आटपाट नगर

Submitted by कविता क्षीरसागर on 9 August, 2019 - 08:02

आटपाट नगर

आटपाट नगरात बासुंदीचे तळे
तळ्याच्या शेजारी बर्फीचे मळे

नगरात राहणारे आहेत वेडे
त्यांनी बांधलेत बिस्किटांचे वाडे

तेल म्हणून लावतात ते दही
पाण्यावर करतात पेन्सिलीने सही

फिरायला नेतात मिठाईची गाडी
वरती छोटी खरवसाची माडी

तेथील लोक आहेत झोपाळू  
झोपेतच खातात २,४ जर्दाळू

असे आहे हे आटपाट नगर
दिसेलच तुम्हा तिथे गेलात तर

कविता क्षीरसागर

विषय: 
काव्यलेखन
शब्दखुणा: 
बालकविता
Groups audience: 
गुलमोहर - बालसाहित्य
Group content visibility: 
Public - accessible to all site users
शेअर करा