरा म्हणजे बहादुर, ब्रेव, स्ट्रॉंग, कॉन्फिडेंशियल हा अर्थ तुम्ही कुठे शोधलात ?"

" गुगल बाबा आहे ना, मॉम जंक्शन नावाची एक साईट आहे तिथे मिळाले हे नाव. चांगलं नाव आहे ना?"

हे नाव हिंदू आहे?
१०० टक्के .का?

अवीरा नावाचा अर्थ होतो पुत्र आणि पतीरहित स्त्री. नास्ति वीरः पुत्त्रादिर्यस्याः सा अवीरा.
म्हणजे ही मुलगी आजन्म कुमारी असेल किंवा.... जाऊ द्या.

आता काय करायचं? बर्थ सर्टिफिकेटवर हेच नाव आहे.
मॉम जंक्शन पेक्षा ललिता सहस्रनाम वाचले असतेत तर हजारो नावं मिळाली असती.सत्तावीस नक्षत्रांची नावं माहिती नाहीत का तुम्हाला? आता काय उपयोग? ऍफिडेव्हिट करून नावं बदलून घ्या.

आजकाल काहीतरी हटके करायच्या नादात बाष्कळपणाचा ट्रेंड चाललाय. मुलगी झाली की मियारा, शियारा, कियारा, नयारा, मायरा, टियारा, अल्मायरा ... मुलगा झाला तर वियान, कियान, गियान, केयांश. गोमांश.. आणि त्याचा अर्थ विचारला कि घे गुगल, घे याहू ...... मग उत्तरं देतील इट मीन्स रे ऑफ लाइट.;इट मीन्स गॉड्स फेवरेट.इट मीन्स ब्ला ब्ला..
हे असं यूनीक नाव ठेवायच्या नादात मिसेस शहा नी तिच्या मुलीचं नाव श्लेष्मा ठेवलं. मी तर चकितच झाले. मी तिला विचारलं, काय गं भावना, श्लेष्मा म्हणजे काय?
तिनं काय उत्तर दिलं असावं? ती म्हणाली, श्लेष्माचा अर्थ होतो,जिच्यावर आईची कृपा आहे " . मी डोकं गच्च धरून बसले. मला असं बघून ती म्हणाली, का गं, काही चुकलं कि काय?"

मी म्हणाले, काय गं, तुझ्या मुलीला सारखी सर्दी असते, नाक गळत असतं असं काही आहे का?

नाही, असं काहीच नाही, का ?

अगं श्लेष्माचा अर्थ शेंबडी मुलगी, श्लेष्म म्हणजे नाकातला कचरा, मेकुड.

तिचा चेहरा पाहण्यालायक झाला. काय करणार होती ती? तिलाही तेच सांगितलं, ऍफिडेव्हिट करून नावं बदलून घ्या.
फॅशनेबल कपडे घालायच्या लाटेत अर्थहीन, अनर्थकारी, बेढब शब्दांचा प्रयोग समाज आपल्या संततीच्या नावासाठी करू लागलाय. नाव द्यायचा अधिकार आजी, आजोबा, गुरु, आत्याबाई यांच्याकडेच राहू द्या ना. तेच हिताचं नाही का?

व्यक्तीचे नाव आणि दैव यांच्यात एक नशिबाचा दुवा असतो म्हणून चांगले, शुभ नाव ठेवावे . नामाखिलस्य व्यवहारहेतु: शुभावहं कर्मसु भाग्यहेतु:। नाम्नैव कीर्तिं लभते मनुष्य-स्तत: प्रशस्तं खलु नामकर्म। ब्राह्मणांनी देव देवतेची नवे ठेवावीत , क्षत्रियांनी वीरता दिसेल अशी नावे ठेवावीत , उदा रिपुदमन , वीरेंद्र , ,प्रताप , राजेंद्र इत्यादी , वैश्यांनी संपत्ती दर्शक नावे ठेवावीत , उदा लक्ष्मीकांत लक्ष्मीधर, इत्यादी. आयुर्वर्चो sभिवृद्धिश्च सिद्धिर्व्यवहृतेस्तथा । नामकर्मफलं त्वेतत् समुद्दिष्टं मनीषिभि:। मुलांची नावे कशा प्रकारे ठेवावीत या बद्दल पारस्करगृह्यसूत्र मध्ये असा श्लोक आहे, द्व्यक्षरं चतुरक्षरं वा घोषवदाद्यंतरस्थं। दीर्घाभिनिष्ठानं कृतं कुर्यान्न तद्धितम्।।अयुजाक्षरमाकारान्तम् स्त्रियै तद्धितम्। नवा पण तीन प्रकारची; देवनाम, नक्षत्रनाम आणि व्यावहारिक नाम. कुंडलीतले नाव व्यवहारात नको कारण कोणी आपल्यावर जादू टोणा, जारण मारण, करणी संमोहन इत्यादी करत असेल तर त्या साठी नक्षत्र नावाची गरज असते. व्यवहारातल्या नावावर त्याचा प्रभाव पडत नाही.आपले नक्षत्र नाव सहसा कुणाला सांगायचे नसते हे ही लक्षात ठेवा.
तुमच्या समोरच्या फ्लॅट मध्ये राहणारे मिस्टर चुडासमा, त्यांच्या मुलाचं नाव ठाऊक आहे का?

होय. अनल नाव आहे.

काय स्पेलिंग कराल तुम्ही या नावाचं?

एएनएएल

याचा अर्थ इंग्रजीत काय होतो ते ही बघा एकदा गुगलवर. मुलाला त्यांनी इंग्रजी शाळेत घातलेय.

.............

विषय: 
समाज
शब्दखुणा: 
नाम
व्यक्तीचे नाव
बर्थ सर्टिफिकेट
Groups audience: 
गुलमोहर - ललितलेखन
Group content visibility: 
Use group defaults
शेअर करा

लिंक पाठवा पियू...

पूर्वी बाजूच्या एका कुटुंबात एका मुलीला दीप्शिका नावाने हाक मारायचे. मला समजायचंच नाही असं काय नाव. मग समजलं तिचं नाव दीपशिखा होतं. इतकं सुंदर नाव पण वाट लावून ठेवली होती.

Submitted by माझेमन on 13 January, 2025 - 02:12

आमच्या मजल्यावर रुही राहते वय दीड वर्षे.. तिला रुई अशी हाक मारतात.
रमाची एक मैत्रीण आहे कायरा आणि अजून एक कियारा.
मुलांची नावं जरा बरी आहेत त्यातल्या त्यात.
आळंदीत अर्धे मुलांची नावे ज्ञानेश, ज्ञानेश्वर असतात त्यांना माउली म्हणतात हाक मारताना

Submitted by किल्ली on 13 January, 2025 - 03:14

अधूनमधून InstFeed मध्ये बारशाचे रील्स येतात. त्यातून कळलेली नविन नावे --

हस्ति , पर्जन्य , जिव्हा , लव्यांश , विश्पला

एक नाव मध्यंतरी viral होतं
स्ने्हत्विज .

Screenshot_20251221_103746_Facebook.jpg

Submitted by स्वस्ति on 21 December, 2025 - 00:11

पर्जन्य ?

पुढे मुलगी झाली की वर्षा / वृष्टी ठेवणार असतील

मग ही मुले खेळतांना पडली वगैरे तर हमखास 🦚 मोर 🦚 नाचणार !

Submitted by अनिंद्य on 21 December, 2025 - 01:12

इतक्यात “तिश्का” आणि “तितिक्षा” दोन ऐकली. तितिक्षेला मोठी बहीण “प्रतिक्षा” आहे ऑलरेडी.

“राएना” एक आहे परिचयात. त्यांचे आडनाव “इंगळहळ्ळीकर” आहे. राएना इंगळहळ्ळीकर थोडे विसंगत वाटते पण….. पालकांची मर्जी.

Submitted by अनिंद्य on 21 December, 2025 - 01:23

तितिक्षा नावाला निदान अर्थ तरी आहे.

फियान्शीचा अर्थ सांगाल का कुणी? आता बियॉन्शी ऐकलं की सुडोमि.

बाकी युवी, यावी वगैंरेंची सवय झालीय.

Submitted by माझेमन on 21 December, 2025 - 03:38

फियान्शीचा अर्थ सांगाल का कुणी?

फिया+अंश + स्त्रीलिंगी ङीप् (ई) प्रत्यय. अर्थ = (शाळा कॉलेजात भरलेल्या) फियांच्या अंशातून जन्मलेली. अर्थात आईवडिलांचे अफेअर बरेच जुने असावे.

Submitted by हरचंद पालव on 21 December, 2025 - 04:24

स्ने्हत्विज >> ह्यात typo असावा. बहुतेक त्यांना स्नेह्त्विज नाव अपेक्षित असावं. अर्थ काही नाही, आईच्या नावाच्या स्पेलिंगपैकी पहिली चार अक्षरे (Sneh) + बापाच्या नावाच्या स्पेलिंगमधली शेवटची चार अक्षरे (tvij) असणार. आईचे नाव स्नेहा आणि बापाचे ऋत्विज असणार.

Submitted by हरचंद पालव on 21 December, 2025 - 04:26

स्नेह म्हणजे ममव.
स्नेह प्रचंड असला की स्नेहाकर्षणशक्तीमुळे त्याचा स्न्हे होतो.

Submitted by मानव पृथ्वीकर on 21 December, 2025 - 05:04

फियांच्या अंशातून जन्मलेली… आईवडिलांचे अफेअर बरेच जुने असावे.…. 😄

.. स्नेहाकर्षणशक्तीमुळे त्याचा स्न्हे होतो.… 😄

Submitted by अनिंद्य on 21 December, 2025 - 05:26

स्नेहत्त्विज वर धमाल उडालीय सगळीकडे हा नमुना https://youtube.com/shorts/-A8JCVWLZLI?si=HOPuPNUmdvOL8ERQ हाच रील इंस्टावर पाहिला होता त्यावरच्या कमेंट्स पण धमाल होत्या वरती हरपा यांनी लिहिलेल्या पोस्टिंप्रमाणे सगळ्या अंशांचं पोस्टमॉर्टेम केलेलं. पण नेमका हरवला,आता सापडत नाहीये कोणाला मिळाला तर इथे शेयर करा त्यावरच्या कमेंट्स साठी.

हा अजून एक विचित्र नावाचा ट्रेंड https://www.instagram.com/reel/DOgd8Dsk3g9/?igsh=Mmxiano4N2YyaXMy खरंतर लोकांच्या मुलांना नावं ठेवू नये पण "हस्ती" . काहीही. उद्या तिच्या भावाचं नाव हस्तिदंत ठेवतील. 😄 😂

Submitted by सिमरन. on 23 December, 2025 - 12:59

सिमरन हस्ती किंवा हस्तिन् हे खरोखर संस्कृत नाव आहे, करुवंशीय राजांचे. त्याने वसवलेली राजधानी म्हणुन तिचे नाव हस्तिनापुर!

Submitted by पर्णीका on 23 December, 2025 - 20:52

इंस्टाग्रामवर name ceremony tag शोधला तर नावांचे असे सगळे नमुने येताहेत.. एक नाव दिसलं.. रिथन्या !!

Submitted by पियू on 23 December, 2025 - 21:54

हस्तिन् हे खरोखर संस्कृत नाव आहे>>>> पर्णीका ,एव्हडं शाळेत संस्कृत घेऊनही हे नाव खरच माहीत नव्हतं की राजाचं आहे.पण मुलीला सूट करत नाही , मुलीला हस्ती पेक्षा हरिणी छान वाटलं असतं, जे श्रीसूक्तम मधेही आहे .अर्थ-हरिण सारखी किंवा सुंदर दयाळू स्त्री.

आणखी खास म्हणजे श्रीलंकेच्या प्राइमिनिस्टर चं नाव हरिणी आहे . म्हणजे अगदी पंतप्रधान नाही झाली तरी यशस्वी कर्तृत्ववान महिलेचं नाव आहे .

Submitted by सिमरन. on 24 December, 2025 - 08:10

आज कुठेतरी ' प्रेग्नेश ' ह्या नावाची पाटी वाचली.. खरंच ही नाव कुणाच ठेवलंय का फक्त trending करण्यासाठी पोस्ट केलं काय माहिती?

Submitted by छन्दिफन्दि on 24 December, 2025 - 13:07

एक नाव खूप आवडलं. सावनी. मला वाटले की पावसाबद्दल काही आहे का तर ती नाही. सा आणि नी हे दोन सूर म्हणून सा व नी.

Submitted by कॉमी on 24 December, 2025 - 14:27

माझ्या एका बांग्लादेशी मैत्रिणीचे नाव आहे सोहिनी. हे पहाटेच्या एका रागाचे नाव आहे.

Submitted by धनश्री- on 24 December, 2025 - 14:35

सध्या कायप्पावर एक लग्न पत्रिका व्हायरल झाली आहे. पत्रिकेतील वराचे नाव ऋग्ध्रिव्य आहे.

वधूने लग्नात घेतलेले नाव:

'सासरच्या अंगणात आंब्याचं झाड,
ऋग्ध्रिव्यरावांचं नाव घेताना मोडलं जिभेचं हाड!!'

Submitted by चामुंडराय on 26 December, 2025 - 14:28

Lol

Submitted by मानव पृथ्वीकर on 26 December, 2025 - 14:33

Lol

Submitted by मानव पृथ्वीकर on 26 December, 2025 - 14:35

Pages