Name: पनीर पराठा (व्हिडिओ सोबत)
Prep time: १५ मिनिटे
Cook time: ३० मिनिटे

Submitted by डीडी on 18 December, 2020 - 08:36

प्रत्यक्षात लागणारा वेळ:

३० मिनिटे

लागणारे जिन्नस:

मल्टि ग्रेन / गव्हाचे पीठ - १ १/२ कप
मीठ
तेल

पनीरचे सारण:
पनीर - २०० ग्रॅम्स
कांदा - १ मध्यम आकाराचा बारीक चिरून
हिरवी मिरची - १ बारीक चिरून
पुदीना पाने - १२ ते १५ बारीक चिरून
कोथंबीर - १/२ कप बारीक चिरून
आले-लसूण पेस्ट - २ टिस्पून
ओवा - १/२ टिस्पून
धणे पावडर - १ टेबलस्पून
काळी मिरी पावडर - १ टिस्पून
लाल तिखट - १ टिस्पून
अमचूर पावडर - १ टिस्पून (ऐच्छिक)
कसुरी मेथी - २ टिस्पून
मीठ - चवीनुसार
तूप

क्रमवार पाककृती:

एका भांड्यात गव्हाचे पीठ, तेल, मीठ आणि पाणी एकत्र करून पीठ चांगले मळून घ्या आणि १५ मिनिटे झाकून ठेवा.
पनीरचे तुकडे करून १० मिनिटे थोड्या पाण्यात घालून ठेवा.
पनीर पाण्यातून पिळून घेऊन एका भांड्यात छान चुरून घ्या.
त्यामध्ये वरील सर्व साहित्य एकत्र करून सारण बनवून घ्या.
कणिक थोडी मळून, कणकेचे समान आकाराचे गोळे करून त्याची पोळी थापून अथवा लाटून घ्या.
त्यावर पराठ्यात मावेल एव्हढं सारण घाला.
वरून अजून एक लाटलेली पोळी ठेऊन कडा घट्ट दाबून घ्या.
तवा गरम करून त्यावर काही तेलाचे थेंब टाकून टिश्यू पेपर किंवा कापडाने पुसून टाका.
गरम तव्यावर लाटलेला पराठा घाला आणि कडेने थोडे तेल / तूप सोडा. एका बाजूने भाजून झाला कि पराठा परता आणि सोनेरी होईपर्यंत दोन्ही बाजूंनी भाजून घ्या.
गरम पनीर पराठे दही/ राईत्या सोबत सर्व्ह करा.

आहार:

शाकाहारी

पाककृती प्रकार:

उपाहार

पोळी, पराठा, पुर्‍या

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा