कवितेचं रान

Submitted by दत्तात्रय साळुंके on 28 December, 2021 - 07:05

आलं भराला भराला असं कवितेचं रान
कणसा कणसात भरलं सब्दाचं गं दाणं

सबूददाणा भरघोस असा भरला भरला
कागूद रानाचा लिवाया नाही पुरला पुरला

माझ्या अडाणी ववीचा हाय बाणा रांगडा
कव्हा मिरच्याचा तोडा, कव्हा रस ऊसाचा गोडा

तिचं रापल्यालं त्वांड पण मन हिरवंगार
पाटाच्या गं पाण्याला ओली मायेची धार

बोरीबाभळीचं काटं तिच्या पुजलं पाचवीला
दैवगतीचं फेरं नाही चुकलं गं रामाला

पानाफुलांनी सजला देह तिचा झिजलेला
हिरव्या बोलीचा सबूद रानोमाळ गुंजलेला

© दत्तात्रय साळुंके

विषय: 
काव्यलेखन
शब्दखुणा: 
सबूद
रान
रांगडा
Groups audience: 
गुलमोहर - कविता
Group content visibility: 
Public - accessible to all site users
शेअर करा

काही ओव्या मीटरमध्ये बसत नाहीयेत. पण तुमच्या कल्पना आणि शब्द इतके सुंदर आहेत, की मीटरकडे दुर्लक्ष करायला हरकत नाही.

Submitted by हरचंद पालव on 28 December, 2021 - 21:35

@ हरचंद पालव
खूप धन्यवाद...
मी तसा कच्चाच आहे मीटर बाबत...
प्रयत्न असतो तसाच पण कुठे, कुठे नाही जमत.

Submitted by दत्तात्रय साळुंके on 29 December, 2021 - 03:42

छान!

Submitted by अनन्त्_यात्री on 31 December, 2021 - 07:26