मराठी भाषा गौरव दिन २०२३ - खेळ शब्दांचा - प्रसिद्ध मराठी व्यक्तींची नावे

Submitted by संयोजक-मभागौदि-2023 on 27 February, 2023 - 02:32

मराठी भाषा गौरव दिन २०२३
खेळ शब्दांचा - ५ - प्रसिद्ध मराठी व्यक्तींची नावे.

मराठी भाषा गौरव दिनानिमित्त आखलेल्या अनेक खेळांपैकी हा खेळ आहे शब्दांचा. उन्हाळ्याच्या सुट्टीत आपण सगळ्यांनी तासनतास पत्ते झोडले असतीलच. त्यातल्या त्यात बराच वेळ चालणारा आणि आवडीचा खेळ म्हणजे झब्बू. आता आपण खेळणार आहेत शब्दांचा झब्बू.
शब्दांच्या या खेळात आपल्याला गायक, खेळाडू, सामाजिक कार्यकर्ते, वैज्ञानिक, प्रशासक अशा प्रसिद्ध मराठी व्यक्ती ओळखावयाच्या आहेत.
महत्त्वाची सूचना - याआधी मायबोलीवर अशाच प्रकारचा खेळ साहित्यिकांच्या नावांवरून आपण खेळलो आहोत. त्यामुळे या वर्षी साहित्यिकांव्यतिरिक्त अन्य प्रसिद्ध व्यक्तींवरच कोडी घालावीत.

सूचना नाही, पण जमले तर - अभिनेते, क्रिकेटपटू यांच्याबद्दल नेहमीच बोलले जाते. या क्षेत्रांशिवाय अन्य क्षेत्रांतल्या मराठी कर्तबगार व्यक्तींना आठवण्याचा प्रयत्न करूया.

नियम :
१) संयोजक पहिले कोडे देतील.
२) कोड्याचे रूप - व्यक्तीच्या नावातील अक्षरांची संख्या दर्शवणार्‍या रेषा किंवा फुल्या , नावातील एक अक्षर त्याच्या जागी आणि व्यक्तीबद्दलची काही माहिती देणारा संकेत.
३) ही माहिती वापरून आपल्याला कोडे सोडवायचे आहे.
४) कोडे विचारणार्‍याने आपल्या कोड्याचे बरोबर उत्तर आले की तसे लगेच सांगावे.
५) जो सभासद सगळ्यांत आधी बरोबर उत्तर लिहील त्याने पुढचे कोडे द्यावे.
अशा प्रकारे हा खेळ साखळी पद्धतीने चालेल.

उदाहरण म्हणून सुरुवात एका सोप्या संकेतापासून करू.
पहिले कोडे:
सात अक्षरे - _ _ _ _ _ क _ : भारताची गानकोकिळा

चला तर मग, या खेळायला!

विषय: 
Group content visibility: 
Public - accessible to all site users

या त्यांच्या नृत्याइतक्याच नृत्यशिक्षण आणि नृत्यावरील संशोधन या कामांसाठी ओळखल्या जातात. बाजूस पडत चाललेल्या एका नृत्यप्रकाराला पुन्हा प्रतिष्ठा मिळवून देण्यातही त्यांचा वाटा आहे.
**क ** (पाच अक्षरी)

कनक रेळे आठवतंय (ओडिसी नृत्यांगना)

पण पाच अक्षरं एकत्र नाहीत त्यात नाव आणि आडनाव मिळून पाच आहे.

ओहह सो सॉरी.

ओडिसीही कोणी मराठी आहे बहुतेक त्यामुळे confused

राजकारणात पुर्वी सर्वोच्च पदावर असलेली एक महिला

- ति - - - पा - -

पाच अक्षरी पहिलं नाव, तीन अक्षरी आडनाव. सोपं आहे.

बरोबर.

त्यांना प्रतिभाताई म्हणतात म्हणून पाच अक्षरी लिहीलेलं. आता तुम्ही पुढचं कोडं द्या.

ओळखायचे नाव दोन व्यक्तींचे समान आहे. त्यापैकी एक भूजल वापरतज्ञ तर दुसरे प्रख्यात शल्यचिकित्सक आहेत.
(**श) ( * * * कर)
३, ५.

फक्त पाटणकर बरोबर.

मंगेश मला तरी माहित नाहीत. खात्रीची माहिती आहे का ?

शल्यचिकित्सक हे संशोधक सुद्धा आहेत

चौसष्ट घरांची राणी ? छे छे! एका घरातल्या तीन- तीन राण्या!

प्रत्येक नाव ३ +५ = ८ अक्षरी
८ पैकी पाचवे अक्षर डि.

चौसष्ट घरांची राणी ? छे छे! एका घरातल्या तीन- तीन राण्या!

प्रत्येक नाव ३ +५ = ८ अक्षरी
८ पैकी पाचवे अक्षर डि
खाडिलकर भगिनी रोहिणी,जयश्री,वासन्ती

Pages