जणू पतंग मी आई

Submitted by अनिकेत बालाजी येमेकर on 13 November, 2020 - 12:39

जणू पतंग मी आई, तुज हाती धागा धरी,
तुझ्या शिकवणीने मज, नेई उंच त्या अंबरी

तुझी मूर्ती अंतरात, तुझे शब्द या बोलात,
तूच दिलेस ही बोली, ती गातो मी स्वरात,
तू आहेस सागर, ज्यात माया चराचरी...,

तूच सांगितले मज, मोल जीवनाचे,
तूच दाखविले मज, मार्ग जगण्याचे,
तुझ्या संस्कारांनी झालो, मी तुझा अज्ञाकरी,

तू दुर न जावी कुठे, आस ही मनाची,
कधी वेळ न यावी, तुझ्याविन जगण्याची,
जरी मालक जगाचा, आई विन तो भिकारी...,

-अनिकेत बालाजी येमेकर

विषय: 
काव्यलेखन
शब्दखुणा: 
कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा