चित्र खेळ - प्रकाशचित्रांचा झब्बू - विषय क्रं-१ - पूल ( Bridge)

Submitted by संयोजक on 18 September, 2023 - 22:24

हा आहे आपल्या सर्वांचा आवडता खेळ प्रकाशचित्रांचा झब्बू .

आजचा विषय - पूल ( Bridge)

रस्त्यामध्ये येणारे विविध प्रकारचे अ़डथळे पार करण्याकरिता लागणारी वास्तू म्हणजेच पूल होय. हे अडथळे नद्या, नाले, ओढे, दऱ्या खिंडी, खोलगट भाग, तलाव, सरोवरे, खाड्या, समुद्राचे भाग, आडवे जाणारे रहदारीचे रस्ते ,लोहमार्ग असे कोणत्याही प्रकारचे असू शकतात. तुम्हीही आजपर्यंत देश विदेशात अनेक पूलांवरून प्रवास केला असेल...काही काही पूलांवरचा प्रवास तर आज आपल्या रोजच्या जगण्याचा भाग झाला आहे...
मग अश्या काही देश ,विदेश, गावातील पूलांची छायाचित्र तुमच्याकडे असतील तर चला झब्बू खेळूयात ...

खेळाचे नियम व अटी -

१. प्रकाशचित्र एडिट केलेले किंवा कोलाज नको.
२. ही स्पर्धा नाही. हा खेळ आहे.
३. ह्या खेळात सहभागी होण्यासाठी आपल्याला 'मायबोली गणेशोत्सव २०२३' ह्या ग्रूपचे सभासद असणे गरजेचे आहे.
४. झब्बू म्हणून एका वेळेस एकच प्रकाशचित्र टाकावे.
५. झब्बूचे प्रकाशचित्र हे प्रताधिकार मुक्त असावे.
६. झब्बूचे प्रकाशचित्र संयोजकांनी दिलेल्या विषयाशी सुसंगत असावे.

विषय: 
उपक्रम
शब्दखुणा: 
मायबोली गणेशोत्सव २०२३
Groups audience: 
मायबोली गणेशोत्सव २०२३
Group content visibility: 
Public - accessible to all site users
शेअर करा

भारी फोटो सगळेच.
नॉर्वे फोटोजच्या अभिप्रायाबद्दल धन्यवाद! नॉर्वे हा Fjords चा देश असल्यामुळे डोंगर, दर्‍या, बोगदे, पाणी आणी पूल यांची बिलकूल कमी नाही. अशाच एका भटकंतीमधे हा सिंगल लेन पूल लागला होता, कार जेमतेम जाईल इतकीच रुंदी होती:

IMG_E4694.JPG

Submitted by मंदार on 25 September, 2023 - 03:49

हर्पेन, दिवावाला फोटो कमाल! मलाही दिवाच वाटला होता आधी.
वाईचा फोटोही मस्त.
आधीच्या पानावर एक सॅन अंटॅनीओ रिवर वॉकचा फोटो आहे. एकेकाळी वरचेवर गेलो असल्यामुळे एकदम नोस्टॅल्जीक!

Submitted by मंदार on 25 September, 2023 - 04:31

धन्यवाद punekarp , सामो, मंदार, ममो

मला स्वतःलाही आवडले त्याचे कॉम्पोझिशन.

वांदरे वरळी जोडणारा मुंबईची शान असणारा हा पूल. फक्त चारचाकी वाहनांकरता असलेल्या ह्या पुलावर कारला थांबता येत नाही. पायी चालण्यासही सक्त मनाई आहे. पण वर्षातून एकदा मुंबई मॅरॅथॉन च्या वेळी फुल मॅरॅथॉन धावणार्‍या धावपटूंना मात्र ह्यावरून धावता येते.

IMG_20180121_071924 (1).jpg

हा आणि मागच्या पानावरचा दोन्ही फोटो अक्षरशः धावता धावता जरासे थांबून काढलेले आहेत.

Submitted by हर्पेन on 25 September, 2023 - 05:54

खास अमितव करता म्हणून एका फोटोत चार पूल
ठिकाण आपलेच पुणे
घेतलाय भिडे पुलावरून
मागे झेड ब्रिज त्याच्याखाली नीट पाहिल्यास लकडीपूलही दिसेल
आणि मेट्रोचा पूल
IMG_20230723_062433 (1).jpg

Submitted by हर्पेन on 25 September, 2023 - 06:18

तो लहान पूल आहे त्यालाच साकव म्हणतात का? नॉट शुअर.
----------
होय - a small bridge on a rivulet

बरं झालं पूलांच्या फोटोंत वैविध्य आणले.

Submitted by धनश्री- on 25 September, 2023 - 06:23

१९३७ साली दहा हजार रुपयात बनवलेला सस्पेंशन ब्रिज

IMG_20230813_122836 (1) (1).jpg

Submitted by हर्पेन on 25 September, 2023 - 06:33

धन्यवाद अनिंद्य Happy

फॉल सीजन सुरु होतोय. हा आमच्या घरापासून १० मिनीटांवर असलेल्या बागेतला फोटो (Sandvika, Norway):

IMG_E3170.JPG

Submitted by मंदार on 25 September, 2023 - 07:36

मंदार एकसे एक फोटो!
हर्पेनला स्पेशल धन्यवाद! सूर्य फोटो मस्त आहे. एकदा दगडात चार पूल पण मस्त.
पुणेकर नसुनही एसएमजोशी पूल, भिडे पूल, झेड ब्रिज (हा ही आता माटुंग्याचा न आठवता डेक्कनचा आठवण्याइतकी प्रगती (!!!) झाली आहे), लकडी पूल यांचे नसलेले फोटो मिस करत होतो.
त्यात (तुम्हा सायकलवाल्यांच्यात गरवार्‍यांपेक्षा त्यांच्या आईची आठवण जास्त काढणारा... इति पु.ल. ) गरवारे पूल एक राहिलाच आहे अजुन. Happy

Submitted by अमितव on 25 September, 2023 - 13:05

अमितव यु आर वेल्कम.
गरवारे पुलाचा बघतो सापडतोय का ? डेक्कन वरचाच ना?
पण आम्ही त्याला अर्धभुयारी मार्ग म्हणतो

मस्तच निल्स_२३

त्याचाच अजून एक टाकतो म्हणजे खराखुरा झब्बू होईल.
IMG_20230813_155808 (1).jpg

Submitted by हर्पेन on 26 September, 2023 - 02:10

धन्यवाद अमितव!

हा दुधसागर धबधबा. पूल जरा निरखून पाहील्यावर दिसेल. ट्रेन एक वळण घेउन पूलावर जायच्या आधी ट्रेनमधूनच काढला आहे:

IMG_1478.jpg

Submitted by मंदार on 26 September, 2023 - 02:29

मणीमहेश कैलास यात्रा मार्गावरील पूल.
दिसायला असायला छोटा असला तरी महत्वाचा. विचार करा हा पूल नसेल तर काय अवस्था होईल!

IMG_20180730_163115 (1) (2).jpg

Submitted by हर्पेन on 26 September, 2023 - 03:13

धन्यवाद मंदार.
आज आपण दोघेच आहोत बहुतेक ब्रीजवर.
अजून किती आहेत पूल तुझ्याकडे म्हणजे मी पण त्याप्रमाणे शोधतो Proud

हा इटली मधील फ्लॉरेन्स मधला एक पूल. ही अशी कुलुपे का बांधतात कोण जाणे

IMG_20220919_191728 (1).jpg

Submitted by हर्पेन on 26 September, 2023 - 03:47

आज आपण दोघेच आहोत बहुतेक ब्रीजवर. >> Lol

अजून किती आहेत पूल तुझ्याकडे म्हणजे मी पण त्याप्रमाणे शोधतो>> हाहा. झब्बू देत रहा, बघूया कोण किती पाण्यात आहे ते Happy
खरंतर अजून बर्‍याच पूलांचे फोटो टाकत नाहीये कारण फोटोत त्यावर आम्ही उभे राहून पूलाची शोभा घालवलीय Wink

हा एक स्लोव्हेनिया मधला लेक बोहींज जवळचा पूल:

IMG_E1829.JPG

Submitted by मंदार on 26 September, 2023 - 04:11

Pages