अंत: अस्ति प्रारंभ: ३: {फडशा}-{आशिका}

Submitted by आशिका on 11 September, 2024 - 08:23

लहानपणापासून तिची भूक काही अजबच ! किती, कसा , कुठे फडशा पाडेल याचा नेमच नाही.

त्यामुळे ती सतत चर्चेत असे. घरी-दारी, शाळेत, पंचक्रोशीतही... ते ही वय वर्षे फक्त नऊ असतांना !!

तिच्या असामान्य भुकेचं शमन करण्याचं काम तिच्या बाबांचं होतं. वाढत्या वयानुरुप उचित असं खाद्य ते तिला सतत पुरवीत असत.

त्या दिवशीसुद्धा बाबा दोन्ही हातात अवजड पिशव्या घेऊन दमून-भागून घरी आले. त्यांना वाटत होतं लेकीसाठी आठवड्याभराची बेगमी केली आहे आपण. पुढच्या आठवड्यापर्यंत बघायला नको.

पण कसंच काय, दोन तासांत बाईसाहेबांनी फडशा पाडला होता.

शेवटी बाबाही म्हणालेच काय गं हा वाचनाचा सपाटा?

पुस्तकं खाण्यासाठी जन्म आहे का बयो? संयम असावा जरा

विषय: 
मनोरंजन
शब्दखुणा: 
उपक्रम
शशक
Groups audience: 
मायबोली गणेशोत्सव २०२४
Group content visibility: 
Use group defaults
शेअर करा

मस्त

Submitted by धवलतरांशुकगंधमा... on 11 September, 2024 - 08:37

छान!

तिच्या असामान्य भुकेचं शमन करण्याचं काम तिच्या बाबांचं होतं. वाढत्या वयानुरुप उचित असं खाद्य ते तिला सतत पुरवीत असत.>>>> इथे वाटलं ही भूक वाचनाची असावी..

Submitted by छन्दिफन्दि on 11 September, 2024 - 19:42

भारी. आवडली
वाचनाची भूक खरीच असते हे नक्की.>>>>+१

Submitted by ऋतुराज. on 17 September, 2024 - 00:27